كم مشكلة أتمنى ألاقي لها حل في طائر البادجي

[lorelored]

السلام عليكم ورحمة الله وبركاته

أنا عندي بادجي أليف لايخافني عمره تقريباً ٤ شهور ويلعب معاي ويوقف علي وكل أنواع الألفه عليه ماعدا شئ واحد:

لا يحب أحد يمسح عليه أو يحكله خدوده وكل ماأحاول يعضني مايبغاني أقرب إصباعي منها
وأنا نفسي أحكله من زمان وأكيد كل طائر بادجي يحب أحد يحكله الخدود لكن هذا البادجي غير من وهوه صغير لم يفطم إلى الآن وهو رافض هذا الشئ للأسف.

١- غريبه ليش إيش السبب؟

٢- إيش الحل لهذي الحاله وكيف أخليه يسمحلي أحكله مايخاف من إصباعي أو يعضني؟

٣- كيف أمنع عنه العض وأعاتبه عليه عشان يمنع العض نهائى ويعرف إنه على خطأ إذا عض؟


وفي سؤال ثاني: هل عادي أخليه يشوف نفسه في المرآه كثير أو مضره له؟ لأني أخذت فتره أوريه نفسه بالمرايه وعلق عليها صار كل بين فتره وفتره يروحلها ويجلس بالساعات مررات عندها يتحرك وكأنه يلعب فيها عشانه يشوف نفسه يحسبه عصفور ثاني. فهل عادي هذا الشئ أو أمنعه عنها

أتمنى الإيجابه عن هذي الأسئلة والله يجزاكم خير على كل مساعده ورد نستفيد منه وألف شكر.

[iris]

السلام عليكم و مرحبا
بما انك ما تزال تتعرض للعض فهذا يعني ان الطائر مايزال يخافك ...ركز اكثر في الايام القادمة على بناء الثقة بينك وبينه
استخدم اسلوب المكافأة ...وابدأ معه بالتدريج ... لا تحاول المسح على رأسه من الوهلة الاولى ...بل حاول لمسه لمسة خفيفة ولوقت قصير ...واعطه مكافأة في المقابل (ثناء جميل واكلة لذيذة يحبها )
الطائر سيتوقف عن العض بمجرد ان تنتهي مشكلة الثقة المتبادلة ...وستلاحظ ان عضة الطائر لم تعد بنفس القوة ...سيصبح العض خفيفا ( الطائر يحاول تحذيرك فحسب ) وتقل العدائية بالتدريج مع الاستمرار في بناء علاقة متينة مع الطائر ....ثم سيختفي العض تماما !
لا يوجد شيء في تدريب الطيور اسمه عقاب او عتاب
عاقب الطائر او عاتبه وستهدم كل ما بنيته من ثقة خلال شهور... وستعود الى الصفر من جديد ....وسيصبح كل ذلك العمل والجهد الذي بذلته هباء منثورا ....
اذا كان طائرك يقضي الكثير من وقته وحيدا فلا مانع ابدا من وجود المرآة ...بل وجودها ضرورة ملحة لكي لا يشعر بالوحدة ..
والسلام عليكم ورحمة الله

[lorelored]

مشكور iris على الرد ولكن هوه مايخاف مني هوه وليف لكن فقط بهذي الحركه يخاف (إذا حس إني بلمسه بإصباعي من أي عضو منه لكن الحركات الباقيه عادي مثل إنه يطلع على يدي لو حركت صباعي قريب من أقدامه
وبالنسبه لكلامك جربت معاه كثير لمسات خفيفه ومكافأه لكن برضوا نفس الشئ ماتغير يعضني لو لمسته أو إذا قربت صباعي من رأسه أصلاً مامداني إلا وعضني يعني مايتركلي مجال ألمسه عشان أعطيه مكافأه!

و قبل فتره الطائر ماكان كذا كان المرايا عنده فتره بسيطه ويطير منها لكن ذحين علق عليها صار مايبغى غيرها مايبغاني إذا ماعندي مرايا و ماكنت أعرف العض عنده أبداً وفجأه صار يعض على أي حركة خصوصاً إذا أبغى أشيله من مكان يبغاه مثل المرايا (صار طول الوقت عندها ومايفارقها نهائي ومايبغى يلعب معايا مثل أول لا فجأه صار بس عند المرايا مايبغى غيرها ويعضني إذا بشيله مرات يعضني إذا مديت له صباعي عشان مايبغى يروح منها ومرات يطلع عليه لكن حدي أبتعد عن المرايا يطير مني ويرجع ثاني لها

إيش أسويله؟ ترى تعبني مرره! ياليت ألاقي حل لمشكلة المرايا بالذات!

وشكراً والله يجزا خير لكل من ساعدني ومن سيساعد.

[iris]

السلام عليكم اخي الكريم ....
انزع كل المرايا من قفص الطائر ....فيبدو انك تتركه لوحده لفترات طويلة ...والطائر يقضي كل يومه امام الطائر الوهمي الاخر الذي يراه في المرآة ...ولكن بمجرد نزعها ..ستحدث فجوة ..لكي تملأها عليك ان تقضي الكثير من وقتك برفقة الطائر ....ولا تتركه وحيدا في غرفة خالية في حالة غيابك ...بل ضعه في مكان تكثر فيه الحركة او في غرفة يجتمع فيها افراد الاسرة ..كما يجب ان يضل بعيدا ومنفصلا عن بقية الطيور ....و بهذا لن نقلق على الحالة النفسية للطائر بعد نزع المرايا ....
اما بخصوص العدوانية الزائدة للطائر ...فانا اؤكد لك ان سببها الخوف ونقص الثقة ...حتى لو كان الطائر متعلقا بك ويسمح لك بحمله ومداعبته ....واصل المحاولة وتأكد من انك تتبع الاسلوب الصحيح وانفق الكثير الكثير من وقتك برفقته ...لاا تفكر ابدا في معاقبة الطائر مهما كان سلوكه عدوانيا ...فالطائر لا يتصرف بعنف بلا سبب ...!
استغل هذه التجربة في صقل قدرتك على الصبر ....فالطيور معلم جيد لهذا النوع من الدروس ...وهنالك امر آخر شديد الاهمية :
لا تقم بتدريب الطائر في الغرفة التي فيها قفصه ...فهذا سيشتت انتباهه ويفقده الاهتمام بك ويجعله متوترا ...خذه الى غرفة اخرى ودربه فيها ...وستنجح في ترويضه ان شاء الله