سلام عليكم

[hpoola]

عندي سؤال عن انفلونزا البشر الرشح و الكحه هل تنتقل للكاسكو ؟ لاني هالفتره فيني انفلونزا واخاف اعدي الكاسكو فحبيت اجابه من اهل الخبره ..


السؤال الثاني كيف اخلي الكاسكو اجتماعي ومايخاف لاني
انا متزوجه ولا يشوف بالبيت غيري بس لما يزورني احد يخاف كثير من الناس
هل اطلعه معي اي مشوار او ايش اسوي ..

وشكراً


Sent from my iPhone using 2zoo.com mobile app

[hassan-55]

سؤالك الأول / لا اعتقد ان مرض الانسان ينتقل للحيوان بشكل عام ،، والله اعلم
ياما مرضنا ونحن نربي طيور من عشرات السنين وما اثرت على الطيور

سؤالك الثاني / حاولي تطلعين الطير برا القفص او خذي له قفص كبير يجي فوقه استاند
في أنواع رخيصه مع القاعده المتحركه تكلف 170 ريال موجوده بالسوق ، سأرفق فيما بعد صوره للقفص
وانا اشوفه يأدي اللزوم وزود عكس الاقفاص الأخرى اللي يوصل سعرها 800 ريال وتاخذ وتضيق المكان
يكون الاستاند من الأعلى مفتوح دائماً والطير يتعود يطلع واذا جاع او عطش ينزل لوحده للقفص
ومع الأيام تشوفين الطير اذا ارتاح نفسياً للمكان ينزل الى الأرض و يتمشى بينكم ويأكل معكم

بالتوفيق ان شاء الله تعالى..

[hassan-55]

^^
مثل هذا القفص ممتاز جداً وممكن فصل القفص عن القاعدة اسفل
وانا احب ادلع الطيور اغير الاعواد الخشب اللي تجي مع القفص واستبدلها بأغصان الأشجار الطبيعيه
هي افود وافضل بكثير من العاديه اللي تباع بالمحلات
حاط منشار معي بالسياره وكل ما شفت شجره على طريقي قطعت منها

[hpoola]

المشاركة الأصلية كتبت بواسطة hassan-55

سؤالك الأول / لا اعتقد ان مرض الانسان ينتقل للحيوان بشكل عام ،، والله اعلم
ياما مرضنا ونحن نربي طيور من عشرات السنين وما اثرت على الطيور

سؤالك الثاني / حاولي تطلعين الطير برا القفص او خذي له قفص كبير يجي فوقه استاند
في أنواع رخيصه مع القاعده المتحركه تكلف 170 ريال موجوده بالسوق ، سأرفق فيما بعد صوره للقفص
وانا اشوفه يأدي اللزوم وزود عكس الاقفاص الأخرى اللي يوصل سعرها 800 ريال وتاخذ وتضيق المكان
يكون الاستاند من الأعلى مفتوح دائماً والطير يتعود يطلع واذا جاع او عطش ينزل لوحده للقفص
ومع الأيام تشوفين الطير اذا ارتاح نفسياً للمكان ينزل الى الأرض و يتمشى بينكم ويأكل معكم

بالتوفيق ان شاء الله تعالى..

الحمدلله هالفتره اللبس كمام وعدت ع خير الانفلونزا

من ناحيه القفص ابشرك مايدخل ولا يجلس بالقفص لو اموت
عندي استاند يجلس ليل نهار عليه ولا يتحرك منه اطلع وادخل واسافر بالساعات مايتحرك الا لما يتحمس بالصراخ يرفرف ويطب ويرجع للستاند مايحاول يستكشف المكان حتى كنت احاول وقت النوم ادخله للقفص رافض نهائي كل ليله اتضارب واسوي حيله عشان يدخل مع الايام خليته ينام ع الاستاند وهو مرتاح فيه
انا سؤالي هل عادي اتنقل فيه مثلا طلعت للبر او حديقه او زرت بيت اقاربي عشان يشوف الناس هل يأثر فيه ويكون اجتماعي ولا يهاب احد !
وشكراً الله يسعدك



Sent from my iPhone using 2zoo.com mobile app

[hassan-55]

عااادي جداً حسب استطاعتك
انا اول لا جيت اطلع البر او حديقه اطلع الطير معي واعلقه على الشجره وينبسط كثير و نفسيته كانت جداً ممتازه
اما بالشارع او عند معارفي ما قد طلعته
لكن ما في أي مشكله طلعيه أي مكان تحبين
بإمكانك تفصلين استاند صغير او قفص صغير عشان ما يتعبك بالتنقل
لو بحثتي بالسوق ممكن تلاقين استاندات صغيره او ابحثي بالمواقع بالنت مثل موقع علي اكسبرس

وانتبهي حاولي تبعدين الطير عن اسلاك الكهرباء التوصيلات وغيرها
اذكر مره ولد عمي بجده ترك طيوره يوم وطلع مكه يوم رجع لقى الطير قطع سلك التوصيله
الحمد لله كان فاصلها عن الكهرباء ولا لا قدر الله راح الطير وصارت مشكلة حريق لا قدر الله ، انتبهي لهالنقطه





بالتوفيق ان شاء الله ..