رد: قطتي عمرها شهر و بضعه ايام ،، و ليس لديها ام ،، ما هو الغذاء المناسب لها ؟؟؟
وعليكم السلام ورحمه الله
اهلا بيك والف مبروك على القطه
ماشاء الله عسوله وكتكووووووووته ^^
عمرها شهر وكام يوم صغنتوته لسه كان مفروض تاخدها فى عمر الشهرين
مفيش مشكله دلوقتى مفروض اللبن يكون لبن اطفال خالى من الاكتوز
لان النيدو ممكن يسببلها اسهال يعنى شربها منه مره فى اليوم كفايه عشان متتعبش
الاكل تقدر تاكلها بيض مسلوق ، جبنه مثلثات او شيدر خفيفه الملح ، دجاج مسلوق
او لحم مسلوق وتقدر تضيف عليهم خضار زى ( الكوسه ، الجزر ، البطاطس ، البسله ،
الذره ، الفاصوليا )
وكمان تقدر تأكلها كبده او سمك او جمبره بس مره فى الاسبوع
وتقدر تقدملها سيريلاك بالارز او القمح واكلات كتيره هتلاقيها فى فهرس التغذيه
والمايه طبعا لازم تكون قدامها باستمرار مع تغييرها يوميا
بخصوص الاستحما وقص الاظافر ممنوع دلوقتى خالص لما تتم 3 شهور تقدر تعمل ده
وبخصوص انها بتلعب فى الاحذيه وكده هى كيتن اتوقع منها اى حاجه
وفى الوقت ده بيكونو اشقيه جدا ومش هتقدر تسيطر عليها
فاسيبها تلعب براحتها وتقدر تشغلها بلعب تانيه بس ابعد عن اللعب صغيره الحجم
عشان متاكلهاش وتحصل مشكله
ولو عايز تعودها على اسمها دايما لما تيجى تحط الاكل ليها نادى عليها باسمها
وخلى كل الى فى البيت مثلا وهما جايين يلعبو معاها ينادو عليها باسمها
مع الوقت هتتعود
ونسيت اقولك حاجه عن الاكل ضرورى وانت بتقدملها الاكل تاخد حته وتحطها فى فمها عشان تدوقه
وتعرف انه اكل وترضى تاكل
وكمان فى حاجات ممنوعه زى ( التوم ، البصل ، الملح ، التوابل ، الطمطام ، الشوكلاته ، الماشروم ، الدهون )
|