كم سؤال موجه للاخ :الحريه...وكل من جرب تفريخ الافريقي....

[yasserالكاسر]

يااخوان الفكره واضحه وهي تفريخ الافريقي طبعا النيجيري ...
والمكان شبك حجمه 3متر في 3 متر ..عباره عن شبك مثل السلاكه ومكانها الحوش...
طبعا الصبر موجود ...
والازواج راح يكون كل زوج لحاله بنفس قياس الغرفه السابقه ولاكن حجم الغرفه مناسب او كبير زياده عن اللزوم...؟
والاسئله ذي للاخ الحريه لانه اعتقد يفرخ هذا النوووع...
والباقين كماااللي عنده خبره ياليت يفيدنا...
ولو في صووور يكون افضل وافضل....
طبعا القدره الماديه متوفره والحمد لله لاي لوازم...بس المهم ابي اعرف طريقه العش كيف يكون شكله وتصميم القفص من داخل كيف؟
وكم مرره اقدر ادخل عشان اغير اكل ومويه او اشوف طريقه اغيرها بدون مايشوفوني..؟
والمكان طبعا الطايف,,,وجوه معتدل وبارد في الشتاء...هل ينفع من الاساس او لا...؟
وهل ينفع الهم الطيور الاخرى وقت الشتاء للتدفيه لمبات...؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولو ماينفع الحوش عندي امكانيه غرفه من الملحق تكون لهم ...اهم شي ينجح المشروع...بس لقفص بالغرفه راح يكون اقل مثلا بيكون ارتفاع مترين وعرض مترين....

مثل ماقلت الصبر مـــــــــوجــــــــود...

ياليت تساعدوني قريت كذا موضوع لاكن بدون صور ولي مده ادرس المشروع...
طبعا الغرض انتاج شخصي ..وليس تجاري ابدا..

[@الزير@]

بالتوفيق ان شالله يساعدونك الاعضاء اما الانتاج شخصي تجاري مالنا دخل وان شالله ماحد حاسدك وانا نصيحتي تجاري لان الجوز بيطلع غالي وابشرك ترا الافريقي ان شالله انه اسهل من الامزوني وفيه بعض الشباب انتجو امزوني وان شالله يساعدونك اما من ناحية الاكل وتغير المويا اتمنى ان نلقى لها حل انا عندي طيور صغار عائلة الببغا بادجي غيره... اذا جيت اغير المويا يتنرفزو كثير وعندي زوج مره متنرفز ابي حل مالقيت وبالتوفيق والمويا عوامه يالغالي وخذها مني طيور كبيره عادي ياعني والله يوفقك

[yasserالكاسر]

الغرض ليش شخصي يعني انا هاوي وراح اصبر وقصدي تربيه وتجربه وتحدي..
لان التاجر بيكون مستعجل وبنص الطريق يبطل الشغله...
المهم مشكوووور على مرورك وردك...
ومشكور على فكرة العوامه..

[@الزير@]

بالتوفــــــــــــــــــــيق وعندي لك نصيحه حاول باليوتيوب تشوف تفريخ الافريقي بس لاتكتب عربي اكتب انجليزي ويطلع الفديو واستعن بالوافي وادخل مواقع انجليزيه حيوانات وطيور على مستوى ويفيدونك الاعضاء الخبراء بالمواقع الاجنبيه وممكن احد الاعضاءيجيبلك الموضوع مترجم او كذا وشكرااا

[yasserالكاسر]

مشكوووور اخوي الزير وبيض الله وجهك ...
انتظر باق الاخوان...

["مجرد علامة"]

الله يوفقك ياعزيزي

إذا تبي اي خدمات تحت امرك "ترجمة خصوصاً"






يارب عفوك

["مجرد علامة"]

هذا من اشكال الأعشاش



وملاحظ انه داخله نشارة خشب غض وكذلك شبك مركب على جوانب الخشب وارضيته من الداخل حتى يسهل تسلق الأم والأب بدون ان يتعرض الفراخ للخطر وكذلك البيض

["مجرد علامة"]

هذه بعض الأعشاش محمية بالمعدن حتى لاتفسدها الأزواج وتخربها بعد فترة





مع ملاحظة حجم المجاثم يكون كبير ومناسب ، حتى تستطيع الأنثى التوازن عند القيام بالتزاوج

"الرمادي الأفريقي يتسلق الأنثى بثقل حجمه وليس التزاوج جانبي مثل الببغاءات الأخرى"

بعض المربين يفضل المجاثم الإسمنتية لأنها تحد من طول مخالب الطيور

ويلاحظ هنا مجاثم خشبيةكبيرة ولكن المساحة كبيرة جداً




وهنا صورة اخرى






هنا صورة اخرى لأعشاش التفريخ




وهنا رسم توضيحي للعش

["مجرد علامة"]

وعقبال مانشوف انتاجك


وهذي صورة توضح الشبك للتسلق داخل العش " على الجانبين "



وربي يوفقك اي استفسار تبيه تآمر أمر

وارسل على الخاص بعد







يارب عفوك ورحمتك ورضاك

["مجرد علامة"]

المساحة الكبيرة جداً تسبب التأخر في الإباضة

ضع تبطين خشب في العش وكذلك النشارة لسلامة الحضنة...





أبعاد مقترحة :

1,2 عرض × 1,2 طول × 1,4 إرتفاع

بالنسبة لصندوق العش :

عرضه 25 إنش وطوله 25 إنش " أي 0,64 بالمتر"

الأعشاش على شكل حرف L مفضلة بالنسبة للطيور ، التفريخ سهل نوعاً ما عندما تتوفر المواد اللازمة


* لاينصح بالتفريخ اكثر من 3 مرات في السنة " يعني المرة الثالثة تترك فرخ او اثنين لتقوم الأنثى بتربيتها"

لأنه عند اخذ البيض او الفراخ يقوم الزوجان بالتزاوج مرة اخرى ، وذلك كل مرة وهذا يجهد الأنثى لدرجة الوفاة
وينتج فراخا ضعيفة جدا وغير سليمة ، فترك الفراخ عند الامهات بالمرة الثالثة او الثانية يجعلها تتوقف عن الإباضة
هذا العام ... حتى تستعيد قوتها وعافيتها لأنها تخسر الكثير من الكالسيوم والدهون والوقت للتحرك وتنشيط العضلات...

* الطيور تصبح عدوانية جداً بعد الإباضة ، والطيور التي تبدو معتادة على وجود البشر تصبح عدوانية أكثر لأنها لاتخاف البشر بنفس درجة الطيور البرية المستوردة...

* قلل قدر الإستطاعة من ازعاج الطيور بالدخول عليها ، تستطيع تركيب احدى الكاميرات الرخيصة لتطمئن اكثر

* طريقة مقترحة للدخول للإطمئنان على البيض او الفراخ :

"" اطرق على السلاكة طرقتين بينهما فاصل 10 ثوان ، ثم ادخل بهدوء وتوقف ل 10 ثوان اخرى قبل ان تغير الماء والأكل ، تتعلم الطيور هكذا ان لديها متسع من الوقت للهرب ودخول العش عند قدومك ، ويقل فزعها ويقل تعرض البيض والفراخ للخطر...





( كل ماسبق مترجم ... فأنا خبرتي في هالموضوع زيرو )





يارب عفوك