اشترك في نشرتنا البريدية ليصلك كل جديد

صمت الأمل · 15-03-2011, 05:44 PM

اقتباس:

ويا صمت الامل:-
انتي اظنك فقصتي من بيضه ماشاء الله تبارك الله...

ما تجهلين شيء في الدجاج بسم الله ماشاء الله...

واقسم بالله امس انفجعت شفت الصوص كانه عطشان وسويت مثل طريقه الزغاليل اخذت السرنجه وشربته مويه...

وشفت الصوص يسوي حركات غير طبيعيه حسيته اختنق ويغمض عيونه واخذ 5دقايق ثم رجع طبيعي والحمدلله...

اللهـ يسلمكـ من الشر ..

ايهـ فقست بيض 3 مرات ,, ومرتين منها ناجحهـ والحمدللهـ .. الثالثهـ اخطأت بكمية الرطوبهـ وفسد البيض .

وبصراحهـ كان نعمهـ انهـ فسد .. لأني انشغلت بظروف جدا صعبهـ في الأسبوع اللي المفروض يفقسو فيهـ .

اللهـ يعينكـ متأثر بتربية الحمام بقوهـ .. ههههـ ماشاء اللهـ عليكـ .

صوص الدجاج يأكل ويشرب لوحدهـ بدون أي تدخل ,, عكس البسابيس .

الدجاجهـ الأم تعلمهـ وش اللي ينأكل ووش اللي يبتعد عنهـ من الأخطار فقط !!

عشان كذا انتبهـ تجبرهـ على الأكل والشرب ,, لأن الحمدللهـ جات سليمهـ لما شربتهـ بالسرنجهـ .

حاليا اهتم بتغذيتهـ واستمتع بمراقبتهـ ,, لأنهـ بإذن اللهـ راح يكبر بشكل سريييع هاليومين .

أتوقع ان ريش جناحهـ حاليا طلع ,, صح ؟؟

امسكـ جناحهـ بخفيف وافردها .. وشوف طريقة ترتيب ريش جنحانهـ ..

اذا كانت الريشات مصفوفهـ بصف واحد ومرتب ,, مثل هالصورهـ :

فهو ديكـ بإذن اللهـ .

أما اذا الريش طبقتين وطبقهـ أطول من طبقهـ ,, مثل كذا :

فهو دجاجهـ .

هالطريقهـ تنفع في اليومين الأولى فقط !! بعدها ماتقدر تميزهم الا اذا صار عمرهم 3 شهور .

اي تحديثات عندكـ اتفضل اطرحها هنا .

بانتظاركـ .

الولدالكويس · 15-03-2011, 09:59 PM

الله لا يحرم اسئلتي من اجوبتك يا رب العالمين...

لكن الحرمه الي ماسكه الصوص يا الله ياطول اظافرهاااا()اظن الشياطين مبيته تحتهاكخخخخ....
الله لا يبلانا بس...

المهم خلنا نعود للموضوع الله يجزاك خير وانا حاليا حاط الصوص في البيت وكان ساكت ويوم شربته وعلمته كيف ياكل<<<بطرقتك حقت اصباعي ماشاء الله تبارك الله ونجحت والحمدلله...
وبعد ما اكلته قعد يصيح ودوبه سكت...

الله يجزاك خير....

واي اسئله تخطر لي ابا اسئلك باذن الله
...

صمت الأمل · 16-03-2011, 04:56 AM

هههههـ ..

فعلا اظافرها جدا جدا مخيفهـ اللهـ لايبلانا .

شكلها بتحفر التراب مع الدجاج بهالأظافر ..

انا أعجبتني الصورهـ لأنها جدا واضحهـ ودقيقهـ في التفاصيل .

حاولت أصور الدجاج قريب جدا مثل هالصورهـ ,, للأسف تطلع مشوشهـ .

وبالنسبهـ لصياحهـ ,, هو بيصيح لو ابتعدت عنهـ .. لأنهـ يعتقد انكـ امهـ .

حسافهـ لو كان عندكـ جوز حمام ثاني وحطيت تحتهم بيضهـ ثانيهـ كان فقسو سوا .. عشان يصير عمرهم واحد .

ماينفع تضيف بيضهـ الآن وتنتظر عليها 21 يوم ,, لأن اذا فقس الصوص الجديد في ذاكـ الوقت ..

اللي عندكـ بيكون كبير ان شاء اللهـ ,, وبينقر هالصغير الضعيف ويطردهـ منهـ ..

ومثل ماقلت لكـ ,, اذا عندكـ اي استفسار لاتتردد أبدا بطرحهـ .

بالتوفيق .

الولدالكويس · 17-03-2011, 01:02 AM

كخخخخخخخخخ...
اقسم بالله تعليق يموت ضحك...
تخيلي بالله شكلها وهي مع الدجاج قاق قاق قاق قاق بعدين تحفر وتدخل الصطل وتبيض...
كخخخخخ...
المهم:-
اني حطين بيضه ثانيه تحت جوز ثاني لكن للاسف فسدت...

والا يمديهم ذلحين فالينها مع بعض...

لكن قدر الله وماشاء فعل...

وابشركك جبت له خوي وربي فالينها:يوم رحت عند الحمام لقيت زغلول غريب عجيب واتوقع انه انثى...

اليف جدااا ماشاء الله تبارك الله واخذته وحطيته مع الصوص وصاورا اثنين...

والزغلول من يوم اقرب السرنجه من عنده يبغى ياكل يعني ماشاء الله ما تعبت معه لا يومين ولا شيء اسم الله عليه...

لكن مشكلته يدخل فمه بقوه في المويه بعدين يعطس وما يشرب زين والاكل الخبز المنقوع ما رضي ياكل...

مدري علامه..

عاد انتي ماشاء الله ما تقصرين...
,.)
الله يحقق لك آمالك...
ويعيك العافيه.......

صمت الأمل · 17-03-2011, 07:09 AM

آهـ يعني حاولت تفقس لهـ اخو ؟؟

ياللهـ مو مشكلهـ ,, خلي الصوص يصير صديقهـ الصدوق هالحمامهـ .

اللهـ يهنيكـ فيها .. وماشاء اللهـ مابهذلكـ مثل الزغلول السابق .

وبالنسبهـ لتغطيس راسهـ الشديد في الماء ,, الحل انكـ تضع صحن غير عميق .

يعني تجبرهـ مايدخل راسهـ كلهـ بداخل الماء ,, فقط يشرب بدون مايغرق !!

ومثل ماقلت لكـ اذا عندكـ كاميرا وثق هالصور والصداقهـ بينهم عشان ترجع لها مستقبلا .

لأني تندمت اني ماصورت البسباس اللي كان عندي وحالتهـ الصعبهـ جدا وشفائهـ والحمدللهـ .

بالتوفيق .

الولدالكويس · 17-03-2011, 09:28 AM

ماشاء الله تبارك الله ماشاء الله تبارك الله ماشاء الله تبارك الله

اتوقع ما خليتي شيء الا ربيتيه اسم الله عليك...

اتوفع بعدين تربين فيله بعدين زرافات بعد ديناصورات كخخخ بس تكفين لا تنسين ترسلي صورها على الالبوم كخخخخ...

المهم انه كان قصدي الزغلول هوه يغطس راسه في المويه...
مدري ويش مشكلته-والخبز المنقوع عيا ياكل منه ما ادري لماذا...

اما الصوص فهاذا ابني المطيع والله يلحق وراي لمسافات طويله ماشاء الله تبارك الله علي واسم الله عليه::\...فممكن تقولين ليش الزغلول ما ياكل الخبز المنقوص والمويه اذا جا يشرب يكون منفعل دخل راسه بقوه بعدين يعطس(ويقول الحمد للهكخخ) ماني داري ايش المشكله بالضبط...
...(تقبلي مروري

كخخ)...

صمت الأمل · 19-03-2011, 09:06 AM

ههههـ ..

اللهـ يجزاهم خير أهلي اللي سمحو لي بتجربة تربية أي طير أو حيوان ألقاهـ يتيم أو ضايع .

فقط الثعابين اللي كانت ممنوعهـ منعا باتا علي .

اقتباس:

...فممكن تقولين ليش الزغلول ما ياكل الخبز المنقوص والمويه اذا جا يشرب يكون منفعل دخل راسه بقوه بعدين يعطس(ويقول الحمد للهكخخ) ماني داري ايش المشكله بالضبط...

طبيعي جدا تصرف الزغلول في طريقة العطس اللي وصفتها ..

حتى الحمام البالغ يسوي مثل كذا اذا شرب كميهـ كبيرهـ من الماء .

وبالنسبهـ للخبز المنقوع ,, حاول معهـ كذا مرهـ ,, يمكن مايعجبهـ طعمهـ في البدايهـ لأنهـ ماتعود عليهـ .

وان شاء اللهـ تبشرنا بهـ انهـ كبر وسمن ,, ويبدأ في تعلم الطيران .

لكن انتبهـ يتحمس هالبسباس ويعلم صوصكـ الطيران بعد !! مانبي حوادث شنيعهـ .

بشرنا بأخبارهم معكـ كلما اتيحت الفرصهـ لكـ .

βǺĐ ŦỠ ЎỖЏ · 19-03-2011, 09:45 AM

مشاءالله حتى انا من قبل 5 ايام فقس عندي صوص على حمام مديني

الولد البطل · 19-03-2011, 06:48 PM

وعليكم السلام ورحمة الله وبركاتهـ

الحمدلله وماشاء الله والله يزيدك من الصوص والزغاليل اخوي

(الولد الكويس)

والحمد لله