مشكلة خطيرة حدثت معي !!!!!!!!

[ahmed_12363]

السلام عليكم ورحمة الله

من فترة في عندي جوز بدخل وبخرج من العش قبل يومين قلت افتح البياضة واشوف في بيض ولا لأ
ولما فتحت البياضة لقيت بيضة وحدة سكرت الببياضة ورحت عاشان ما ازعجها ثاني يوم\رحت فتحت البياضة ولقيت البيضة مكسورة من فوق وما في اشي داخل البيضة يعني ماكلة اللي داخلها يمكن
وناقلة البيضة على طرف البياضة طبعا هذا داخل البياضة ما رمتها وبعد كم ساعة فتحت البياضة لقيت القشرة مختفية

واليوم لقيتها بايضة بيضة جديدة وشفت البيضة لحد الان كل اشي طبيعي بعرفش شو بصير بكرا

بدي نصائح منكم شو اعمل بالنسبة لهاي المشكلة
وبالنسبة للاكل وشكرا لكم

[zikas10]

وعليكم السلام,,,

أخي قد يكون السبب أن الأنثى تعاني فقرا في الكالسيوم عوضته بأكل بيضتها ,,
نوع لهم الأغذية بتقديم البيض بالقسماط وعظام الحبار والخضراوات كالخس الجرجير,,
وطمنا على حالة البيضة التالية ,,

لكن هل تقوم أنت بفتح العش دائما أثناء تواجد الأنثى وهل تقوم بنقل القفص من مكان لمكان ,,؟

[ahmed_12363]

بعد ما كسرت البيضة الاولى صرت احط دايما بيض بالقسماط واطحن قشر البيض واضيفه عالوجبة
وبالنسبة لعظم الحبار فش عنا سالت شو البدائل يا ريت تساعدني
بالنسية للقفص ما بنقلوا بالمرة من اول ما شتريته من شهر تقريبا بس باجي احطلهن اكل وبروح

بس هذا الجوز الوحيد من بين اللي عندي اذا اجي بالقرب من القفص احط اكل او امد ايدي من بعيد الانثى بتصير اطللع اصوات عالية ببعد بسرعة بس باقي الازواج عادي

وانشالله بكرا بنزل عندهن وبشوف شو صار

[ltm-koko]

بجوز الانثى عصبية .. يعني بتحبش تقرب منها .. وبعدين عندي سؤال : هل طيورك انت مربيهن عندك وهم صغار ؟؟ ولا اشتريتهم وهنني كبار ؟؟؟؟

حاول وفرلهم الهدووء .. وحط نشارة خشب بالفقاصة الخشبيه ..!! ومتفتحش الفقاصه ابداااااا.......!!!!

مع تحيات كوكو ...........!!!

[ahmed_12363]

لاا انا اشتريتهن كبار جاهزات
بس في جوز صار بايض 7 بيضات وصار مفقس لهسه 3
بس هذا الجوز الوحيد اللي هيك
بس شو احطلهن بدل عظم الحبار

[ملك محبة البادجى]

السلام عليكم ورحمة الله وبركاتة
لا تفتح البياضة عليهم مرة اخرى
لان الانثى بتقلق فبتاكل البيض
و ربنا يبارك لك فيهم

[abu_nawaf20]

الله يبارك لك فيهم

[zikas10]

المشاركة الأصلية كتبت بواسطة ltm-koko

بجوز الانثى عصبية .. يعني بتحبش تقرب منها .. وبعدين عندي سؤال : هل طيورك انت مربيهن عندك وهم صغار ؟؟ ولا اشتريتهم وهنني كبار ؟؟؟؟

حاول وفرلهم الهدووء .. وحط نشارة خشب بالفقاصة الخشبيه ..!! ومتفتحش الفقاصه ابداااااا.......!!!!

مع تحيات كوكو ...........!!!

أستسمحك عذرا أخي لكن اضافة النشارة أمر خاطئ
في هذا الوقت وهذا قد يؤدي لتخلي أو نفور الأنثى من البياضة,,
يمكن اضافة النشارة بعد فقس البيض ومرور حوالي 14يوم من عمر الفراخ لتقوم بامتصاص الفضلات ,,

[ahmed_12363]

السلام عليكم
اليوم نزلت وفتحت البياضة لقيت كل اشي تمام البيضة سليمة الحمد لله

وانشاء الله راح اعمل بنصائحكم وهاي اخر مرة بفتح البياضة من هون ل18 يوم ونشارة الخشب
بعدين بحطها مشكورين جميعا ويعطيكم العافية ما قصرتوا