أطعام الأسماك ديدان

[TheSoulsHunter]

السلام عليكم أخواني
بدي أطرح على الخبراء سؤال ضروري
نحنا عنا بالفيلا مسبح ومن السنة الماضية المي يلي فيه يعني مدودة ولونها خضرة تماماً كالمستنقعات
فاللي صار اني جبت قارورة ووضعت فيها ديدان المياه تبع المسبح علشان أطعميها للسمك عندي
لما وصلت عالبيت أفرغت القارورة في الحوض وخلال دقيقتين كانت الوجبة منتهية
انا عندي 2 غورامي
1 باكو
يعني الديدان بحجم حبة الرز تقريباً ولكن أنحف وأطول بشوي
فهل هذه الديدان تضر ام تنفع السمك ؟ وهل من الممكن أن أطعمها للأسماك دائما؟

[Dr Khaled]

و عليكم السلام و رحمة الله و بركاته
طالما أنت متأكد من أن الديدان غير مضرة للأسماك فتطعم منها عادي ؛ بمعدل وجبة واحدة إلى إثنتين يومياً .

[TheSoulsHunter]

والله أنا يادكتور مابعرف اذا مضرة ولا لا بس يعني حبيت أجرب
وإذا ماكانت مضرة بصير بحسب حساب لعلوش وبجبلو شي قنينة

[Egyptian Eagle]

لا اخي الكريم
هل انت خبير في الديدان لكي تعرف ان كانت ضاره ام لا
خليك في الامان و بلاش هذه الديدان افضل

[Dr Khaled]

ممكن تصور و ترفع صور واضحة للديدان لأجل التقييم فراس و مو مشكلة هيك هيك علوش بعاني من الأكل مع سمكاته بركي دعمته بشي قنينتين تلاتة خطي بتكسب فيو آجر

[TheSoulsHunter]

ههههههههههه
هلق المشكلة انو وجبة الديدان بعد دقيقتين خلصت والديدان صغار يعني مابيتصورو بالكاميرا
وانشالله الجمعة الجاية اذا رحنا عالمزرعة بجبلو لعلوش
هلق في لقيت هدول الصور بالأنترنت بعد هناء طويل من البحث يعني بيشبوهنن يعني هدول أقرب شي للي عندي
هي شكلهن لما بكونو بالمي

وهي صورة موضحة جسم الدودة ولكن رسم


والله يمكن تزكرة انو شكلهن متل شكل النحلة
يمكن اليرقات تبع النحلة ياأما حشرة أخرى لانو مافي ولا دودة بهالشكل يلي عنا بالمسبح

وأخيرا لقيتها طلعت يرقة الناموس
هلق السؤال يرقة الناموس ضارة ؟ للسمك
ومعلومات عن طريقة اطعامها للسمك

[Dr Khaled]

هذه دورة حياة يرقة الناموس



و هذه اليرقة


و الصورة التي أسلفت و وضعتها يا فراس هي صورة البليناريا و هي ديدان ضارة ولا تعتبر غذاء للأسماك...

و عند وضع الديدان لا تضع ماء البركة أو المستنقع مباشرة في الماء بل تصفى الديدان و تقدم بدون ماء

فراس جاي ع بالي تاكل عقوبة إذا بتعرف الجاموقة .... بس هاي المرة مو بالجاموقة بنص البركة إللي عندك

[TheSoulsHunter]

هههههههههههههههههههه أكيد بعرف الجاموقة
اي هاد صح بس انا حطيت الصورة مشان قلك انو بتشبهها وبعدين حطيت صورة تانية ليرقات الناموس بس الأخ محمد علي علي حذف الصورة ودمج المشاركات
هلق دمج المشاركات الحق معو لانو صارت سبام بس مابعرف ليش حذف الصورة :| هي هي الصورة مرة تانية وياريت انو تقلي اذا ضارة يرقة الناموس ويعني معلومات عن طريقة اطعامها للسمك وهيك شي

[Egyptian Eagle]

اه تمام كده دكتور خالد سبقتني بالاجابه
و تستهال عقوبه كما قال لك ابو وسام حد يضع البليناريا بيده في الحوض
فراس الله يرضى عليك اخي
اشتري دود من محل بيع اسماك الزينه اسهل و افضل

[TheSoulsHunter]

لك مو بليناريا :| حطيت الصورة بالغلط يعني بس تشبيه للأصلية وأقرأ المشاركة السابقة تبعي