كل من جرب تفريخ الدره (ضع تجربتك :))

[درتي الجميله]

السلام عليكم

كييييييييييييييييفكم اش اخباركم

المهم نخش بالموضوع

ونخص خصوصا مربين الدره...اتمنى منكم تكتبون تجربتكم او تجاوبون عى الكم سؤال الجايه

1-متى حطيت العش قبل يتوالفو ولا بعد..

2-وكم يوم جلس العش معلق بدون محد يدخله

3-قديش جلسو يكتشفون ويلفلفون بالقفص ...(كم يوم)

4- مين اول دخل (الذكر ولا الانثى)..ومتى دخلو سوا في نفس اليوم ولا طولوو

5-متى بيضت ...وقبل تبيض هل خرجت من العش ولا ماتشوفها الا لماتاكل..

6-هل في مره جبت عش ولا عجب الدره وتركته ...

7-كم بيضه وضعت(اقل مره كم ..واكثر مره كم)..

8-هل تاكل الدره بيضها ؟؟؟

9-كم فرخ مات من الفروخ ؟..وكم سنه

10-لما مسكت الفرخ هل تهاجمك امه او ابوه ؟؟

11-كم عمر الفرخ عندما بدأت تلمسه ؟

12-..قول اي معلومه مهمه لمن ينتظر البيض الان من الدره

وبس

ترا كلها عشره اسئله اجوبتها جدا قصير مو تتاكسلون وماتردون ..ممكن بأجابتكوم تحيون دررررر

تحياااااااااااااااااتي

[درتي الجميله]

فوق اربعين واحد دخل ولارد واحد ...منجد احبااااااااااااااااااااط

[كاسكـــو]

درتي الجميله الله يبارك لك بطيورك

وانا شفت موضوعك والقفص والعش وكل شي

كل شي حلوو ماشاء الله

لكن احب اقول لك شي المربي الناجح اللي يتحلى بالصبر

يعني لو ماحصل لك انتاج هذي السنه اصبري لحد السنه الجايه

كل شي بالصبر يجي لاتستعجلين والدره من احسن الطيور وانتاجها مره سهل بس يحتاج صبر

انا بصراحه ماحربت الانتاج لكن اللي اعرفه انه بالدره ممكن جداً

لكن اصبري اصبري اصبري

اي مربي ناجح لازم يمر بتجارب ويارب نشوف فروخك

وانا ابغى فرخ منك هديه اذا انتجت << ماينعطى وجه

الموهم لايصيبك الاحباط عليك بالصـــــــــــــــــــــبــــــــــــــــــــــــــر

[درتي الجميله]

لالالالالالالالالالالا سنه حررررررررررررام والله حررررررررررررررررررررام

بحاااول اجيب صبر ....عاد السنه الجايه ..والله قهر ..يعني ما اعطي نفسي امل ؟..

شووف لو فرخو ذي الشهرين بوررريك فروخه بس ولا اديك ولالالالا واحد

بس لو السنه الجايه فرخو اديك فروخها كلها

<------------------ اشتغلت التحديات هههههه

[درتي الجميله]

كني اسمعك تدعي ماتبيض الا السنه الجايه

[كاسكـــو]

انا ماقول شرط

كلها احتمالات فقط

وانا اقصد من كلامي خلي عندك أمل دايم

لالا انا ادعي يارب تفرخ خلال هذي الشهور آميـــــــــــــــــــن

[درتي الجميله]

يارررررررررررب ...لا تزعل ساسكووو امزح

[درتي الجميله]

اهااا..اجل اميييييييييييييييين

[habash05]

السلام عليكم

موفق انشاء الله بطيورك والله يعطيك خيرهم

اولا وقبل لاجاوبك عن اسالتك احب اقولك نصيحه هي ان لا تخلي احد يقرب من القفص غيرك او الي راح يعتني بهم

والحين هذه اجاباتي لاسألتك

1-متى حطيت العش قبل يتوالفو ولا بعد..
حطيت العش بعد ما توالفوا و طبعا نقلتهم لقفص كبير

2-وكم يوم جلس العش معلق بدون محد يدخله
العش مهم لهم حتى لو ما باضت الانثى لانهم يدخلون العش ليحتمون من عوامل الجو او ليحتمون من اي احد

3-قديش جلسو يكتشفون ويلفلفون بالقفص ...(كم يوم)
الجوز اللي عندي ضل 8 شهور حتى موعد التبييض بس طول هذه المده يدخلون العش خاصه الانثى

4- مين اول دخل (الذكر ولا الانثى)..ومتى دخلو سوا في نفس اليوم ولا طولوو
الذكر هو الي علم الانثى دخول العش (لما احد يمر جنب القفص الذكر يصرخ و الانثى تهرب لداخل العش)

5-متى بيضت ...وقبل تبيض هل خرجت من العش ولا ماتشوفها الا لماتاكل..
من تبيض طبعا الذكر ما يخليها تطلع من العش حتى لو علشان الاكل طبعا اول تفريخه بعدين الانثى تتعود وتطلع اوقات بسيطه تحرك نفسها بس يمكن في الاسبوع مره تقريبا

6-هل في مره جبت عش ولا عجب الدره وتركته ...
اخوي عش الدره لازم يكون كبير ومن الخشب ومن الداخل تحط لهم نشارة الخشب واكيد بيعجبهم

7-كم بيضه وضعت(اقل مره كم ..واكثر مره كم)..
الطبيعي 4 بيضات في المره الواحده وطبعا مره واحده في السنه

8-هل تاكل الدره بيضها ؟؟؟
لا اخوي ما تاكل بيضها

9-كم فرخ مات من الفروخ ؟..وكم سنه
ما فهمت ايش قصدك من الموت يمكن انهم ما يستحملون الجو؟ لا ما ماتوا من الجو بالعكس انا كنت حاطهم بره في الشمس و الهو والمطر وما جرالهم شيء بس العام ثلاث ماتوا من الهوشات بينهم والسنه ناوي افصلهم لما يجي وقت التبييض

10-لما مسكت الفرخ هل تهاجمك امه او ابوه ؟؟
لا ما تهاجم لاني اعطيهم الاكل بس الانثى تصرخ

11-كم عمر الفرخ عندما بدأت تلمسه ؟
عمرهم اسبوع بس لما كانوا جلده

12-..قول اي معلومه مهمه لمن ينتظر البيض الان من الدره
اخوي انا علشان ادل الانثى لمكان التبييض حطيت بيضه صناعيه في العش

وبس

ترا كلها عشره اسئله اجوبتها جدا قصير مو تتاكسلون وماتردون ..ممكن بأجابتكوم تحيون دررررر
وين العشره صاروا اثنى عشر


وسامحني لو اخطيت لان خبرتي ما هي كبيره وانشاء الله الخبراء يعدلون لي او يضيفون الي ما قدرت اقوله


وهذه صوره للفروخ اول اسبوع

[IMG][/IMG]

[مجنون فلته]

السلام عليكم


الدره الي عندي انا اخذتهم بارزين

وفرخو عندي اربعه ولا واحد منهم مات الحمد لله

ويوم شالوهم البيت

محد من الأم او الأب هاجمهم

ويوم اجيبهم واخليهم بالقفص مع العش دخلت الأنثى والذكر ضل برى

اما عن طرقة تفريخهم ماكنت موجود بالبيت كنت مسافر