اشترك في نشرتنا البريدية ليصلك كل جديد

fabricio · 23-07-2009, 10:08 AM

سلام عليكم

جاني كاسكو جابو هديه الييف ويتكلم ويصفر وهاذي صورته

وعندي كم سوال

اهو مايركب ع اليد ومايعظ ويخاااف واااايد

كيف اخليه يركب ع اليد بأسرع وقت وشلون

اخليه مايخاف مني

وشكرا .... قولو ماشاءالله^^

Mr.7MoOdY · 23-07-2009, 11:41 AM

هلا اخووي

اقطع عنة الطعام 3- 4- 5 ساعات ( خلة يجوع شوي ) وجب لك اي شي هو يحبة .. يا اما خبزولا ايشي ثاني

المهم قربة من اثمة وخلة ياكل شوي مرة مرتين بعدين يتعود واذا صار ياكل من يدي .. خلة شوي بعدين عطة اكل بس لا تخليه ياكل اسحبة عند يدك حتا يقتربمنها ولا يلقا شي يوقف عليه غير يدو بعديط بيرقا على يدك وعدة الخبطة

ملاحضة الخبزو ربصها شوي مو كثير

ارجو انني افتك

fabricio · 23-07-2009, 01:10 PM

شكرا اخوي وراح احاول فيه

q8ee · 23-07-2009, 03:06 PM

اول شي حبيبي مبروك على الطير

اخوي الطير توه جديد عليك ولازم على الاقل يتعود عليك علشان يعرف انك انت راعيه

وبدام ما يعض الطير هذا شي حلو

انصحك انك اول شي اتخليه على استاند في فترة التدريب وتشيل القفص ما يشوفه

خله على الاستاند ثلاث او اربع ساعات وبدون اكل بس ماء

وبعدين قوم مسح على راسه 5 دقايق

وبعدها عطه حبه من ايدك

وبعدها حاول معاه انك اتصعده على ايدك راح يرفض اول مره وثاني مره لما اتخليه يصعد

واذا صعد مسح على راسه وخله يستانس منك وانه هذا الشي سهل عليه

ورجعه على الاستاند وحاول اتصعده على ايدك مره ثانيه

حاول وايد كثر ما تقدر انه اتصعده على ايدك وترجعه على الاستاند لما ايتعود وهذا التدريب استمر عليه يوميا

لما اتشوف الطير خلاص قام يفهم واول ما اتمد ايدك يبي يصعد

وكل ما اتخلص التدريب عطه اكل تفاحه او اي شي يحبه

وبالتوفيق ان شاء الله

fabricio · 23-07-2009, 03:53 PM

^^

شكرا ع الرد الحلو لكن الطير الحين عندي تقريبا شهر

q8ee · 23-07-2009, 11:15 PM

الله يخليه لك ان شاء الله

انت شنو تشوف هل الطير يميل اليك

يعني هل الطير تعود عليك وكل ما يشوفك يتكلم ويلعب يحس انه مستانس لما يشوفك

fabricio · 24-07-2009, 01:11 PM

^^
مب لين هناك اذا كنت في الصاله يتكلم ويصفر

iam moon · 24-07-2009, 05:52 PM

انا اخوي انا با اجهز موضوع عن ازالت الخوف من البغبغاء والسماح لك بمسك الجسم

سمساار · 25-07-2009, 04:28 AM

حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكانه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد
طريقة المسح على الطير
يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم
طريقة الصعود على اليد
يتوجه المدرب بيده الى الطير من تحت مستوى الطير الى ان يصل لبطن الطير تدريجيا وننطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير على يده مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم
وبعدها يقوم المدرب بتصعيد الطير على يده والابتعاد عن مكان القفص بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه
يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه
وهكذا نكون قد انتهينى من مراحل التدريب بنجاح
اتمنى لكم التوفيق والنجاح

وبالنسبه للفتره الزمنيه قبل التدريب كي يتعود عالمكان فمافي له داعي ابدأ بالتدريب عالفور

وخل اتكالك على الله

في حال اي استفسار مستقبلا انا موجود

و

انا دائما بالخدمه
__________________