اشترك في نشرتنا البريدية ليصلك كل جديد

fawazzz_q8 · 13-05-2011, 10:09 PM

السلام عليكم اخواني الكرام
اذا كنت تبي توفر فلوسك وفي نفس الوقت تسوي مشارب ماي للحمام والدجاج وشرط ان هالمشارب استعمالهم سهل وببلاش اذن هذا الموضوع يهمك ولازم تقراه للاخير

راح تحتاج لهذي الاشياء

1 - بطلين عصير المراعي الحجم الكبير او اي بطلين يكون شكلهم نفس شكل بطل المراعي

2 - دريل مع ريشته + سكينة او موس حاد + لون + اي كرت ( اذا ماحصلت كرت تقدر تستعمل بطاقة البنك ترى حق القياس بس )

الحين ركزوا معاي خطوة خطوة

1 - اخذوا البطل الاول وحطوا الكرت اسفل البطل كما بالصورة وباللون حطوا علامة عشان بعدين نقص البطل بالسكينه ونسوي فيه فتحة من كل جانب من جوانب البطل الاربعه

2 - بعد ماخططنا البطل باللون وكانت وحدة قياسنا هي الكرت مثل ماشفتوا كما سبق الحين حان وقت القص سواء بالسكينة او بالموس وهذا هو الشكل المطلوب للبطل الاول

صورة ثانية للتوضيح فقط

3 - الحين نروح للبطل الثاني وبالدريل نروح نزرف البطل مع غطاه ونسوي فيه 4 فتحات كما بالصورة

صورة ثانية للتوضيح

4 - نترس البطل اللي زرفناه بالماي ونغطيه بغطاه ونركبه على البطل الثاني اللي قصينا فيه 4 فتحات
وهذا هو الشكل النهائي

صورة ثانية

صورة اخيرة

هذا المنتج فيه المزايا التالية :
1 - مجاني
2 - سهل الصنع
3 - سهل الاستعمال
4 - يخزن مايقارب اللترين من الماء
5 - يساعد على مشروع تدوير النفايات ( صديق للبيئة )
6 - ارتفاع الفتحات يضمن عدم تلوث الماء بزرق الحمام او الدجاج

بالنهاية هذا الموضوع انا مؤلفه وكل من ينقل موضوعي او ينسبه الى غيري وافاه من غضب اللهّ وسرعة نقمه وفوادح بلاياه ما يَعْجَزُ عنه صبره، ويَحَار له فكره، وجعله اللّه مُثْلَةً للعالمين، وعبرة للمعتبرين، واية للمُتَوسِّمين

محمد2012 · 13-05-2011, 10:23 PM

اشكرك على ابداعك وافكارك وان شاء الله يستفيدون الاعضاء

ra22d · 13-05-2011, 10:33 PM

رائع

~~أبو العصافير~~ · 13-05-2011, 11:24 PM

الله يكثر من امثالك

نادرالجوف · 14-05-2011, 01:09 AM

مشكور على الابداع والى الامام الى الامام

صمت الأمل · 14-05-2011, 03:11 AM

وعليكم السلام ورحمة اللهـ وبركاتهـ .

ماشاء اللهـ تباركـ اللهـ .

اتحفتنا بروائعكـ أخي الكريم .

الأدوات متوفرهـ بكل بيت وتطبيقها سهل ونتائجها رائعهـ جدا .

وهذا هو المطلوب دائما في الصناعات اليدويهـ .

ألف شكر لكـ , وجزاكـ اللهـ عنا خير الجزاء .

تم تقييم موضوعكـ + تثبيتهـ بالفهرس + تقييمهـ .

واصل الإبداع يامبدع .