اشترك في نشرتنا البريدية ليصلك كل جديد

AMEGO · 23-02-2007, 03:50 AM

السلام
يا جماعه ابتلشت فيران كبار بحديقه البيت
ومبتلشين فيهم ماخلو شي لا دياي ولا حمام ولا بيض ماخلو شي
اصيد واحد يطلعون اربعه اصيد ثاني يطلعلي عاشر مو راضين يخلصون
والشداخه تصيد مره مرتين بعدين يعرفونلها يعني لازم اشتري شداخه طريقتها غير
وعلى هالموال
بديت امل والمشكله ماقدر احط سم لان عندي طيور هدد بالحديقه
شنو الحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صاحبة وفا · 23-02-2007, 04:39 AM

والله ياخوي نصيحتي لك رجع الحمام بالقفص بالعمنى اكيد يدشون القفص فالليل وله؟

لازم السم عشان تقضي عليهم ماينفع غير جي .. وهات قطاوة مب شرط شيرازيين

يعني قطاوة مال السكه بس يكونون اليفين معاك عشان تقدر تشلهم وتحطهم بالحوش ويقعدون

مب يشقحون برع البيت ولا يرجعون شرات اي قطو متخرع ومب اليف ..

عندك هالحلين قطاوة او اتييب كرتون كبير وتفرشه عالارض وتحط مثل صمغ مال الفيران ايودهم
مايخليهم يتحركون وحطلهم فوق هذا اكل اللي يطيب فيه خاطرهم بس مخلوط بالسم ..

والله يعينك بصراحة !!

AMEGO · 23-02-2007, 04:54 AM

مشكوره بس همن ماكو فايده يدشون القفاصه يحفرون ويرجعون السم بقصوص الماي
والقطاوه ماعندي اي خبره فيهم ويبيلي وقت علشان اداريهم وغير هذا عندي كلب وتدرين الكلب والقطو ما يتوالمون
ويامال العافيه

صاحبة وفا · 23-02-2007, 04:58 AM

مالك حل غير هالصمغ والسم !

Withered Rose · 23-02-2007, 05:31 AM

قبل كان عندنا طيور بالحديقه و الفيران الكبار (الجرذان) تكاثروا .. إكتشفت إن قطاوتي صايدين جم واحد و خاشينهم بغرفتهم بدون راس .. و من وقتها طلعت القطاوة الحديقه يصيدونهم و بنفس الوقت يلعبون ... إذا تقدر سو الطريقه اللي قالتها صاحبة وفا القطط (الأليفين) اللي بالشارع حطهم بحديقتهم بس خلهم يشوفون الفيران .. و اربط الجلب وقتها 4 أو 5 ساعات على الأقل بالليل لأنه فترة نشاط القطط و نظرهم يكون قوي ..
أو .. مكافحة القوارض أكيد عندهم حلول حق هالمشكله ..

صقرالسعودية · 23-02-2007, 06:29 AM

اخوي كلام الاعضا صح واذا كان علا الماء ارفعه عن الارض

احمد ربك انت بفيران وانا بحنشان ذبحتني مادري كيف ابعدهم
هل لهم سم او حركه تموتهم لعبو في ارانبي اقتل وامش والحمام بعد
واسف طولت عليك
الي يشوف مصيبت غيره تهون عليه مصيبته