اشترك في نشرتنا البريدية ليصلك كل جديد

فادي عمري · 25-07-2013, 04:45 PM

السلام عليكم ورحمة الله وبركاته
لهواة البط
احب اذكر هذا الموضوع على محبي البط سؤال وجواب

انا بدي ادخل في تربيه البط أي نوع اختار؟
هناك اكثر من نوع للبط وبتختلف النوعية حسب متطلباتك
مثلا اذا بدك مشروع لانتاج اللحم اختار المكسوفي
اذا بدك بط للزينة او لبيع الريش مالك غير البكيني ريشه اصفر وحلو
وفي كتير انواع للبط والخيار خيارك

كيف افرق بين الذكر والانثى في البط
انا بعرف افرق بصغار البكيني
الي حجمه كبير , وبطنه منفوخ , ووقفته مستقيمة تقريبا (راسه عالي) , وهادي , وصار يزعق وصوته عالي كتير (ركز على كلمة هادي) فهاد انثى
والي حجمه اصغر , وبطنه صغير, ووقفته افقية (مثل القط والكلب), وعصبي كتيير وبلحق وبعض , وصوته مثل فحيح الافعى فهاد ذكر

اتركم مع الصورة

متى تبدأ الانثى بوضع البيض؟
تبدأ من عمر 6 اشهر +كم يوم

مبارح كانو مثلا 6 بيضات اليوم صارو 5 ,ما هذه المصيبة!!
احب ان اقول لكم انه البط يأكل بيضه اذا كان فاسد او اذا كان مكسور من قبل الذكر
نقدر نقول ان البط يعرف بيضه اذا هو فاسد ولا لا مش مثل الدجاج والطيور اللتي ليست مائية
بس البط معرض للخطر اكثر اذا اكل بيضه وكان البيض ملوث الحمد لله البطة عندي طابت لحالها

متى يلقح الذكر الانثى؟
التلقيح بكون قبل وضع البيضة بساعات قليلة
يعني اذا البط بشكل عام بضع البيضة اول ظهور الضوء على الساعة 5 الصبح
التلقيح بكون بآخر الليل تقريبا

ما هي امراض البط وكيفيه شفائها
انا عموما ما بعرف ولا مرض بس اكيد بطاتي مرضو
في بطة كانت بتعرج باجرها وكان الجرح ينزف
انا على الطريقة المعروفة جبت قطعة قماش ولفيتها على مكان النزف
وخليتها ترتاح لكم يوم وطابت الحمد لله
البط معروف انو عنده مناعه قوية للامراض بسرعة بشفى

كم سنة يعيش البط؟
البط يعمر فمنه تصل حياته الى 15 سنة ومنه اكثر او اقل

هههه اليوم موقف طريف صار معي لما اجا الديك وما صدق حالو لما نط على البطة الانثى ههههههههه البطة صارت تدفش فيو والبطة الذكر ما قصرت فيه ههههههههههههههه

صور لبطاتي

اتمنى موضوعي يكون حاز على اعجابكم

bird96 · 25-07-2013, 08:47 PM

شكرا لك عزيزي ما قصرت صراحة ..

اتمنى ان ارى مواضيع غنية اكثر ..

تسلم ايدك ربي ما يحرمنا منك .

فادي عمري · 25-07-2013, 09:30 PM

اقتباس:

المشاركة الأصلية كتبت بواسطة bird96

شكرا لك عزيزي ما قصرت صراحة ..

اتمنى ان ارى مواضيع غنية اكثر ..

تسلم ايدك ربي ما يحرمنا منك .

تسلم يا مشرفنا الغالي

ولله انا كنت ادور على موضوع اركز عليه بس ما لقيت
ان شالله اذا احد الاعضاء اراد موضوعا ما لن اقصر

لانو هاد اول موضوع بالنسبه الي وهاي اكيد بس البداية

bird96 · 25-07-2013, 11:20 PM

اقتباس:

المشاركة الأصلية كتبت بواسطة فادي عمري

تسلم يا مشرفنا الغالي

ولله انا كنت ادور على موضوع اركز عليه بس ما لقيت
ان شالله اذا احد الاعضاء اراد موضوعا ما لن اقصر

لانو هاد اول موضوع بالنسبه الي وهاي اكيد بس البداية

تسلم عزيزي وأنا قلت يا ريت اشوف مواضيع غنية من باب التشجيع لا اكثر وربي يجزاك خير يا عزيزي .

فادي عمري · 26-07-2013, 12:11 AM

تسلم مشرفنا
رح تشوف شغلي الايام الجاية ان شاء الله

kaledalsukni · 26-07-2013, 01:38 AM

مشكور على الموضوع المميز

لاكن لو وضعته في قسم الطيور الداجنة وليس سؤال وجواب

وشكرا

فادي عمري · 26-07-2013, 04:08 AM

اخي انا وضعت الموضوع بالقسم الرئيسي (قسم الطيور الداجنة)

بس كنو واحد من الادارة نقله هون
يمكن لانو اسم الموضوع سؤال وجواب
بس الموضوع لا يحتوي على سؤال فقط شرح