عندي لكم خبر وايد حلو .. دشو وشوفوا شو هو ..

[passposse]

السلام عليكم ..

شحالكم يا جماعة الخير عساكم بخير ..

اليوم يتكم بخبر وايد حلو وشوي مر .. خخخخخخ .. يعني فيه شويت استفسارات وابي مساعده من كل من يهتم بالهامستر وله خبره عنه يساعدني والله يجازيه الخير ..

طبعا سابقا كان لي كثير من الاستفسارات عن الهامستر ممكن الحين زادت شوي بعد ما يبت لي همسترين حلوين من النوع الروسي ..

بس احتاج انكم تساعدوني بكمن شغله وبكون وايد شاكره لكم .. الي عندي ذكر وانثى ع ما اعتقد لاني ما شيكت عليهم بس من نوع الحركات عرفت شو ممكن يكونون .. واحد نشيط جدا ويحب يتحرك وايد ممكن اشيله بس مع شويت محاولات للعض الحمد لله تملصت منهن خخخخخ والثاني كسول وايد مايحب احد يمسكه وبطيء الحركه حتى الهمستر الثاني ما تبيه انه يقرب منه وكله تبي تنام .. انا شخصت حالة الثاني >>> الكسول >>> أنه انثى لانها ما تبي احد يقرب منها شوي يبين عليها منتفخه وشوي خوافه حتى امسكها تطلع صوت .. حتى لمن يقرب منها الهمستر الثاني الي اعتقد انه ذكر .. ولا حظت شي بعد انه الثاني الي اظن انه ذكر حاول يعض الانثى من الخلف اكثر من مره وكل ما يقرب منها كانت تطلع صوت وتنسدح ع جنبها .. تظنون انها اكبر منه بالسن ولا لا عشان جذيه موب طايعه تستقبله مثل ما قريت في المواضيع انه الانثى ما ترضى بذكر جديد .. او انها حامل .. صراحه انا لما شفت الي صار ع طول فصلتهم بس بعد ما خليتهم ليله كامله مع بعض لكن ع الصبح بعد ما شفت هل شي لاني لاحظته من اليوم الي قبله بس قلت ممكن تغيير المكان والسفر من مكان لمكان أثر فيهم لانه طول الفتره من المحل لين البيت وهي جذيه الانثى كل ما قرب الذكر منها تنام ع جنبها وتطلع صوت ..

اتمنى انكم تساعدوني بهل المشكله .. والسموحه منكم اذا طولت عليكم بالكلام .. بخليكم الحين ويا صور My New Baby .. الانثى سميتها تينومي والذكر سميته همتارو .. شو رايكم بالاسماء وطبعا ابي رايكم بالصور ..

تينومي >> شرايكم هب شكلها هني منتفخ كأنها حامل ولا هذا يتراوالي انها حامل << اخليها لأهل الخبره ..



همتارو

[Withered Rose]

أول شي ألف ألف مبروووووكـ

بس للأسف الصور مو طالعتلي ..
بس شي جيد انه واحد منهم مو خواف بس اشك احد مربيه من قبل (اذا لاحظتي انه عمره شوي كبير) . لان الهامستر اول ما انييبه يكون خواف على الاقل يبيله اسبوع علما يصير أليف ..
بس كان من المفضل انج تاخذين الانثى صغيرة أما الذكر بأي عمر و يفضل صغير مو أقل من الـ3 أشهر لأن أصغر من هالعمر بيكونو حساسين و صعب علاجهم اذا مرضوا ..!!
عندي سؤال : شنو نوع الروسي اللي عندج ؟ اذا ما تعرفين قوليلي لونهم و لون عيونهم ..

[IMG]http://i34.photobucket.com/albums/d150/de4mon/***ingDiagramDwarf.jpg[/IMG]


حاولي تعرفين الانثى من الذكر .. بس دايما تكون الانثى اكثر (شطانه) و الذكر يكون ودود و مسالم اعتقد اللي يطلع الصوت و ينسدح اهو الذكر و معناته هالحركه الاستسلام .

أسامي حلوة اللي سميتيهم هامستراتج و اتمنى لج تربيه موفقه

[passposse]

السلام عليكم ..

هلا اختي Withered Rose مشكوره ع الرد ..

حرام انه ما ظهرن وياج الصور .. ومن ناحية اي نوع لونهم رمادي مخطط ع الظهر بالاسود نفس الي بالصوره عندج الصوره الشخصيه خخخ .. ولون عيونهم اسود بعد ..

الحمد لله عرفت منو الذكر ومنو الانثى .. الشيطان والي يلعب هو الذكر همتارو .. اما تينومي الانثى فهي دايما تبي نتام وتاكل بس .. حتى شوي انتفخت عن اول ما يبتها .. حتى من فتره جربت طلعتها وخليتها بالكره تلعب لما طلعتها منها وتمت تمشي ع ايدي حسيت ببطنها كأنه فيه كره او شي جذيه ما اعرف عاد هل هو بيبي او الاكل الي تاكله .. لانها موب طايقه احد يجيها او حتى يمسكها كله تعض ..

اختي الي يطلع الصوت وينسدح هي الانثى هب الذكر .. بس طبعا الحين انا فصلتهم عن بعض .. خفت انه تصير حالة اجرام لاني لاحظت الذكر يعضها او شي جذيه وخفت من الي صار معركه كانت ..

انا بحاول اني ارفقلج بعض الصور لهم في المرفقات وشوفيها ..

سلاماتو ..

[passposse]

السلام عليكم ..

وما ننسى همتارو عشان ما يزعل مني ويعضني بعد ما ارد البيت خخخخخ .. الي في المرفق الاول هي تينومي شوفوا كيف شكلها بعد تقريبا 2 من يبتها ..

[Withered Rose]

كيووووووووووت كيوووووووت حلوين ماشاء الله
تيموني شكلها تحب الاكل لانها تارسه خدودها أكل ، لاحظتي بتغير تصرفاتها عن قبل ؟ لان دايما الهامستره لما تكون حامل تطق زوجها و تصير عدوانيه معاه .. او تعصب اذا شلتي اكلها اللي مخزنته ابيتها و تبدي تخزن الاكل وايد ..

و خليهم مفصولين لما اتأكدين من الحمل اذا تأكدتي خليها بروحها بمكان هادي و معتدل الحرارة و زيدي لها الاكل عشان ما تتوتر اذا ما حصلت .

تبدي علامات الحمل بعد 10 يوم من أول ولادة مسكي (اليلد) اللي في من ظهرها الى رقبتها و قلبيها و مسكي بطنها هني راح تحسين اذا في بيبي او حركه او لا .
و اعذريني حطيت المرفقات بالموضوع الأساسي

[passposse]

السلام عليكم ..

هلا اختي Withered Rose .. تسلمين ع الصور انج حطيتيهم لي الله يعطيج العافيه ..

تسلمين ع المعلومات القيمه .. مشكوره وايد ..

التجيك جاري القيام به لووول .. برد عليكم الخبر قريبا ..

سلاماتو ..