الحقوني قط رضيع صغير جداً تركته امه (يوجد صور)

[zezo056]

السلام عليكم ورحمة الله وبركاته

اخوانـ/تـي اليوم وجدت قط رضيع تركته امه ومتاكد 100% انها ماهي موجودة لانه كان 5 ساعات موجود جنب البيت

المهم شلته ودخلته البيت شرب مويه .. بس حليب مو راضي يشرب

كيف اخليه يعيش ؟ هل لازم رضاعات ولا يستطيع الشرب ؟

والقط حركاته طبيعياً جدا يعني يلحس نفسه .. بس يصيح على خفيف .. وكيف اعرف انه شبعان؟

ملاحظة : القط مفتح عيونه يعني كم يكون عمره؟







ارجوا المساعدة .. لو مات اعتقد اني راح اموت معه من القهر

وراح احطه في كرتونه عشان مايضيع في البيت

[باغيرا]

وعليكم السلام ورحمة الله وبركاته
اهلا وسهلا فيك
ياحرام شكله هلكان
ربي يجزاك الف خيير يارب
الحين بس مسحه من الاوساخ والجراثيم ومسح له وجهه بفوطة مبلولة بماء دافئ
وجطه في مكان نظيف وهادئ ودافئ وجرب حط له حليب خالي من اللاكتوز في صحن صغير يستطيع الشرب منه
الحين هو مارح يشرب حليب لانه خايف ومستغرب المكان لسه اذا هدي وحس بالامان ان شاء الله رح يشرب
وتقدر تعطيه جبنة مثلثات خليه يلعقها من اصبعك
والله يكثر من امثالك

[zezo056]

المشاركة الأصلية كتبت بواسطة باغيرا

وعليكم السلام ورحمة الله وبركاته
اهلا وسهلا فيك
ياحرام شكله هلكان
ربي يجزاك الف خيير يارب
الحين بس مسحه من الاوساخ والجراثيم ومسح له وجهه بفوطة مبلولة بماء دافئ
وجطه في مكان نظيف وهادئ ودافئ وجرب حط له حليب خالي من اللاكتوز في صحن صغير يستطيع الشرب منه
الحين هو مارح يشرب حليب لانه خايف ومستغرب المكان لسه اذا هدي وحس بالامان ان شاء الله رح يشرب
وتقدر تعطيه جبنة مثلثات خليه يلعقها من اصبعك
والله يكثر من امثالك

شكراً لكي ع الرد السريع

راح انظفه على خفيف حالاً وبحطله حليب .. والقط مايصيح الان الحمدلله وبطنه منتفخة شوي يعني شبعان

عندي انثى كبيرة عمرها سنتين مش ممكن ترضعه؟

[باغيرا]

لو القطة مخلفة قريب واثدائها فيها حليب
جرب معاها من الممكن انها ترضعه لكن لو اثدائها لايوجد بها حليب مارح ترضعه
وانتبه بالاول لايكون فيه مرض حاليا خليك عازله عن قططك

[artos]

اخوي الحق عليه بحليب ايسوميل حليب خالي من اللاكتوز ويستخدم للاطفال الخدج

واشتري حلمة من البيطري وديد صناعي وارضعه غصب عنه يمكن الصيدلي يعطيك سيميلاك بس لاتاخذةة

الا اذا مكتوب عليه خالي من اللاكتوز

وعطه دراي فورد للكيتن ووده للبيطري يكشف عن حالته هي فيه امراض ليعالجةة مثل الفطريات والخ..

الله يحفضهه

[zezo056]

المشاركة الأصلية كتبت بواسطة غيابك طويل علي ياسحر

اخوي الحق عليه بحليب ايسوميل حليب خالي من اللاكتوز ويستخدم للاطفال الخدج

واشتري حلمة من البيطري وديد صناعي وارضعه غصب عنه يمكن الصيدلي يعطيك سيميلاك بس لاتاخذةة

الا اذا مكتوب عليه خالي من اللاكتوز

وعطه دراي فورد للكيتن ووده للبيطري يكشف عن حالته هي فيه امراض ليعالجةة مثل الفطريات والخ..

الله يحفضهه

القط بطنه متحجرة مدري ليه

بس احطله حليب سعودية ماينفع؟ ولا ضروري رضاعات؟

[باغيرا]

الحليب الي يستهلكه الانسان غير صالح للقطط
لازم يكون حليب للكيتن خالي من اللاكتوز

[zezo056]

المشاركة الأصلية كتبت بواسطة باغيرا

الحليب الي يستهلكه الانسان غير صالح للقطط
لازم يكون حليب للكيتن خالي من اللاكتوز

مسكين شكله مرهق من الشمس حطيته في غرفة فيها مكيف براده خفيف جداً ومعتدل

يلعق نفسه والحين نايم على قطن دافئ .. الله يحفظه يارب

بجيبله رضاعة وحليب مخصص للقطط

وجار البحث عن امه الله يسامحها

[الدميه الصغيره]

تقدر تربيه بس انصحك هوا اشبه بقط صغير والرضاعه اكثر شي متعب لنو المفروض كل 4 ساعات
اولا المواد
قطن طبي من الصيدليه البشريه
رضاعه قطط من محل الحيوانات
حليب قطط من محل الحيوانات
او من الصيدليه البشريه حليب اطفال خالي من الالكتوز
كمادات ماء دافيه
رمل طبي
اولا الرضاعه
كل 4 ساعات ترضعيه لازم يكون الحليب دافيء اذا رضعتيه بالسرنجه ادفعي الحليب دفعات بسيطه
اما الطريقه لازم ينام القطه على بطنه ويرفع راسه شويه مو مره زي لما يرضع من امه

الإخراج
لازم بعد كل وجبه بربع ساعه او اقل تجيب قطنه وتبللها بمويه دافيه بس مو تبللها مره بس شويه وتمسح له

النظافه
طبعا ماينفع تحممه لنه راح يموت جيب قطنه وبللها شويه بمويه دافيه بس مو مره مانبغاه يتبلل بس مسح
امسح بعكس اتجاه نمو الشعر من تحت لفوق كل جسمه يوميا زي الام تنظيف وتحريك الدوره الدمويه

المكان
لازم يكون سريره دافي استخدم الكمادات لازم تخليها عنده اهم شي في الليل
طبعا مايقدر القط ينام معاك لنه راح يبرد ويمرض خصيصا انو مناعته ضعيفه
طبعا السرير لازم يكون قطني ويكفي لعلبه صغيره تكون الليتر بوكس

الليتر بوكس العلبه تكون منخفضه لكن اقل شي يكون طولها 8سم
واستخدمي رمل طبي لأنو القطط الصغيره تاكل الرمل من باب الإستكشاف
طبعا الرمل يكون اقل شي طوله 4 سم انت بعد كل وجبه حطها في الرمل
وامسح لها وخليها شويه وبعدين راح تتبرز احسن من انها تتبرز في السرير او الأرض
طبعا انت احفر وحطها بعد فتره لما تكبر راح تتعلم انو هادا مكان الي تتبرز فيه

[zezo056]

أبششششركم لقيت امه الحمدللله

طلعت موجودة في عمارتنا متخبية ورا كرتون كبير ولونها اسود وابيض نفس لون الكيتن

واعتقد عندها كيتنز ثانين يصيحوا انا ماقدرت اشوفهم لانها متخبية ورا خفت تخربشني

والله يوم شافتني تطالع فيني بحقد حسيت انها بتقتلني .. حطيت الكيتن وجرري على البيت

جزاكم الله الف الف خير جميعاً .. ماقصرتوا معاي وان الدال على الخير كفاعله

كسبت اجره وكسبتوا اجري .. الحمدلله