بليييييييييز ساعدوني

[small_heart]

اكيد بياكل الفواكه والفستق والمكسرات وكل اشي

بس شو الاكل المفضل للتدريب

[nemo991]

الموززززززززززززززززززززززززززززززززززززز

[Anooos]

المشاركة الأصلية كتبت بواسطة small_heart

شكرا الك كتير


حبيب قلبي ما عملت الا الواجب

سؤال تاني شو نوع التطعيم الي لازم اطعمو اياه

أنتا روح عند البيطري وأحكيلوا طعملي هالقرد وهو بيعرف شو التطعيم المناسب لالووو

وكيف بقدر ادربه

التدريب يا طويل العمر سهل كثير وما بيحتاج تعب بس بدو صبر

هلا القرود حيوانات ذكية جدا

وبتعرف بالي بيصير قدامها وبتفهم

مثال / هلأ كيف بدك تعلمو يسلم عليك ؟؟

بتمسك ايدو وبتظل تردد كلمة سلم .. وأعطيه حبة فول سوداني كمكافئة

وتدريجيا هو حيفهم عليك

وهكذا بتم التدريب

انا اول مرة في حياتي اربي نسناس متل هيك

والقرد لانو صغير دائما متعلق فيا بفكرني أمه ههههههههه


هيك طبيعة القرود وهي صغيرة

أنتا الي عليك انك تسويه تحسسو بالحنان والعطف


ودايما بس احطو بالقفص بقعد ينادي زي الطفل الصغير وبدو يبكي

زي ما حكيتلك انتا حاول انو يتعود عليك ويعتبرك انتا سبب كل اشي

ودائما بعملها على حالو (بتبول )


كيف بقدر ادربو

بأمكانك تدربو انو ما يعمل الا بالحمام الله يكرمك أو بمكان مخصص

طيب يأنس كيف بقدر اعلمو انو يقضي حاجتو بالمكان الي بدي ياه؟؟

بجاوب عليك وبحكيلك هالكلام هاد الي بدي أحيلك ياه لازملو متابعة وطولة بال

كل ما يتبول أو يتغوط الله يكرمك بتحكيلو عييييب هوون لأ وبلهجة عصبية

وبتحكيلو عالمكان الي بدك ياه يتغوط او يتبول فيه

زي شغلة الاولاد الصغار كيف امياتهم بعلموهم يروحوا عالحمام الله يكرمك نفس الشغلة بالقرود



شكرا اخي كتير على ردك

له يا زلمة ما عملنا الا الواجب
تحياتي الك

عراسي والله ياكبير

[Anooos]

المشاركة الأصلية كتبت بواسطة small_heart

اكيد بياكل الفواكه والفستق والمكسرات وكل اشي

بس شو الاكل المفضل للتدريب
هلأ أحنا البشر في ناس بفضلوا مكافئاتهم تكون اكل وناس بحبو طلعة مثلا وناس بحبو فلوس وهكذا


الحيوانات نفس الكلام أنتا بطريقتك بتقدر تكتشف القرد شو بحب مكافئتو تكون ايش

أنا القرود الي ربيتهم في منهم بحب الفول السوداني وفي منهم بحب الحمص

وفي بنهم بحب البزر (الفصفص)







وحاجة تانية قبل ما أنسى

اذا حاب انو القرد الي عندك يتعود عاللبس يعني تلبسو بلوزة ولا اشي زي هيك

عودو من هلأ عشان لما يكبر ما حيرضى يلبس اشي

أنا بنظري يلبس بلوزة احلا واحسن وأنتا زي ما بدك الشور الك والقرد لألك



أه صح انتا شو سميتو ما حكيتلنا

وبما ان القرد كمان صغير شربو حليب يوميا مرتي غدا وعشا وعرضو للشمس عشان عضامو تقوى وما يمرض امراض عضام

وحاجة تانية حاول كل يوم ويوم تفسحو يعني تطلعو عحديقة شي يشم هوا ويلعب حولك

بس انتبه عليه

وبس هاد الي حبيت اوصلو وأي سؤال أنا بخدمة شواربك

تحياتي لألك

[Anooos]

الموز مو الاكل المفضل عند القرود انا القرود الي كانت عندي ما كانت تحب الموز كثير بعضها كان يحب التفاح اكثر من الموز وبعضها كان يحب الكرز اكثر من التفاح وبعضها كان يحب الموز اكثر من هدول كلهم

يعني هيي على حسب مزاج القرد

[small_heart]

شكرا الكم جميعا أفدتوني كتير كتير

صار معي موقف اليوم اول مرة اكتشفو

صحيت الصبح لقيت تم النسناس منفوخ ووارم ولونو احمر احمر

المهم انزعجت وخفت وحالتي صارت حالة
رحت عند البيطري لهو صار يضحك عليا وحكالي هادة كلو اكل وهو بكون مخبيه للزنقة لول
طلع كل الاكل من تمو واعطى تطعيم ..

ضايل التدريب الله يعيني على التدريب

شكرا اكم كتير يا جماعة ما قصرتوا والله

[Anooos]

هههههههههههههههههه

مقلب حلو

أهلا وسهلا وما سوينا الا الواجب

[Octopus]

افادك الاخ انووس ولكن صورة القرد ما ظهرت يفضل ان تحمل الصور عبر هذا الرابط
http://www.2zoo.org/