قفص كبير للعصافير والببغاء .. الطول 8 متر تقريبا والعرض 3 متر + صور .

[عاشق الكرواان]

السلام عليكم ورحمة الله وبركاتة

اخواني مسوي في حوش البيت قفص كبير للعصافير والببغاوات
والقفص طوله اتوقع 8 او 9 متر والعرض 3 متر

هو القفص مصنوع من طابوق وخشب وشبك والسقف جينكو .

حبيت ارويكم صور القفص والعصافير والببغاوات الي عندي

واي ملاحظة عندكم او انتقاد خبروني عنه

(( لو سمحتم يا اخواني المشرفين لاتنقلون الموضوع لقسم سوال وجواب لان ماعندي سوال انا بس حبيت اوريكم صور القفص والببغاء , لان في موضوع حطيته ل ذكر كوكتيل اشتريته وجفته انتقل ل قسم سوال وجواب مع اني ماسالت شي )) وادري ان في اكثر من نوع انا حاطنهم ويمكن مايكون قسم هواه الببغاوات مكانه بس قسم الببغاوات على ما اعتقد يشمل كل الطيور .. المهم
اخليكم مع الصور والسموحه ^^ ))


اول شي صوره القفص من بعيد






خلينا نقررب شوي





خلااص بنقرب شوي اكثر





نفتح الباب وله




ادري استهبل

ملاحظة القفص مقسم ل جزئين

الجزء الاول من داخل لطيور الحب والكوكتيل والزيبرا والبادجي وطير غريب اول مره اجوفه بس عرفت اسمه (( اليمامة الماسية )) ههه عجبني شكله خذيت منه زوج

عندي زوج كوكتيل وواحد يعني مجموع 3 كوكتيل , وعندي 3 زوج طيور الحب و 5 زوج زيبرا و 4 زوج بادجي وزوج اليمامة الماسية

والجزء الثاني حاليا موجود فيه زوج ياكريم وزوج دره وزوجين فري ههههه

بخليكم مع الصور
قولو ما شاء الله



تصوير من برع للجزء الي داخل (( حق طيور الحب وكوكتيل وهالسوالف ))





تصوير من برع للجزء الاول (( حق الدره والياكريم ))



من الداخل الجزء الاول


















هذا الصندوقين حق الدرة فصلت 2 واحد مستطيل وواحد على شكل حرف L



وهذا زوج ياكريم



وهذا العش حق الياكريم



وهذا فري هه



============================

الجزء الثاني (( كوكتيل , طيور الحب , وبادجي , الخ ))

هه هذا حصلته ف عش مسكين



ما شاء الله









هذا اليمامة الماسية















هذا العش سويت 4 لقماس البادجي و3 للكوكتيل و5 لطيور الحب وللزيبرا اشتريت العش الخاص لهم بس ما اشتريت اله 4 وانا عندي 5 زوج ان شاءالله بشتري عقب













هذا صوره الجينكو ,, كان في مشكله وهو الفتحات بس الحمدلله سكرناها ب اسمنت










وهذا الباب الي في النص





ههههههههه وانا قاعد اصور حصلت هذاا







ههههههههه سحليه
فرحت جبت البازوكه


اقصد مسدس ام صجمة

وذبحتة


هههههههه


هذا كل شي اخخخ تعبت اصابعي عضلت ههه

ان شاءالله الصور واضحة والكلام مفهوم
ملاحظة / اعرف ان بتقولون ان في اكثر من نوع وبيتضاربون بس الي مسوي القفص هو خالي وهو يبيهم يكونون احرار ويطيرون عسسب جي


^^ انطر ردكم وانتقاداتكم ولو بكلمة وحده
والسموحه ع الاطالة


فمان الله ^_______^

[تشآرلي]

وعليكم السلام ورحمة الله وبركاته

ماشاء الله تبارك الله

ابداع ياخوي

وربي يحفظهم لك

حاول تسد الثغرات الي تسمح للسحليه الدخول ^_^

ينقل لقسم البومات صور الببغاوات

[الجوهرة هنادي]

بسم الله ما شاء الله
الله يحفظهم لك اخي وتشوف انتاج انتاجهم
وفقك الله

[عاشق الكرواان]

تشآرلي

مشكور ياخوي على الرد وعلى نقل الموضوع للقسم المخصص له

^^ تسلمم


0----------------0


الجوهرة هنادي


مشكورة اختي ع الرد ^^

[Yasmine]

حلوين الله يحفظهم لك

[الهاشم]

مدري ليش بس نص الصور ما طلعت
بس اخوي انت مخليهم مع بعض هل في مشاكل او لا لان حسب ما اعرف ان يا كثر المشاكل بين الطيور
وهل في انتاج او لا

انا انشاء الله حاب اسوي قفص زيه

[بو عبدالاله]

ماشا الله تبارك الله

شكرا لك اخي الكريم

[ابوعجلان]

ماشاء الله تبارك الله

[المحمدي]

ماشاء الله تبارك الله

شغل تمام و 100%

بس عندي ملاحظة

السقف عندك ( زنك ) ما أدري الأسم صح وإلا لا

ولكن في الصيف ومع حرارة الشمس بيكون القفص حااااااااار جدا

وهذا يضر بالطيور لآنها ماتستحمل الحرارة الشديدة

أنا فكرت أقولك ركب عازل الحرارة (( يكون مثل الأسفنج ))

وهذا شكلة



ولكن عارف لقافة الطيور ماراح تتركه لك بتأكله أكل

ولا أدري هل يركب من فوق السقف أو لا

فأنت حاول تشوف لك حل

وبالتوفيق

[سلاطينووووو]

شي جميل