.+[ أفيدووني بهالإستفسـآرات؟! ]+.

[Miss lexus girl]

.+[ مرحبــا

شلوونكم، شخبااركم، شحاالكم

عساكــم بخيــر وصحــة وسلامــة

إمممم بغيــت أستفسـر منكم عن كمــن شي

قلتلكم من قبل إني شاكـة بسنوو حامل

وأنا من أربع أيام تقريبا فصلتها عن جاريت

والصراحة مادري كم يوم لها.. لأني مانتبهت ع التزاوج وماكنت حاسبة أبد ×_×

بس أنا صارلي من شريت جاريت أسبوعين بالضبط يعني إذا كان الحمل صج فهو بهالحدود


أول شي بالنسبة للأكل..

عرفت إن لازم أعطيها بروتين وحليب

فأنا عطيتها مرة وحدة بياض بيض.. "نيء" وحطيته لها بصحن صغيرون.. وأكلته كلـه تقريبا

هالكلام من يوم فصلتهم تقريبا

وعطيتها حليب منزوع الدسم 3 مرات تقريبا يوم وترك.. وانا حاطته بصحن وللعلم تراها تشربه كامل.. تأكدت إنه مافي شي مسكوب منه

فهل هذا عادي.. ولا كثرته تشكل ضرر عليها؟؟

ولازم أعطيها الحليب والبيض بمعدل كم أسبوعياً؟

إضافة للخضار طبعا والأكل الجاف


الشي الثاني..

أمس كنت مطلعة جاريت يتمشى وبعدها بشوي فتحت القفص لسنوو

طلعت وعلى طول هجووم على جاريت..

شبكت فيه وقاموا يتهاوشون بقوة صاروا أشبه بكرة!

فأنا بسرعة بفصلهم وغلطت وحملت سنوو بيدي

على أساس سنوو مو عدوانية

بس اللي صــآآر

إنها غرزت أسنانها بقووة في صبعي.. مباشرة عند المفصل وتمت متعلقة حتى اني هزيت يدي مرتين لين نزلت اخيراً

والعضة كانت جــداً قوية والدم تجمع داخل الجرح وصارت المنطقة تألمني كأنها لسعة نحله.. وللحين أثر!

فـ حبيت أعرف هل الشي له ضرر؟ مع العلم إني على طول ضغطت على الحرج وطلعت الدم وغسلته بصابون ديتول

الحين يألمني شوي لما أثني يدي ××


الشي الثالث..

الوالد اليوم نقل قفص سنوو + علبة جاريت للمخزن!

يقول يطلعون ريحة ×_×

والسبب إني حاطة جاريت بعلبة بلاستيك اللي تستخدم حوش سمك.. مؤقتا لما أخلص امتحاناتي وافضى أروح المحل واشتري قفص جديد كبير

فـ رضيت إنهم يكونون بالمخزن مؤقتاً.. بس مادري هل تغيير المكان بيأثر سلب عليهم؟

القفصين محطوطين بالمخزن.. وهو مو مظلم.. يعني توصله إضاءة من الدريشة بس مو مباشرة على الأقفاص

والمكان هدوءه عادي لا إزعاج ولا هدوء.. هل لازم أنقل سنوو لمكان أهدأ وأظلم ولا عادي؟؟

واليوم كنت مطلعة سنوو توني طلعتها وشمت ريحة جاريت وشردت قبل ما أمسكها ونطت من فووق الكبت للأرض

الكبت تقريبا ارتفاعه متر =(

هي نطت وقامت تتمشى عادي وانا شلتها على طول ورديتها القفص ماكانت تتألم

بس.. مادري هل هالطيحة احتمال تأثر على البيبيز لو كانت حامل؟؟

وبالنسبة لحملها.. انا بس أفتح القفص تجيني على طول فأضطر امسح عليها واحيانا أحملها

فـ هل لازم ما ألمسها خير شر لما تولد ولا عادي؟؟

والنشارة الحين زدت ارتفاعها من كم يوم.. وسنوو حفرت حفرة وصارت أشبه بالبيت تنام داخلها

واللي أعرفه لازم ما أبدل النشارة لين عقب الولادة بأسبوعين

بس أخاف هالشي يسبب ريحة ×_×

ومتى أقدر أنقل سنووو وجاريت والصغار لقفص جديد؟؟


وبــس "وانا خليت شي "

لووول أدري كان المفروض أكتبه بالاستفسارات ^^"

بس الموضوع طوييل ووايد تفاصيل فقلت أخليه بموضوع منفصل

وسووري ع الإطالة ^^" ]+.

[dr_mido]

الحمدلله تمام انا بجاوبك علىالي اقدر عليه والباقي بخليه لمشرفتنا وذر الي ماراح تقصر وياك
لا تحطين البيض نيئ حطيلها مطبوخ او مقلي وبعدين ترا البيض فيه جرثومه مدري وش اسمها ما تموت الى مع الطبخ الجيد يعني بيض نئ لا
وبسبب الهجوم هاذا على ما اعتقد ان بعض الأناث لمن تكون في فترة الحمل تكون عدائية ومتوترة
والله يعينك على عضتها اسئلي مجرب بس ما عليك الي صارلك في ايدك شئ عادي وطبيعي وبعدين انتي ما تعرفي انو لو الهامستر اتضاربو ما تفكينهم بيدك لأنهم راح يعضوك وهاذا شئ عادي ومع الوقت بيروح الألم
وبالنسبة لنقلهم عادي ما راح يأثر بل بالعكس بيهدأ الأنثى ويطمنها ويقلل توترها يعني بيقل نسبة اكل المواليد والهدوء لازم يتوفر للأنثى الحامل وبالنسبه للنور تماام لأنو مو لازم بيكون مباشر على القفص بلعكس بيضرهم بس اهم شئ التهويه تكون جيدة
بالنسبة للنشارة والله مدري تغيريها او لأ هاذا السؤال بخليه لوذر
والنسبة للقفز انشاء الله ما بيأثر عليها الحين لأنها في اول ايام الحمل بس انتبهي انها تقفز مره ثانيه ممكن تتأذى مثل دمونيك مره طاحت من فوق الطوالة وطلع من فمها دم والحمد لله اتعافت
وكمان النقل مدري وذر بتجاوبك
واتمنى اني افدك وما اكون حكيت كلام فاضي واذا فيه شئ
نحن هنا
اتمنالك التوفيق

[رعوود]

اختي الاخ ميدو ما قصر وبجاوب عالي ما حجاوب عليه


النشارة اي نعم ما تغيرينها الا بعد فطام البيبيز

وبالنسبة للطيحة الحمدلله عدت سليمة لكن انتبهي مره ثانيه

انا الذكر طاح من يدي ارتفاع اقل من ربع متر شلت بدخله بالقفص من فوق وطاح من يدي

وتالم وقعد فترة ومات


واذا سنو اكيد حامل لا تشيلينها وتلعبينها لانه ممكن يسبب لها توتر وتاكل المواليد

وباقي الاسئلة ننتظر ويذر

[الفراشـــــة]

اعتقد إن الأخوان وفوا ..

و لكن ..

نعطيها بياض بيض نيء و إلا مطبوخ ؟

انا استغربت من كلمة نيء !

أبي أفهم ..

[رعوود]

اختي الفراشة معنى نيء


يعني مو مطبوخ



وهو مو زين تعطينها مو مطبوخ مطبوخ احسن وآمن

[الفراشـــــة]

على فكرة .. غريبة ان همستراتج يطلعون ريحة !

انا همستراتي ما تطلع ريحتهم إلا لما أقرب خشمي من القفص !!!

نظفي القفص أسبوعيا مع تغيير النشارة أسبوعيااا و أكيد ما بتطلع ريحة ..

أعرف إنش تدرين بهالمعلومة .. لكن التكرار يعلم الشطار .. و انا اؤكد المعلومة ..

يمكن تكونين بسبب الانشغال تهملين أو تأخرين تنظيف القفص !

يعني يمكن تنتظرين 10 أيام !!!

تحيـــــــــــــــاتي لج

[الفراشـــــة]

شكرا على تنبيهك رعودي ..

خوب بياض البيض النيء وعوووو .. بيسويها زفرررررررة و بيخيس المكااااااااااااان ألف بالمية !

[ميشوٍ جدهـ]

والله الحبايب كفو ووفيُ وبس انا عنديُ ملاحظـه
يوم تعطيها البيض النئ ...
حيكون قوي على معدتهإ وبالتالى فضلاتها حتكون بريحه اقوى ^^"
مدري بس حبيت اضيف اي شئ على مواضيعك الرائعه
واضفت هذي الفلسفه ^^"

دمتى بود لكسوزهُ .. وعقبال الولاده يارب وفي مشاركتك الافي ديوانية القوارض ميه في الميه انها حامل ان شاء الله
وهي في البدايه مثل هامستراتيُ ^^"
اصبري لهم اربع ايام وبتشوفي كيف بيسير شكل بطنها
والله بطنهم خلال يوم وليلة تكبر بشكل فضيع ^^"
بالتوفيق

[misca]

الاخوان ما قصرو

[jojo111]

الاخوان ما قصرو واذا
تبين اي حاجة نحن تحت الخدمة