~][ ساعدوني في مشروعي الصغير ][~

[sunset]

السلام عليكم

اخواني ما قصرو قبلي وسبقوني ومعلوماتهم ماشاءالله

انا عندي نقطتين

1 المرشات رح تبلل الطير ويمكن الطير يكون على بيض ورح يخرب البيض اذا جسمه مبلل

2 لازم تخلي مكان فيه شمس عشان الطير الي يبي يتشمس والشمس ضروريه يعني لو تخلي بكل زاويه من فوق مكشوفه شي بسيط للشمس ولطير الي يبي الشمس رح يروح لحاله لها زاويه


ولو انا مكانك اخوي اشتري جوز من كل نوع ابي اربيه وحاول بدايه صغيره عشان تفهم كل جوز كيف طريقة تزاوجه وايش يحتاج وكيف اكله واذا مرض كيف يكون شكله يعني كل جوز بلحاله بقفص وتابعهم الين يكمل مشروعك

والله يوفقك يارب

[كاسكوه]

ماشاء الله تبارك الله

الله يوفقك في مشروعك ويحفظ لك طيورك وانتبه لها من القطاوه لاتخوفها لو كان عندكم

وبالنسبه للأسئلة كان ودي اجاوب عليها بس للاسف ماعندي خبره في هالموضوع بس حبيت ابدي اعجابي وادعي لك

[طير الهوى]

،،

هلا وغلا أخوي sunset

1 المرشات رح تبلل الطير ويمكن الطير يكون على بيض ورح يخرب البيض اذا جسمه مبلل

فعلا ً هذي نقطهـ غابت عن بالي ^.^ وهي نقطة مهمهـ جدا ً ..

2 لازم تخلي مكان فيه شمس عشان الطير الي يبي يتشمس والشمس ضروريه يعني لو تخلي بكل زاويه من فوق مكشوفه شي بسيط للشمس ولطير الي يبي الشمس رح يروح لحاله لها زاويه

حلوووو .. راح أسوي بعض الفتحات في القرميد .. علشان تدخل بعض الشمس بشكل مباشر ^.^ وتصبح عملية الترويش والتشمس .. اختياريهـ للطائر ^.^

أشكرك جزيل الشكر اخوي sunset على هالملاحظات الحلوهـ والمهمهـ ..

ولا تحرمنا تواجدك ومرورك يالغالي ..

،،

[طير الهوى]

المشاركة الأصلية كتبت بواسطة كاسكوه

ماشاء الله تبارك الله

الله يوفقك في مشروعك ويحفظ لك طيورك وانتبه لها من القطاوه لاتخوفها لو كان عندكم

وبالنسبه للأسئلة كان ودي اجاوب عليها بس للاسف ماعندي خبره في هالموضوع بس حبيت ابدي اعجابي وادعي لك

اللهم آمين ..

اللهـ يجزاك خير اختي .. ويحفظك يارب ..

ويكفيني مرورك ودعاك .. واللهـ يحقق لك أمانيك يارب ..



،،

[0030879]

السلاكة اللي وريتك اول

تصميم الأخ : مالك صفوت

للكوكاتيل















































يعاب عليها :

وجود البياضة داخل السلاكة

صعوبة التنظيف لعدم وجود درج سحاب

المجثم اعلى من فتحة البياضة

القفص الأخير بالأسفل هابط جدا فماله داعي

.............

ضع ماسبق في الإعتبار

الوقت المستغرق في بناء السلاكة : اسبوعان " مع الصور والمواد راح تختصرها الى 9 ايام "

التكلفة تقريبيا : 180 ريال




تحياتي وتقديري

[راعية الحيوانات]

ما شاء الله .... فكرة راااائعة ....

كل التوفيق لك في المشروع ....

[سكر]

ما شااء الله تبارك الله

بصراحة ما ادري ايش بقيت لنا

غطيت كل شي ما شاء الله

أولاً أرفع لك القبعة اعجاباً بذوقك وبهندستك وبفنك الراقي

ثانياً برجع ألبس القبعة لأن الشمس حرقتني



طير الهوى انا كنت ادري انك مبدع من اول

بس ما كنت ادري انك مرهف الاحساس لهذي الدرجة

خصوصاً في تصميمك وديكوراتك وحرصك على توفير الانتمااء الاجتماعي

لطيورك ومحاكاة الطبيعة قدر الامكان

صراحة ماعندي اضافات

لكن اقترح انك تغطي جزء كبير من الارضية بسعف النخل وأوراق الشجر

خصوصاً الأجزاء اللي تحت المجاثم والاغصان

والسبب اني مرة جبت لميزوو اغصان شجر منقا

والرجال نتفها وصارت اسفل القفص وتركتها لأن رائحتها اعجبتني

وسبحان الله صارت الأوراق تحافظ على ارضية القفص لما جفت

الى درجة اني ماصرت انظف القفص بالأسبوع والاسبوعين

جربها في الاقفاص العادية وبتعجبك

اما بالنسبة للصعوبات

فأتوقع اهم شي النواحي الصحية وتوفير المضادات والفيتامينات اللازمة


وحاول تفكر في انتاج الافريقي


ربي يوفقك

[طير الهوى]

،،

هلا واللهـ وغلا اخوي 0030879

أشكرك على تواجدك الدائم ومتابعتك للموضوع أول بأول .. كما أشكر لك جهودك وحرصك بارك اللهـ فيك ..

السلاكهـ هذي صراحهـ تمتاز بتكلفتها القليلهـ وفائدتها الكبيرهـ .. كما تمتاز أيضا ً بتوفير المساحة .. والاستغناء عن أعمال الديكور المكلفهـ ..

بس أحس ان الخشب عمرهـ قصير .. والخشب ممكن يتهالك مع الماء أو على الأقل يطلع رائحهـ لك عليها .. والا يتآكل بطريقة أو بأخرى .. والشبك اللي عليها شبك من المستوى العادي .. ممكن يتضرر بسهولهـ ..

فكرت بطريقة ثانيهـ .. هي إني أفصل منصة حديد بكفرات .. لتحريك السلاكهـ بسهولة .. وأضع فوقها أقفاص ستانلس ستيل جاهزة .. تكون مجهزة بالمجاثم .. ودرج الفضلات أعزكم اللهـ .. وبالإمكان تعليق ألعاب أو أيا ً كان بداخلها بسهولهـ مقارنة بالشبك العادي ..

وهذي صورة توضح مقصدي ..



هذي المنصهـ وفوقها الأقفاص .. وكل قفص ( مثل اللي انا محدد ) راح يكون مثل هذا :



أحس انها أفضل جودهـ ومتانهـ .. وإلا وش رأيكم ؟؟

وطبعا ً أعشاش التفريخ أرهّمها وأخليها خارج القفص من الجهتين ..


ولا أخفي عليكم إني بديت أحاول الاستيلاء على ملحق خارجي بالبيت وأخصصهـ للإنتاج بعد رؤيتي للسلاكات هذي .. ههههههههههههههههههههههه

بانتظاركم ..

،،

[طير الهوى]

المشاركة الأصلية كتبت بواسطة راعية الحيوانات

ما شاء الله .... فكرة راااائعة ....

كل التوفيق لك في المشروع ....

أشكرك اختي راعية الحيوانات على تعليقك ومداخلتك ..

والله يوفق الجميع لما يحب ويرضى

مرورك تشريف لي ..

،،

[طير الهوى]

،،

هلا وغلا بـ سكر .. هلا بالغالي ..

أشكرك على مشاركتك وعلى تلبيتك للدعوهـ .. وهذا شرف لي أولا ً وأخيرا ً ..

أولاً أرفع لك القبعة اعجاباً بذوقك وبهندستك وبفنك الراقي

ثانياً برجع ألبس القبعة لأن الشمس حرقتني

زين سويت لوووووووووول

طير الهوى انا كنت ادري انك مبدع من اول

بس ما كنت ادري انك مرهف الاحساس لهذي الدرجة

<<< لقد بدأ هذا المستخدم يحس ان قلبهـ ورق شاورما هع هع

لكن اقترح انك تغطي جزء كبير من الارضية بسعف النخل وأوراق الشجر

خصوصاً الأجزاء اللي تحت المجاثم والاغصان

طيب هذي ماتعيق حركتي داخل العشهـ في حال لزم الأمر ؟ وكيف شكلها ؟ يطلع حلو ؟

اما بالنسبة للصعوبات

فأتوقع اهم شي النواحي الصحية وتوفير المضادات والفيتامينات اللازمة

فعلا ً هذا شيء مهم جدا ً .. لازم أتعلم عنهـ كويس .. واسأل فيهـ أصحاب الخبرهـ والمشورهـ ..

وحاول تفكر في انتاج الافريقي

بيني وبينك راودتني نفسي اني أنتج غيني (التمنه) لووووووووول .. هو افريقي مصغر .. ولو مانجحت التجربة راح تكون الخسائر أقل وان شاء اللهـ مايكون فيه خسائر .. ولو نجحت في انتاجهـ .. أو فشلت .. راح تكون التجربة كأنها على افريقي .. ومحاكاة من الطراز الأول

فـ لو نجحت ان شاء اللهـ .. راح أجرب بالافريقي الكبير خوينا هع هع

ربي يوفقك

ويوفق الجميع يالغالي ..

ولا تحرمنا تواجدك ومرورك .. وشرف تواجدك ..

،،