اشترك في نشرتنا البريدية ليصلك كل جديد

memoo · 12-09-2009, 07:09 PM

السلام عليكم ورحمة الله وبركاته

انا مره زعلاااااااااااااااانه ومتضايقه قطاوتي مايبون يسوون اشيائهم بالليتير بووكس

لازم احطهم فيه واذا حطيتهم فيه يطلعون ويدورون مكان ثاني عشان يقضون حاجتهم

الولد يمكن يطيع شووي بس البنت عنيده لأقصى درجه يبغالي ادخلها فيه 10 مرات

عشان تقضي حاجتها وحبستهم فيه فتره ولكن ماكو فايده كل اخذت ايديهم وحفرت لهم

بإيديهم وماكو فايده معندييين مادري ليش

شممتهم المكان وهم اصلا يروحون يشمونه ويمكن ع المزاج اقل شي انهم يتبولون فيه

بس البراز نادر مايفكرون يسوونه داخله وهذا اكثر شي متعبني نفسي وحلمي اشوف

قطاوتي رايحين الليتير بوكس بروحهم بدون ماوديهم لما يسون البراز بره اشممهم اياها

وبعدين قدامهم احطه بالليتير بوكس بدون ماحفرر او شي ادخلهم يشوفونه عشان يمكن

يتعضوون ولكن ماكو فايده والقهرر ان مايسون هالبلاوي الا لما اكون بره البيت لاني داخل البيت

كل شوي انا اوديهم الحمام بس شوفوا لما اروح مكان يسوونها بأي مكان بالبيت

وطبعا اهلي مره متضايقين منهم اخوي يقولي لوماتعلموا في يوم بترجعين مابتلاقيهم

كل شي سوووويته ساعدوووني بليييز في احد يقدر ياخذهم يعلهمهم ولااوديهم محل يعلمهم

والله اليتير بوكس حقهم مره نظيف ودايما اغسله كل بديتول وكلوركس والرمل انظفه على طوول

والحل ..

Luis · 12-09-2009, 08:22 PM

أممم..طيب شوفي..هم يتبولون فيه بس..طيب

لما تشوفينهم يتبولون فيه كافئيهم..ولما شفتيهم يحفرون

ووديتهم الليتر بنفسك..وخلصو..و طلعو..كمان كافئيهم..عل وعسى

يعرفون ان هالشي هو الصحيح..بعدين هم من متى عندك..؟؟

أحس خذ لهم فترة..يعني معقوله كل هالفترة يتبرزون برا..

ويمكن..(أنا أقول يمكن) بما أنه بوكس واحد..يمكن يتقرفون مايدخلونه

بما أن الولد يدخله..يمكن الأنثى ما تبي تقرب منه..شوفي جربي

حطي بوكس ثاني بعيد شوي عن مال الولد..وبعدين خليهم يسوون

بالبوكس نفسه راح يتعودون..والله يعينك على عنادهم..

miss meaw · 12-09-2009, 10:44 PM

انتي احبسيهم يوم كامل في الحمام
ويا اكلهم طبعاً واذا كذا تتعرف انها تروح الحمام
وزي ما قال اخوي<Luis> اذا شفت واحد منهم قضى حاجته
كافئه يعني اعطه شي اهو يحبه
وتحياتي

pinky · 12-09-2009, 11:27 PM

يب وآضح أن الأثنى زي مآقآل لويس متقررفه من البوكس عشان الذكر يستعلمه ..
وحتآ الببوكس لو مآكآن فيه ريحه تشمينها هي تقدر تشمهآ عشان كيذ1 متقرفه منه .,

والحـل انك تحطين كل وآحد في بوكس ..
ورديلنآ ^^

memoo · 13-09-2009, 01:38 AM

ان شاءلله بكره بشتري لها بووكس ثاني

والحبس حبستهم والله مافاد وزي ماقلتوا يمكن تحتاج بوكس ثاني

يارب ينفع وياهم ..

تسلمون حبايبي جزاكم الله خير..

pinky · 13-09-2009, 02:02 AM

طمنيينآ بس ,

ببتشكيوو

sisi_moon · 13-09-2009, 06:54 AM

اوووووووف .. إلى الآن ماتعلـموا .!.

غريبه من جد .. طولوا كثير كثير كثير

تيب انتي تنظفين المكان الي يوسخون فيه بديتول ولا كلوركس ..؟ ولا بس بمااي ..؟

من جد يعني مررره طولوا .. إيما بس أول ماجبته البيت سواها برا لان كان مو دال مكانه بس بعدين كله بالرمل .. والجديد من جبته بسم الله عليه بالرمل

تيب انتي لما تودينهم الرمل تعصبين عليهم او تعلين صوتج ؟؟

وكلام لويس كويس بخصوص المكافئه

اما عن الانثى ماتبي البوكس الي فيه الذكر ..

ماتوقع والله .. لانهم اخـواان .. ومن قبل كانوا متعودين انهم يوسخون اكيد ببوكس واحد

بس جربي .. يمكن ينفع

azizunder · 13-09-2009, 07:40 AM

اختي انا كانت عندي نفس المشكله بس حليتا بسرعه
اقولك وشلون:
اذا برزو القطط برا الليتر بوكس شيلي البراز وحطيه في الليتر بوكس بعدسن خذي القطط وحطيهم في الليتر يوكس بس لا تحاولين تجبرينهم على انهم يشفون البراز لانهم هم على طول راح يشمونه وبتلاحضين انهم راح يحاولون يدفنون البراز وبعدين خلاص تتعود القطط على طول من اول مره تسوين اللي قلتلك عليه
بس اذا كانت القطط صغيره لاتحطين لهم حصا او الكرستال لان احسن شي للصغار الرمل واهم شي يكون الليتر بوكس قصير شوي وما يكون عالي مره
جربي الحركه وراح تدعيلي

mixture · 13-09-2009, 08:24 AM

اول شي شيلي برازهم وحطيه بالليتر بوكس ثم نظفي المكان الي يبرزون فيه بالمطهر وحطي بخور في المنطقه الين تروح ريحه البراز وبعدي البخور عنهم عشان ما يحرقهم الجمر انتبهي بالله ... وبعد كذا حطي الليتر بوكس حقك في نفس المكان الي يبرزون فيه عشان يعرفون حمامهم الجديد وكم يوم رجعي الليتر بوكس في المكان الي انتي تبغينه وهم راح يضيعون حمامهم القديم الي انتي نظفيته بالمطهر و البخور و يعرفون حمامهم الجديد الي هو الليتر بوكس وخلصت المشكله

toootyme · 13-09-2009, 11:01 AM

انتي بتستخدمي الديتول والكلور مش يمكن ريحتهم هي اللي بتخليهم بنفروا من الليتر بوكس ممكن انتي مش شماها بس هما شمينها بلاش الروائح النفازه دلوقتي خالص الروائح دي للاماكن اللي هما بيعملوا فيها بره الليتر بوكس يعني لو بيحبوا مكان معين حطي عليها ديتول كتير او فلفل اسود عشان الريبحه عتخليهم يهربوا منها وجربي وطمنينا