استفسار بخصوص قطوتي و بلوغها !!

[ga.6.wa]

السلام علييكم ورحمة الله وبركاته

رجعت لكم بعد غيبة طويييلة


المهم الموضوع ومافيه اني اشتريت قطوة

وقالي المحل انه نوعها بيرشن وطبعا هي انثى

وهالشهر كملت 8 شهور او 9 شهور اظن

وتسوي حركات غريبة هالفترة مثل انها طول اليوم نايمة واذا نمت على سريري تيي تنام وياية وتتلصق ومااعرف شوو

وفليل يبدا نشاطها -.- وطبعا هالموضوع يرفع ضغطي لانه في عز نومي اسمع اصوات مزعجة وتيلس تماوي وتسوي حركات مراهقيين ههههه وتلعب ومااعرف شوو حتى وهي في القفص

وعقب قلت مافي حل بنقل اغراضها الحمام بس فليل تنام فيه

والحين شهيتها قلت عن قبل , اول كانت تاكل فوق ال3 وجبات قبل بس الحين يالله يالله تاكل وجبتين وطول الوقت راقدة ولاصقة فيني وماتلعب في وقت النهار و اذا شافت باب الغرفة مفتوح تشرد وتماوي كانه شي ضايع عنها هههه ومرة راحت تبول على سرير اختي !!!

مااعرف شو الحل وياهاا ؟؟!! وشو تفسير حركاتها

[دلوعةقطوتي]

وعليكم السلام ورحمة الله وبركاته
كثرة النوم عشان الجو بارد يكثر نوومهم
وتتدلع عليك وتتلصق فيك لانها تحبك
اما بالنسبه للحبس لاتحبسها حرام
اما التزاوج المس اخر ظهرها لو اخذت وضعية التزاوج فانها طالبه
واحيانا القطوه تتبول بكثره وفيه قطاوه خارج الليتربوكس اما لانك نهيتها عن شي وزعلتها او بسبب طلبها للتزاوج وانت ماوفرت لها

[ga.6.wa]

بالعكس الجوو دافي الصبح في الغرفة وفااتحة الشبابيك عشان يتجدد جو الغرفة وفليل الجو بارد
وثاني شي انه اظن هي صغيرة على التزاوج لانها توها داخلة الشهر الثامن من كم يوم بس مااعرف شو الحل وياهاا ازعاجها مب طبيعيي , مع انها حبوبة ودلوعة بس فليل تسوي حركات متهورة وتلعب وتخرمش ومااعرف شو , وبخصوص نوعهاا شو يعني بيرشن-.-؟

[دلوعةقطوتي]

بيرشن يعني فارسي (شيرازي)
وفيه قطط تبلغ بدري مو كل القطط نفس الشي بس كل ماكانت بيور تتاخر
اما لعبها حاولي ترمين كور او تسحبين خيوط عشان تلعب
والمسي اخر ظهرها وبيبين لك اذا طالبه اولا

[ga.6.wa]

هي اتوقع بيور وبحط صورها ان شاء الله قريب

وانا اباها تهدا ماباها تلعب ههههه

ومشكوورة عالمعلومات الحلوة

[ga.6.wa]

هييه تذكرت شيي

قطووتي ريحة فمهاا كررررييييهة بطرريقة مب طبييعيية يعني بس تقول ميااو انااا احس انيي بستفررغ

ماادري شوو السبب مع انهاا خضعت لعملية خلع سن علوي مااعرف اذا هاذا السبب

بس من اول مايبتها ماانتبهت للريحة او ماكانت في من الاساس

بس الحين وايد بطريقة مزععجة

[دلوعةقطوتي]

ريحة الفم لها اسباب احيانا تكون بسبب التهاب باللثه شوفي لو لثتها لونها متغير
واحيانا بسبب نوع الاكل خصوصا العلب
ممكن تفرشين لها اسنانها بمعجون خاص او تعطينها معطر للفم متوفر بخاخ وفيه زي المكافئه تعطيها للقطه تاكلها

[ga.6.wa]

مشكووورة جد نفعتني معلوماااتج

<< رايحة تتاكد من لثة القطوة هههه

[genan]

حابه اضيف شي على سبب ريحه الفم الكريه احيان تكون بسبب
الجيرالي على اسنان القطط ولازم ياتفرش اسنانها اوتعطيها
اكل جاف زي دراي فودلانه يقوم بدوره بتنظيف اسنان من الجير

[Octopus]

هلا بكي اختي بنت دبي شو احوالكي
و هلا بعودتكي مرة اخرى