عاااجل جدا

[سلمى الدوسري]

وديه للطبيب ظروري
يمكن في شي في بطنه متعفن ولا حاجه
ولاتعطينه حليب الانسان العادي قوي عليه
في حليب بالصيدليه يكون نسبة اللاكتوز خفيفه سهل هضمها للقطط
بس كا افضل حل وديه للطبيب لانه صغير

[قطـوهـ]

لا والله مو من الرياض من الشرقيه
وديته اليوم عند الجوزل بالدمام
قال ان عنده التهاب حاد
عطاني له بيتاموكس و زيت خروع و قالي اعطيه فيفادول او شراب تمبرا
و منطقة التبرز ملتهبه

المهم قال لي اني اعطيه زيت الخروع بالفم و من ورا احط له
بس ماقدر احطه له من ورا لانه يتوجع اذا جيت بنظفه كيف احط له

[قطـوهـ]

بالنسبه للحليب اعطيه حليب المراعي قليل الدسم
امه ماترضى ترضعه بالغصب امسكها و اخليه يرضع

[دلوعةقطوتي]

البيتاموكس تمام والخروع بعد
بس غريبه قالك عطيه فيفادول لانه مره سالت الدكتور وقالي لا لاتعطيها منه
جيبي عود القطن اللي بينظف ونظفيه وامسحيه بشويش وسلامته مايشوف شر
الحليب اوكيه بس خففيه بشوي مويه وربي يعينك

[sisi_moon]

يعني هو معطيج بيتاموكس ,, الفيفادول ولا تمبــرا ليــش ؟.

ماكلهم مضـادات حيــويه

واذا قصده على ارتفاع درجه الحراره فيه أدويه ثـانيه وفيـه أبرر ,, مو فيفـادول وتمبرا

لاتعطييينه منهم

سوي له كمـادات ماي بارد بس مو مثلج .,, بس حطيهم على كفوفه أربعتهم

وخليه دايما بمكان دافي وبتخف ان شاءالله

وعشان منطقه التبرز ملتهبــه ,, اظن هو قـالك تحطين من الزيت عشان يلينهاا ,, بس مادري مو مقعتنه

ماره علي هالحاله ويا إيما وهو صغــير

سمعي ,, خذي مرهم فيوسيدرم الأخضر من الصيدليه وحطيله مرتيين ,, وداومي لين مايخف

خمس ايام تقريبا وبيروح الورم

صحيح صعبه تحطين لهم شي بهالمنطقه بس ماعليش

حجمه صغيرون تقدرين تتحكمين فيـه

امسكي الجلد الي برقبته من ورا بيـد

واليد الثــانيه حطي له

او اذا ماقدرتي خلي أحد يمسكه بنفس الطريقه وانتي حطي له

وبالتوفيق والله يحفـــظه لج

[قطـوهـ]

اهو لما قال لي احط له زيت الخروع بالمنطقه قصده يعني اسوي له ابره شرجيه فيه بس ماقدر اسوي له لانه منتفخه و يتوجع و لحد الان ما عطيته لا فيفادول و لا تمبرا
بس من المغرب شربته زيت الخروع و اشربه زيت زيتون و عطيته البيتاموكس بس للأن ما تبرز و الدكتور يقول لازم يتبرز اذا ما تبرز خلال 3 ايام يمكن لا سمح الله يموت

و ماعطيته اكل بس سوائل حليب و ماي هو يبي ياكل بس ماخليته بينحشر بطنه كذا

بسالكم مافي طريقه ثانيه عشان اخليه يتبرز غير الزيت
يعني اقدر اجيب له مسهل من الصيدليه و اعطيه ؟ مفعوله اسرع من الزيت

و بالنسبه للمرهم من وين اشتريه هذا من الصيدليه البيطريه ولا البشريه ؟و ياليت لو تكتبي لي اسم المرهم بالانجلش

[sisi_moon]

هلا اختي

شوفي هذي صوره صوره المرهم





واسمه زي مــاهو واضح بالصــوره

Fusiderm

من الصيدليه البشـــررريه


التمبرا والفيفادول أحسن لاتشترينهم

وأكليه تونه معلبه ,, مو الخاصه بالقطط ,, لا

الي لنــا ,, هذي معرووفه انها تسبب اسهال ودايما ننصح الهواه يبعدون عنها

بس في مثل حالتك قطوك محتــاج لها عشان تمششي بطنه

وزيت الزيتون وزيت الخرووع بعد حلووييين ,, انتي كم تعطينه منهم .. ؟

انا أشوف ملعقه صغييره تمااام لــه

واستمري على هالنظــام وان شاءالله خييير


وطمنينا عنه

[الخبيرة ناديا]

ياقلبي زيت الخروع اعطيه منه في فمه ثلاث قطرات فقط وراح يتبرز كله

وانتفاخ المنطقه طبيعي من كثر مايتعصر ولايطلع شي .

وراح ترجع طبيعيه من نفسها . لاكن استمري على البيتاموكس لانه جدا ممتاز

واهم شي الاكل يااختي ..نوعيله وكثريله من الكوسه المسلوقه مع الدجاج وامنعي عنه النشويات

[صقر شجاع]

مثل ما قالولك الاعضاء والبيتاموكس ممتاز وسوي كمادات لين تخفـ

تحياتي ..

[قطـوهـ]

ان شاء الله ع العصر بشتري له الكريم

و الله يا خبيرة نادي من البارح المغرب و انا اعطيه زيت زيتون و خروع يعني للأن عطيته زيت اكثر من 4 مل و لحد الان ما تبرز
ولكن اشم منه ريحه براز و ماشفت شي بالحمام تبعه و في ذيله اثر وصخ كأنه اسهاال بس مو شايفه وين عملها عشان اتاكد انه عملها

اذا ماتبرز اقدر اعطيه ملين للأطفال ؟

بالنسبه للتونه ماعندي
عندي مثل هذا



خلطته مع زيت زيتون و اكلته منه شوي