امر حيرني شوي ياليت تعلموني وش السبب

[xX7oSaMXx]

السلام عليكم


ياشباب عندي كاسكو له الحين تقريبا 7 شهور ولا تكلم سمعته مره وحده بس يقول كاسكو


ولا بعد مو واضحه


على العموم الايام الي راحت اشوف في قفصه ريش يعني يجدد ولاحد يقولي حاله نفسيه



المهم انا من اول ماشريته خليت الوالد ينتف اول 3 ريشات من جناحه لأني اول ماشريته كانت



متقطعه شوي قلت انتفه على شان تطلع من جديد وتكون سودا وشكلها حلو


بعد كم شهر طلعت ولونها اسوود وحلو بس مو كامله تقريبا نصها ومن بكرا يمكن ماشفتها وينها



الرجال نتفها اوووووف ياليل طيب مو مشكله يمكن فيها شي وتطلع الثانيه ونفس الحاله والثالثه



ونفس الحكايه والرابعه الحين اليسار طويله كلمه والي على اليمين انكسرت يافرحه ماتمت


والحين تطلع من جديد واحسنها بينتفها او بيجيها شي يعني ليه كل ماطلعت طاحت ! ! !


ونفس الحكايه الذيل حقه نتف ابوه في ساعه وحده بس حطم الرقم القياسي


رحت اودي اخواني للمدرسه الساعه 6 وطلعته الساعه 7 شفته بدون ذيل


وطلع اول مره ريشه وحطه ويقطعها ويعضض فيها بعدين يرميها بعد كم يوم تطلع جديده وتطول



شوي ويقطعها ليييييييه طيب مو مشكله الثالثه طلعت وقبل شوي اشوفه يعضض فيها


وش سالفته وكل المده هذي ولا تكلم بس يبوس ويقلد صوت الشرطه


وابي اسأل اذا تكلم الكلمه الاولى هل الكلام الجاي يكون اسهل بالعربي اذا نطق يكون الكلام عنده


سهل ؟ !

واخيرا هذي صوره لطير شوفو الريش الي في اخر جناحه الي ناتفه قبل الي على اليسار كامل والي على اليمين لا ^_^


وشوفو الذيل في ريشه طالعه شوي هذي نتفها اليوم المغرب والصوره هذي اليوم العصر



وبس شكرا

[xX7oSaMXx]

معليش الصوره كبيره شوي ^_^

[ProOoF]

الله يعينك

أول شيء الطير أكيد تأذى من النتف أول مره , وكانت بداية عقده نفسيه له

طيرك فيه إضطراب نفسي , ولابد تلهييه عن النتف خصوصا ً للذيل , لانها بتصير عادة وبتتعب لجل تروح منه , خصوصا ً إن الي أعرفه أن بداية الريشه الطبقه الشفافه تكون طعمها حلو ويستانس فيها ,, ولا نتفها طار و وقع من الألم

حاول تكون أقرب له أكثر , وإذا كان منعزل أفضل يكون حول الناس

وإن مانفع فيه طريقه ثانيه , لكن بوقتها وخير

000000000

الله يعينك ,

[د. إحتـراف]

حط طيرك عند مرايه وراح يتكلم

وراح يوقف نتف الريش


تقبل مروري

[ابو محمــد]

اسف جدا جدا ع التأخير كان عندي اجتماع البارح في المجموعة وانشغلت ورسالتك شفتها ,,

اخوي حسام وش سويت انت والوالد جبتو في امه العيد الله يعطيكم العافية,,

الطير بدايه نفسية والدليل شوف الاجنحة والذيل صاير سياره كشف,,

اشغل الطير بطير ثاني والا حاول تجيب العاب او تغير مكانه والقفص وتبدأ مع علاقة جديده,,

والكلام ملحوق عليه .

[xX7oSaMXx]

صح صدقت ياProOoF لأن من ثاني يوم قلت للوالد ينتفه وجلس يمكن 10 دقايق على شان ينتف الريش ولا بعد


كان يلاحقه في الحوش تقول قطو خخخخخخخخخخخ بس ياهو عض الوالد عضه اوووووف الله لا يوريك ومن بعدها



صار يكره الوالد لو يشوفه من كيلو يخاف ويجعر جعره خفيييفه


طيب بالنسبه للألعاب راح انزل صور الحين واحكمو ناقصه شي ولالا

[xX7oSaMXx]

د.احتراف ابشر راح احط مرايه بس كيف حجمها ؟

[xX7oSaMXx]

ابومحمد ماله داعي التأسف لا تنسى اننا اصحاب ^_^


ههههههههههههههههه انا مالي دخل الوالد هو الي نتفه وانا كنت متوزي في الغرفه ما ابيه يشوفني على شان


مايكرهني <_ مسوي ذيب خخخخخخخخخخ


غيرت مكانه قبل شهرين يمكن او 3 شهور كان بالصاله الي تحت والحين حطيته بالصاله الي فوق جبتله العاب وغيرتها


وجبت اللعاب جديده له الحين لها تقريبا سبوع ونص او سبوعين ولا شفته يلعبها


وراح انزل صور الحين للألعاب وللأستاند حقه لا تروحون شوفو واحكمو

[xX7oSaMXx]

طيب نجي الحين لم الأشياء الي يمتلكها كاسكو اول شي قفص لابأس به كبير شوي

وهذي صوره للقفص وللألعاب الي جوا القفص اتمنى تكون واضحه






ثاني شي الأستاند العضيم هذا الاستاند جايبه من برا الرياض وتعبان عليه مسافر على شانه


وشوفو القاعده الي تحت كيف كل شي طبيعي 100% طبعا القاعده جايبها من شجره كبيره


قصيتها بالصاروخ وحفرتها من النص على شان ادخل الاستاند فيها ويثبت وهذي صوره له







وهنا استاند ثاني بس صغير وفي الصاله الي فوق حاطه يعني يلعب فيه وتوني جايبه قبل كم يوم


وان شاء الله راح اطوره والي عنده فكره كيف اطوره يعطيني خبر وهذي صوره له







واخر شي شاريله لعبه صغيره شوي لكن خرابيطها كثيره وفكيتها وخليت كل قطعه لحاله والرجال


مبسوط عليها من كثر الطمع يمسك وحده برجله والثانيه بفمه يلعبها ههههههههه وهذي صوره

[ProOoF]

ممتاز ,, الأفضل وضعه بينكم في جو عائلي وحركي طوال اليوم

بكذا بيتناسى النتف , أما الألعاب جيده لكن أنتبه من القطع الصغيره ماتكون سهله القطع أو البلع وتؤدي للإختناق ,

والواضح أن الطير تأذى كثير من النتف والقص

والله يعينك