ارجووو المساعده

[بشروه اني برحل]

السلام عليكم ورحمة الله وبركاته

اولا هذه اول مشاركه لي بالمنتدى وانشالله انها تكون فاتحت خير باذن الله

انا توني بديت اهوى الطيور وبالاخص لوف بيرد والبيبي متوه وسوالي لو تقدرون تساعدوني توني اشتريت لوف بيرد فرخ عمره شهر واسبووع ولكن ماااعرف شنو الاكل والتغذيه المناسبه له وكم وجبه باليوم .... وانا شاكر لكم

[ملك الزيبرا]

السلام عليكم
مرحبا اخوي شلونك ان شاء الله تكون بصحه وعافيه
أما بخصوص طائر اللاف بيرد الصغير فإن افضل شيئ له
تعرف السيريلاك مال اليهال
ماعليك سوى انك تخلط ملعقه صغيره من السيريلاك
مع الماء ويكون الماي شوي زياده يعني تخليه شوي
غليظ يعني مثل دبس التمر او اخف شوي
وبعدين جيب ابره بلاستك ووخر الراس الحديد منها
وبطل القطعه الخلفيه مال الابره وعبيها من السيريلاك
ودخل القطعه مره ثانيه فى الابره وجلبها وظهر الهواء منها
وبعدين اطعم الطير لين مايشبع واعتقد يباله من 3 الى 4 وجبات باليوم
لكن بعد فتره بتحصل الطير تعود عليك بطريقه كانك انته امه
وانصحك تفج الطير فى البيت مثل الصاله وتسكر جميع الشبابيك والابواب
وعط الطير حريه فى الطيران بتحصل الطير ينزل على ايدك وراسك
انا مجربنها مع طيور عندي صدق وناسه
واسمح لي على الاطاله اخوك بومايد من دبي
تقبل مروري