سؤال بخصوص التغذيه ( مهم جدا )

[sultan_dj]

السلام عليكم ورحمة الله وبركاته

اخواني واخواتي اعضاء منتديات 2zoo من خلال بحثي لاغلب المواضيع المتعلقه
بالاطعمة لاحظت تضارب او بالاخص علشان ما اظلم الكاتبين نقص في المعلومات
لاحظت اغلب المواضيع تطرقت على نوعين من الاطعمة واتفقوا على نوع واحد انه مايصلح
الا وهو الاكل المعلب

اما بخصوص النوعين فهما :
1- الدراي فود ( الاكل الجاف )
2- اكل البيت (المنزل )

واسألتي تدور على هالنوعين من الاطعمه

النوع الاول الدراي فود
هل اعتمد عليه اعتماد كلي لان سمعت ان هو افضل طعام له وخصوصا انه ما يخلي شعر القط
يتساقط
وهل اذا وضعت له في صحن القط كم المده الوقت اللي اخليه وابدله او انه ما يضر اذا خليته طول
اليوم..
وانا لاحظت قطي ما ياكله الا قلييييييييييل هل اطنشه واخليه لما يجوع وبياكله وهو مجبور؟

وهذا النوع اللي اشتريته مكتوب عليه خاص للقطط الفارسيه ليش ؟؟ مادري




-------------------------
اما عن النوع الثاني وهو اكل البيت ( المنزل )

هل اعطيه من نفس اكلنا ؟؟ مطبوخ مع البهارات برياني وملوخيه وهالحركات
ولا اطبخ له طبخه خاصه
ولا اعطيه نيء ( مش مطبوخ )
وعادي لو عطيته همبرغر او نقانق او شورمه ولا مضر ؟
وهل الاكل الحار ( السبايسي ) يضر القط ؟!

ولكم مني جزيل الشكر
وفي انتظار الردود لكافة الاسألة لانها مهمه بالنسبه لي

[somky]

هلا اخوي
بالنسبه للأكل الأفضل لك انك تغيره لهم من فتره لفتره
سواء كان دراي او معلب ..
الدراي فود أفضلهم الماركه الي اشتريتها اللي هي (رويال كانن)
طبعا هي أكثر من 5 أنواع
اللي اشتريته انت (للفارسي اللي شعره طويل وكثيف )
اللي لونه موف (لكثافة الشعر )وانا مجربته للبسس وفعلا فضيع
وفيه موف (care) زيادة عنايه ..لما تكون محلق شعر البسه هذا يخليه ينبت بصوره اسرع..
اللي لونه زيتي (لكل الأنواع)
وفيه سماوي ما أعرف لأيش

انت شوف الأكل المناسب لبستك
وعطها مره في الإسبوع معلب ..


ــــــــــــــــــــــــــــــ
بالنسبه لأكل البيت حسب شهيتها
يعني فيه بسس تاكل كل شي وبسس ماتاكل الا المخصص لها
السبايسي يضرها كثير وما تاكله في الأصل
واذا بتعطيه أكل بيت استمر عليه
لان الاكل اللي كل شوي يتغير عليه يسبب له اسهال ..



اتمنى اني افدتك

[CaTTy]

اهلين اخوي

بالنسبه للدراي فود ما يصير تعتمد عليه كليا للاكل لانه راح يسبب امساك للقط وانت بكرامه

اما بالنسبه للنوعيه اللي شريتها فهذي افضل نوعيه وزين انك حصلتها لانها مو متوفره عندنا بالكويت

ولووو انها تخلي القطو مربرب ( متين ) على كلام الاخت الغاليه قطقوطه

والدراي فود تقدر تحطه للقطوه بين الوجبات او بفتره الليل لما انت تبي تنام ..

لا تحطه 24 ساعه لانها راح تعتمد عليه كمصدر اكل اساسي وماراح تاكل أي اكل انت تقدمه

وبالتالي مثل ما سبق وذكرتلك راح يسبب لها امساك

وبالنسبه لاسئلتك

هل اعطيه من نفس اكلنا ؟؟ مطبوخ مع البهارات برياني وملوخيه وهالحركات

لا تعطيه توابل .. تقدر تعطيه ارز من نفس اكلكم بس ما يكون فيه مرق ولا حشو ( بصل وهالسوالف ) يعني بس ارز ... ملوخيه ما ادري والله بس ما اظن تنفع للقطط

ولا اطبخ له طبخه خاصه
ولا اعطيه نيء ( مش مطبوخ )

تقدر تشتري من الجمعيات ( السوبرماركت ) صدور دجاج ( لان القطط تفضل الصدر ) يكون من غير عظم ... تسلقه ( تحطه بجدر وماي وتخليه يغلي ) بدون ملح ولا شي وهالاكله يحبونها انا مجربتها بسيطه وسهله او تقدر تشتري كبده دجاج ونفس الطريقه تسلقها

وبالنسبه للنئ لا تعطي قطاوتك اي شي نيء لانه مضر لهم


وعادي لو عطيته همبرغر او نقانق او شورمه ولا مضر ؟

اتوقع انها تسبب لهم دود فابتعد عن هالاكلات لانها غنيه بالدهون


وهل الاكل الحار ( السبايسي ) يضر القط ؟!

اكل حار تقصد فلفل يعني ؟ اذا فلفل اكيد مضر حيل بعد


وان شاء الله قدرت افيدك


وفيه موضوع للمشرفه المتميزه دومنيك عن الاكلات اللي تقدر تحضرها لقطاوتك

وعن انواع الاكل الخاص والدراي فود للقطاوه البالغه وللصغيره

على هالرابط

http://www.2zoo.com/vb/showthread.php?t=11886

[sisi_moon]

انزين انا بعد عندي سؤااال

قطوتي فارسيه وشعرها كان طويل وكثيييف

وانا استخدم لها دراي فود



يشااااابه هذا بس مو زيه زيه

المهم

بعدها بشهر شعرها صار قصيييييييييير وخفيف.. تهقوون من الدراي عشاني ماسخدمت اللي حق الفااارسي

[CaTTy]

احتمال وارد اختي

لانج قاعده تستخدمين الدراي فود تبع القطاوه السياميه اذا كانت القطوه نفسها اللي بالغلاف

او عالعموم تستعملين واحد حق القطاوه قصيرة الشعر

احتمال بتركيبته سمك او اي مكونات ثانيه تختلف باختلاف فصيلة القط

فـ عشان جذي الدراي فود المخصص للفارسيات ذوات الشعر راح يحافظ على شعرهم

والله اعلم

[cute cat]

اختي
ترا رويال كانون كثير ومنه انواع كثيره مره
وكل قطو له نوع معين من الاكل
استخدمي الا لونه اخضر جدا مفيد للشعر ياسيسي مون
لو قطوتك شيرازيه
بس هالنوع افضل نوع وخليه بالصحن علي طول ووقت مايقل عبيه
وباليوم او كل يومين عطيها ويسكاس الرطب الا بالاكياس افضل من المعلب
ويارب افدتكم

[sultan_dj]

ما شاء الله ردود كامله والكمال لله وشامله
الحين الواحد قدر يعرف شو متطلبات القط
وجزاكم الله الف خير

وبالنسبه للسبايسي هههههه امس عطيته شورما مكسيكي هههه مسكين