مساعدة في الكاسكو الي عندي

[معجب-]

السلام عليكم شباب ابي مساعدة عندي كاسكو جامبو الرمادي هوشرس حيل قبل اقدر اوكلة من ايدي ال حين كلما اقرب من القفص يجعر او اكثر من مرة عضني جيت ابي اروضة بالفوطة فلت من الفوطة او لعن خيري ابي مساعدة تكفون صراحة ياءاست من الموضو ع ودي ابيعة بس منو يشترية

[ابوفزاع]

هلا معجب
شلونك

ياخوي اذا انت عندك سيوله ومقتدر تشتري اليف ويتكلم بع هذا والله يعينك تاخذ واحد جاهز

لان الكاسكو يبيله صبر من قلب وواحد متفرغ فاضيله يولفه ويلقنه الكلام

[ابو محمــد]

بصراحة الببغاء يحتاج انك تفهمه قبل ما يفهمك وتعرف متى يكون رايق

ويحتاج قبل كل هذا الصبر منك وتكون قريب منه وهو في القفص ولا تحاول

تيأس من اول تدريب او من اول عظة لان الطائر خايف منك صدقني

واريد منك اذا كنت هاوي وتعشق الببغاوات ان تستمتع لهذا المخلوق المسكين

وان شاء الله نرى ما يسرك في الايام الجاية

بالتوفيق

[معجب-]

حمد اللة جوعتة وجاب فايدة الحين مايجعر ومتكلم بارع والصبر مفتاح الفرج

[zxooozx]

السلام عليكم
اخي الكريم لازم تعرف ان حركة العض عند الكاسكو ليست غريزة اساسية فليس من طبعه الهجوم
غريزته الاساسية الطيران والهروب عند احساسه بالخطر
لكن
لانه بالاسر فانه يستخدم العض كوسيلة دفاعية فقط ومعنى هذا انه مازال يخاف منك او يدافع عن مكان اكله او قفصه
كل المطلوب منك انك تهتم باكله وشربه شخصيا ولا تعتمد على الخدم او حد يعطيه الاكل او الماء
تقضي معه وقت زياده لو ربع ساعه مرتين او ثلاث باليوم مع الاستمرار بتكرار مناداته باسمه
وان شاء الله يرجع اليف مره ثانيه
مع اطيب التمنيات

[معجب-]

مشكورين شباب صراحة انا صبرت على الكاسكو الي عندي و الحمد للة اني قدرت اروضة الحين هو اليف جدا وما يعض ابد