ممكن تساعدوني ضروري ..الخبيره ناديا بليز

[شاهستا]

الحمدلله ياريت تبتدى علاج العيون بسرعه وبانتظام وربنا يشفيهم ليكى

اما عن المضاد هاتى ايموكس 250 وادى الام 2سم كل 12 ساعه

[ام سام]

لعيون الكيتنز ابتديت من امس بس متى ممكن الاحظ التحسن و متى اوقف علاجهم (المرهم والقطره)....؟!


والام الى متى استمر بأستخدام المضاد ....؟!

شاهستا الله يوفقك ويستر عليك دنيآ وأخره ماتدري وش كثر ريحتي بالي

[شاهستا]

عيون الكيتن لازم قبل العلاج تمسحى عيونه بقطنه مبلوله مايه دافيه

وتشيلى كل الحاجات الوحشه الى عليها هتلاقى العين اتفتحت معاكى

هتروحى حاته القطره بعدين المرهم

وهتلاقي من تانى يوم فى تحسن ان شاء الله

بس لازم تنضفى العين قبل العلاج

المضاد استمرى 5 ايام ولو لاحظتى انها لسه بتعطس كملى ل اسبوع

ربنا يخليكى ويشفيلك قططك يا رب

[ام سام]

مرحبا شاهستا ....
وضع الام الحمد الله تمام وعيون الكيتنز خفتتتت كثير بس من امس والكيتنز عندهم اسهال ممكن يكون من المضاد
اللي اعطيه الام ولا من ايش بالضبط .....!?

[شاهستا]

الحمدلله استمرى على علاج العيون لحد ما يخفو خالص ان شاء الله

لون الاسهال ايه ؟ وكل الكيتن عندهم اسهال ولا لا ؟

وهما فى مكان دافى ولا بيدخلهم تيار هوا او فى تكييف ؟

[ام سام]

لون الاسهال مايل على اللون الاخضر والاسهال 2 من الكيتنز بس ثالث لا احسن منهم والمكان اللي هم فيه دافي بس الحمدالله يلعبو وضعهم كويس

[شاهستا]

الاسهال ده من البرد

ضرورى تدفيهم كويس جدا ممكن تقولى عمرهم اد ايه كلمو شهر ولا لسه ؟

[ام سام]

عمرهم شهر و7 ايام

[شاهستا]

تمام دلوقتى تقدرى تقدملهم وجبات خفيفه

زى الجبنه النستو ، البيض المسلوق ، الدجاج ، اللحم وتقدرى تضيفى عليهم خضار

زى البطاطس والكوسه والجزر ، وكمان تقدرى تاكليهم زبادى خالى الدسم

ودراى فود خاص بالكيتن

وحاليا ياريت تقدميلهم بطاطس مسلوقه + دراى فود

ممكن تطحنى الدراى فود وتضيفيى على البطاطس ده احسن من العلاج

وهيوقف الاسهال عندهم ان شاء الله