ساعدوني قطتي تلد

[دلوعةقطوتي]

الله يسهل عليها
كشف عليها بالسونار؟
قبل ماتصلح لها عملية اسأل عن الدكتور ولو تدور دكتورمجرب يكون افضل وان شاءالله ماتحتاج عمليه وتولد بالسلامه

[خربشات قطه]

مشكووور اخوي اخطبوط

جزاك الله خير و الله يعطيك العافيه

[خربشات قطه]

هلا دلوعه

لا ما كشف عليها .. انا فكرت استشير اكثر من دكتور واشوف

الله يكتب اللي فيه خير

[خربشات قطه]

سؤال هل التقلب طبيعي

الاحظها تنقلب على ظهرها

واليوم لاحظت عليها انها تنهد تاخذ نفس طويل وتطلعه بقوه

و ما لاحظت عليها شي ثاني

[الخبيرة ناديا]

الله يقومها لك بالسلامه

لاكن لاتعمليلها عمليه ابدا ابدا الا اذا فعلا تعسرت ولادتها

والافضل تقرائين موضوعي هنا راح يفيدك:

http://www.2zoo.com/vb/showthread.php?t=169485

واذا لاحضتي زياده في الدماء او ارتفاع الحراره او خروج صوتها بشكل متردد

لازم بيطري يكشف عليها

وطمنينا عنها اول باول

[milk cat]

نفس بستي الحين حامل بالاسبووع الاخيير .. باذن الله ولادتهاا المفروض بكراا يعني اذا كملت 67 يوم

ان شاء الله تولد بالوقت

اخوي انت يوم جبتهاا ما سألت راعيهاا الي قبل اي يوم تزاوجت .. انا انصحك تسأله و تحسب لهاا 67 يوم للولادهـ

ممكن تتاخر يومين او تبكر يومين عاادي

و ابد ابد ما انصحك بالعمليات حتى لو البيطري قاال كذاا .. مو اي بيطري كلامه صح و اغلب البيطريين ما يهمهم الا الفلوس الي ياخذونها و بس

و لازم تخزن اليوم رقم البيطري عشان اي شي غريب يصير ممكن ما يكونون الاعضاء موجودين عشان يردون فالافضل تكلم عالبيطري و تطلب نصايحه

و انصحك تسكر السرير من تحت بكرتوون اذا كان مفتوح

و ممكن البسة ما ترضى تولد بالحمام .. فالافضل انك تعودهاا عليه من الحين و تطمنهاا

ان شاء الله تولد بستك و بستي بالسلاامه ياارب .. و طمننا اذا ولدت بستك

برب لي رجعه

[خربشات قطه]

هلا اخوي ملك كات

الله يسهل على بستي وبستك ولادتهم يارب

لا ما سالته لان شكله ما يدري انها تزاوجت

انا بعد قلت كذا .. يمكن استشير اكثر من بيطري افضل

وفعلا فكرتك حلوه اني اخزن رقم البيطري عندي

باذن الله في اقرب وقت اروح له عشان اخذ الرقم

طيب اخوي هل لاحظت على بستك اي شي

انا لاحظت عليها امس خمول ودايم نايمه على جنبها وتنهد

[milk cat]

انا عندي رقم بيطري .. احسه فاهم و المحل نفسه مرره يهتم بالحيوانات من ناحية الصحه و النظافه و هالاشياء تبغاا ارسلك الرقم عالخااص ؟؟

لا ما شاء الله بهالفترة احسهاا مرهـ نشيطه و متحمسه و بس تنسدح على ظهرهاا عندي

و احياناا اقوم الليل منهاا تكون تمخش رجولي اذا حركتهاا او تعضض يدي .. يمكن عشانه اخر اسبوع لهاا و متحمسه

بس مو كل البسس كذاا .. فيه بعض البسس بالعكس تكون خامله باخر فترة الولادهـ

و عندي نصيحه لك غلطتهاا بولادة بستي الي قبل و مرهـ ندمت و ان شاء الله ما تغلط غلطتي

المهم الولاده الي راحت كنت بس المسهاا زيادة عن اللزوم و اشجعها اذا طلعت عن مكان الولاده عشان تغير جو

بس بعدين تعودت و صارت بس تنام عندي بالسرير و احيانا اقوم عالفجر من صوت الكتنز جوعانين و هي ما صارت مهتمه

مع ان ولادتهاا كانت مره مره ميسرة ما شاء الله ولا عانت ولا شي .. بس يمكن لانها اول ولاده لهاا ما كانت تعرف ايش تسوي .. ولاحظت انهاا ما تلعق مكان الاخراج

فقررت هالولادهـ اني ما المسهاا الا اذا كانت بين اولادهاا و اذا سمعتهم يماوون ودهم عند بطنها عشان يرضعون .. و ممكن ما يكون فيه حليب فاذا لاحظت مافيه حليب .. فلازم انت تشتري على طول حليب من محل الحيوانات و سرنجة او قطاره .. و اذا لاحظتها ما تلعق مكان الاخراج انت جيب منشفة مبللة بموية دافية و امسح عليهم .. لمدة شهر

و بعد نصيحة اخيره: ياليت لو تقص شعر بطنهاا عشان الكتنز يرضعون اسهل

ادري اني طولت بس ما ابغاا اي احد يغلط نفس غلطتي بالولادة الاولى

[خربشات قطه]

مشكور اخوي على نصايحك

جدا روووووعه

الله يعطيك العافيه وجزاك الله خير

ايش اسم المحل وياليت ترسل رقم البيطري

انا بستي صايره حنونه وتبيني بس احكك راسها وتنقلب على ظهرها بس يجيها حزات تصير مره خامله ..

الله يعينا يارب

لاتنسى اخوي تبشرني اذا ولدت بستك

[milk cat]

اووكي ارسلتلك عالخاص اسم المحل و الرقم

و شكراا مره على دعوااتك و الله يعاافيك

زي بستي تجيهاا مراات تصير خاامله و بس نايمه بس اول ما اقوم تجي معي و تتميلح اني المسهاا خخخخخ

اميين ياارب و ان شاء الله تكون ولادة ميسرة لبستي و بستك

كم عمر بستك و هذي اول ولاده لهاا ؟؟ .. اذاا هذي اول ولاده لهاا لازم تكون معهاا وقت الولادهـ عشان تتطمن اكثر

و ان شاء الله راح ابشرك اذا ولدت بستي و لاتنسى تبشرناا اذا ولدت بستك بعد =)