طلب صغير وش نوع الحرباء هذي؟؟؟

[معشي الذيب]

السلام عليكم ورحمة الله وبركاتة
كيف الحال ؟؟
يا شباب شريت قبل كم يوم حرباء مدري ايش نوعها يالييت للي يعرف نوعها يقولي
وبعدين انا من يوم شريتها ما اكلت شي ابداا لازم انا افتح فمها واحط الاكل
وانا اعطيها وانتم بكرامة (قعر) و(ذباب) وخس وتبلعها وعطيتها مرة خنفسان بس تطلعهم من فمها
الحين بعطيكم صور لها










مشكووور مقدما للي يقولي

[مهووس الحيوانات]

هذي حرباء محجبة ( Veiled Chameleon )

الاسم العلمي : Chamaeleo calyptratus

=-=

بالنسبة للأكل واضح انها مرة جيعانة ، كبداية عطها حشرات منوعة بنفس طريقتك

لكن لاتعطيها خس ولا تكثر من الذباب

عطها جراد و جنادب و لو قدرت تعطيها من صرار الليل عطها ( اللي يطلع صوت في الليل ، و لا تعطيها أنواع غيره )

و عطها دود أو يرقانات لو لقيت

و طبعًا أحسن طريقة لتوفير الأكل هو تربية الحشرات نفسها

ولا تعطيها خنافس لأن هالنوع مايحب الخنافس

بس على فكرة وشو الـ( قعر ) ؟

[مهووس الحيوانات]

حبيت أضيف ان الكرتون هذا مايصلح أبد تعيش فيه لو كان هو مكان عيشها غيّره

حطها في حوض أو قفص يكون واسع و تقدر الحرباء تتمشى فيه

و حاول يكون مرتفع شوي عشان تقدر تحط فيه أغصان للتسلق

و مكونات الحوض :

- تربة نظيفة من أي مكان و يفضل تكون مخصصة

- أغصان صناعية أو طبيعية نظيفة و مايكون فيها سوس أو شي ، و حاول تكون قوية و ناعمة وما فيها أشواك

- صخرة نظيفة متوسطة الحجم

- مجموعة أوراق صناعية نظيفة للزينة ( اختياري ) و حاول ترتبها بشكل حلو زي ماتحب في القفص/الحوض

- لمبة للتدفئة ( اللمبة الصفرا العادية )
بس حاول تخليها في مكان ماتوصل له الحرباء و حاول تخلي بينه و بينها مسافة كافية
ممكن تخليه برا القفص/الحوض أصلاً ، عشان ماتوصل له الحرباء

لأنه لو قربت منه مرة احتمال كبير يتسببلها في حروق

- لمبة UVB المخصصة للزواحف و تلاقيها في المحلات المتخصصة بالحيوانات

و هي مهمة و ماتقدر تعوضها الا بانك تشمس الحرباء يوميًا لمدة 10 دقائق في الصباح أو العصر فقط

و عشان تريح نفسك من هذا كله اما تشتري اللمبة أو تحط القفص/الحوض نفسه في مكان تدخله أشعة الشمس ، يعني جنب الدريشة مثلاً مكان مناسب

--

و رش الحوض/القفص كل يومين رش خفيف بموية نظيفة

=-=

و بخصوص توفير الموية للحرباء عشان تشرب ، هي ماتشرب من صحن

يوميًا لازم تشربها بنفسك ، و طبعًا تشرب بالتقطير

خذ الحرباء كل يوم قطرلها موية شرب نظيفة على فمها و بتشوفها تشرب ، ممكن تقطرلها بقطارة أو بثلجة أو تشيل الحرباء نفسها على يدك و تخليها تحت صنبور موية مفلترة و تقطرلها

و تخليها تشرب لمدة دقيقة إلى دقيقتين و بتلاحظ انها ارتوت ، و لما تخلص نشفها بمنديل بس لاتشد عليها

[معشي الذيب]

جزاك الله خير الكرتون مو بيتها كانت معي بعدين رجعتها للقفص
والقعر هو النمل الاسود الكبير

[مهووس الحيوانات]

لا لاتعطيها نمل أبدًا

[معشي الذيب]

طيب شكرا الله يجزاك خير

[معشي الذيب]

طيب لو سمحت تدري هذي ذكر ولا انثى
اسف على الازعاج

[مهووس الحيوانات]

لا مو مشكلة

ممكن أحددلك بس قوللي حجمها كيف ؟

يعني كم طولها من الراس إلى بداية الذيل ؟ ( بداية الذيل يعني من عند الشرج و انت بالكرامة )

[مهووس الحيوانات]

و عشان تحديد أدق عطنا صورة لرجلها الخلفية لو سمحت

ولو ماتقدر خلاص يكفي طولها بس

[معشي الذيب]

اشكر اهتمامك الزائد جزاك الله خير
طولها 15سم
صور لرجلها وذيلها









مشكور على كل ما نفعتني به