لحقوني حمامتي بتموت ( صورة )

[ملينيوم]

السلام عليكم ورحمة الله وبركاته

السالفة ومافيها لي فترة طويلة اشوف حمامة من عندي راسها منتف ريشة

قلت شكلها خلافات بين الحمام ويتهاوشون

عاد اليوم وبالتحديد قبل شوي رحت اشيك عليهم واعلفهم

إلا اشوف الحمامة اللي منتوف راسها رايحة فيها من التعب ومادري شفيها

المهم شوي واشوف كم حمامة تهجم عليها مسكينة صاروا يسحبون جلدة راسها بطريقة وحشية جداً

عاد قلت اشيلها منهم واحجزها لحالها حفاظاً على حياتها

وهذي صورة راسها




بس في الصورة مو واضحة .. لأن على الطبيعة منظرها يخوف والجلد منتف ومشقوق

انا حطيت على راسها ماي ونزل شوي دم ونظفت راسها بالماي

برايكم شنو الحل اخليها محجوزة لحالها لين تطيب بروحها ؟

ولا كيف اتصرف ؟؟

شكراً لكم مقدماً

[ملينيوم]

اكثروا من الاستغفار

استغفر الله العلي العظيم
استغفر الله العلي العظيم
استغفر الله العلي العظيم

[mustaf]

اخوي ابعدها عنهم لانوا بجوز المسكن تبعهم صغير وحط على الشقوق اللي براسها طحين

[mustaf]

أخوي انا لاحظت صورة دجاج لانوا الدجاج عدائي جدا مع الحمام

[AL-MARD]

سلام حط على راسها كريم معقم و انشاء الله يطيب انا عندي كوري حليل مالة بامشاكل و راسة منتف تنتيف خليتة برا القفص و ماشي حاله

[المطنون]

حبيبي حسب ما معلوماتي حمامك يحتاج للبروتين
وحتى الدجاج يجي فتره تلاقيه ياكل في ظهر بعض هذا احتياج للبروتين

روح صيدليه بيطرية وقلت عن فيتامين فيه بروتين وعوض حمامك

والمجروحه هذي جلسها بروحها فتره مع الاهتمام بنظافة الجرح حتى ما يجيه جراثيم ويتسمم وان شاء الله بتكون باحسن حال

[هاوي حمام مجروح]

اخوي كلام الاخ صحيح انا ملاحظ صورت دجاج وديك ترا اذا حطيت الدجاج مع الحمام اعتبر حمامك ميت ومساله الحمام اعزلها الين ترجع لصختها وحطها مع ذكر اجمعها مع ذكر وخلهم يتوالفون ويتزاوجون والذكر راح يحميها

[fotoo]

مسكينه
ابعد عنها الديك
والدجاج

واذا كان القفص صغير احتمال يكون سبب الهوشه
لأن كل حمام تبي تاخذ لها مكان تعشيش

[ملينيوم]

جزاكم الله خير واشكركم على مساعدتكم

بس خلاص اليوم العصر قعدت من النوم شفتها ماتت الله يرحمها

بالنسبة اللي يقول دجاج انا عازل الحمام عن الدجاج .. يعني مخلي الدجاج برا على راحتهم والحمام لهم عشة

بس يمكن صحيح كلام البعض لأن شوي العشة صارت صغيرة عليهم لأن ما شاء الله صار انتاج والعشة يبيلها تكبير

وان شاء الله المرات الجاية راح اوريكم صور للعشة وللحمام حقي

وانا هالاسبوعين فاقد حمامتين اليوم اللي ماتت وقبل فترة مات علي حمامة سوداني

واسف على الازعاج نشوفكم على خير

[الطائــر الغامــض]

المشاركة الأصلية كتبت بواسطة ملينيوم

جزاكم الله خير واشكركم على مساعدتكم

بس خلاص اليوم العصر قعدت من النوم شفتها ماتت الله يرحمها

بالنسبة اللي يقول دجاج انا عازل الحمام عن الدجاج .. يعني مخلي الدجاج برا على راحتهم والحمام لهم عشة

بس يمكن صحيح كلام البعض لأن شوي العشة صارت صغيرة عليهم لأن ما شاء الله صار انتاج والعشة يبيلها تكبير

وان شاء الله المرات الجاية راح اوريكم صور للعشة وللحمام حقي

وانا هالاسبوعين فاقد حمامتين اليوم اللي ماتت وقبل فترة مات علي حمامة سوداني

واسف على الازعاج نشوفكم على خير

وربي خبر محزن .. يقطع القلب ...

المسكينة الله يرحمها ...

والله يعوضك عنها وعن اللي مااتت قبلها ...

بس كان عليك تتصرف بسرررعة ومرة ثانية احذر وتصرف بسرررعة في اوقات الورطاات قبل ما يصير شيء لا قدر الله ...