الانثى والبياضة

[dohme]

السلام عليكم ورحمة الله وبركاتهـ
اخواني امس اشتريت انثى بالغه ومدري جاهزهـ ولا باقي واليوم مسكتها ودخلتها البياضة بالقوه وجلست امكن خمس دقايق وخرجت من البياضه بعكس الانثى الثانيه ماتدخل ابدا وهي لسى ماجهزت فايش وضعها الانثى الجديدهـ هل ممكن يكون عندها بيض لان ماشتريتها من بين مجموعة لا اخذتها من قفص كانت هي وذكر مع بعض لحالهم ثاني حاجة اسفل الطير من المؤخرة فيه زي الفتحه غير عن الانثى الثانيه فهل هذا يدل على انها جاهزة

وهذي الصور
.
.[IMG][/IMG]

[IMG][/IMG]

[IMG][/IMG]

وشكرا

[أبو ماجد 99]

وعليكم السلام ورحمة الله وبركاته
شوف اخوي انا كان عندي نفس المشكله ونفس الفتحه ونفس الانتفاخ وبعد أسبوع باضت ولله الحمد والشكر بس انت خلها تاخذ على الجو لسه لا تستعجل وتمسكها وتطلعها وتخوفها هذي نصيحتي وبعدين انت غيرت الذكر صح ليه ماجبتها مع الذكر الي كان معها أعتقد كان احسن لانهم كانو متوالفين
وان شاء الله تحط بيض وتشوف فروخهم يارب .... وعقبال ماتفقص الي عندي

[dohme]

انا والله كان عندي انثى جاهزهـ شريتها قبل سبوع بس طارت علي فشتريت هذي وحدها لان ماحتاج ذكر

بس ياخوي انت قلت حقك كان عندها نفس المشكله وبعد سبوع باضت يعني جاهزه ماشالله انا هذي الي عندي قالولي ماهي جاهزه بالمنتدى فهل هي جاهزه ولا ماهي بجاهزة بنظرك؟؟؟؟؟

امين ياخوي و انشالله يفقص البيض الي عندك ومشكور عارد^ــ^

[أبو ماجد 99]

بنظري جــــــــــــــــاهزه وتوكل على الله
نصيحه حط لهم بالقفص الشي هذا الي يوقفو عليه نسيت اسمه المهم خليه خشب عشان منقار الاخت مقشر هذا اعتقد من بقايا الاكل يعني الخشب هم هم ينظفونه فيه

[الكادي هواها]

وعليكم السلام ورحمه الله
ابو ماجد ماقصر كلامه صح وهي جاهزه ومو شرط البدا
الون البني الغامق في الكير فبعض الاناث تبيض وكيرها ابيض او عاجي
المهم انه تكون متوالفه مع الذكر حتى يكون البيض مخصب ان شاء الله
بنسبه للنتفاخ فهذا من علامات قرب وضع البيض هذا والله اعلم
حاول ماتزعجهم ولاتفتح البياضه بوجود الانثى بالداخل كذلك نوع لهم بتغذيه
خاصه المحفزات مثل الخس والجرجير والقمح المنقوع والبيض بالبقسماط
بشكل متوازن مرتين الي ثلاث مرات بالاسبوع
علق عظم الحبار بعد غسله وتجفيفه في القفص حتى تاخذ الانثى حاجتها
وحتى تبرد منقارها فيه
واخير اصبر عليهم والله يوفقك بنتاجهم

[لمســة خيـــال]

الانثى الجاهزه الكير يكون بني و
عند قرب الجاهزيه ابيض مع بني وبعض الاحيان و في حالات
نادره وقليله تبيض الانثى ولون كيرهاابيض او حليبي ولكن اذا تقدر تشتري الذكر
الي كان معاها عشان البيض يكون مخصب وانتبه من احتباس البيض
اعراضه خمول وقله حركه والجلوس بارضية القفص و
الانثى تغمض عينيها وتفتحها وكانها تتالم وبروز منطقة الاخراج
وان شاء الله خير

[dohme]

طيب لو ماكان الذكر معها يعني ماجبته معاها هل بيفقص البيض وبيطلع عصافير ولا بيض بيض ^ــ^

[لمســة خيـــال]

الذكروالانثى لازم يكونو متوالفين
ولكن اذ تم التزاوج والتلقيح من الذكر الموجد لديك
ان شاء الله يكون مخصب اعطي الذكر محفزات جرجير وخس
وشغل اصوات تزاوج من الانترنت وان شاء الله خير

[dohme]

مشكورين اخواني عالافادهـ وماتقصرو دايما وتسلموو