مزرعة انتاج طيور ناطقة

[ماجد علي]

الله يوفقك وزي ما قالوا الأخوان أحسب حساب الجو قد لايكون مثل جو الببغاء المراد أنتاجه في بلده الأصل.

[DEKTATOR]

المشاركة الأصلية كتبت بواسطة الفيصل9999

اخوى ديكتاتور الله يوفقك هذا اولا
صراحه مشروع انا مؤيد لك بقوه لعده اسباب وهو انك توفر لنا الببغاوات وبسعر معقول شوى مو زي الحين الواحد عشان يشترى ببغاء يكلفه راتب شهر كامل ....

تقبل مرورى
اخوك ابو اسامه

هلا اخوي الفيصل الله يجزاك خير على الدعوة
و ابشر بسعر التكلفة ان شاء الله من الأنتاج

المشاركة الأصلية كتبت بواسطة SLOM-7

انا مؤيد لكك

صراحة تجارة مربحة بس اياك والطمع لو تطمع ستخسر ما بنيت

وانا ان شاء الله اذا فتحت المزرعه اول واححد يشتري منكك

وبالتوفيق

هلا اخوي سلوم مشكور على الدعم ابشر بسعر التكلفة من الانتاج

المشاركة الأصلية كتبت بواسطة وحيد مكة

أستخير وتوكل على الله
ونعين ونعاون

هلا اخوي وحيد مكة ما تقصر كثر الله خيرك
ما أستغني عنكم

المشاركة الأصلية كتبت بواسطة بلاك بيري

الأستثمار وين راح يكون موقعه هل هو بالرياض ام خارجها وكم حسبتك للتكاليف ؟

هلا اخوي بالاك بيري
الاستثمار راح يكون يا حول الرياض يا بالقصيم
و بالنسبة للتكاليف ما أتخذت قرار اذا جزمت ان شاء الله
راح اسوي دراسة جدوى

الله يعطيكم العافية على الدعم

[DEKTATOR]

المشاركة الأصلية كتبت بواسطة enver

والله تجارة مربحة 100% إن شاء الله و انا مثلك ناوي على مزرعة يتكون من 4 او 5 ازواج بس اكثر شئ لاني اعشق هذه الطيور و انصحك تأخذ ازواج المرغوبة والنادرة مثل الامازون الدبل يلو هيد من النوع الماغنا ان اوجد و امازون اليلوناب و زوج الكاسكو و المكاو والخ وموفق مقدما حبيبي

هلا اخوي enver مشكور على النصيحة و انا مثلك اعشق الببغاء و فكرت اني اشتغل فيها
و الله يوفقك ونشوف انتاج مزرعتك

المشاركة الأصلية كتبت بواسطة بكاتشو

اخوي الله يوفقك
لكن أنا سمعت عن انتاج الكاسكو لكن غيره ما سمعت في الرياض على الاقل والممل في الموضوع كامل هو تأقلم الزوج مع بعض ومع المكان اذا تحقق هذا سوف يكون المشروع مربح بإذن الله
ولا تنسى دراسه درجه الحرارة ونسبة الرطوبة وظبطها
الله يوفقك ان شاء الله
ترا إحنا ما نقل عن الغرب في شي ما عدا العزيمه والإيمان بالفكرة ونجاحها حتى لو بعد زمن

هلا اخوي بكاتشو الله يجزاك خير على الدعوة
و الدعم و بنسبة لأنواع الطيور الثانية انا قريت ان تم انتاج الكوكاتو و الامزوني و المكاو

المشاركة الأصلية كتبت بواسطة تشآرلي

السلام عليكم

احوي ماانصحك بسبب الجو في المملكه مايساعد .. خاصه الرياض بردها برد وحرها حر

يعني يبي لك مكان مغلق وتتحكم بالبروده المحدده والرطوبه وهذا بيكلف اجهزه وكهرباء

فكرت فيها من قبل

وثاني شي .. اتوقع والله اعلم

المزارع الخارجيه تستخدم التلقيح الصناعي وهذا جدا سريع الانتاج

نحن هنا مانقدر نملك هذي التقنيه

هذا مجرد رائي ,,

هلا اخوي تشارلي اذا بتسوي اي مشروع راح يكون فيه تكلفة و فية مخاطرة
ما فيه مشروع ما يكلف و لا أمن
و بالعكس اشوف هذا المشروع هو الاقل تكلفة و الاقل مخاطرة بين المشاريع
الصغير المتاحة و الله يجزاك خير على النصيحة

المشاركة الأصلية كتبت بواسطة عاشق دبل هد

مشروع حلو جدا والاجواء مناسبة يمكن التحكم فيها بالمعدات المتطوره وتهيأةالجو المناسب اهم شيء دراسة جدول للمشروع وتوفر الموقع مهم 100% يكون كمحية وراح تجد الدعم واهل الانتاج من اهل الخبرة عندنا في الخليج كامل والله يوفقك لكن مافية شيء سهل يبلة تعب واهتمام ومتابعه وشبة تفرغ بداية الاف ميل بخطوة

هلا اخوي عاشق دبل هد
الله يجزاك خير على الدعوة و النصيحة و بيض الله وجهك

[DEKTATOR]

المشاركة الأصلية كتبت بواسطة al_ameer707

والله انا من وجهة نظري انه مكلف جدا وراح تجمد راس مال كبير اذا ماراح تخسره بتسئلني ليه باقول لك اولا يجب توافر الاساسيات 1 - المكان 2- جلب الازواج المنتجه 3- وجود اكثر من عامل 4- وجود التقنيات اللازمه وقلة الخبره في البلد له دور 5- توافر عمال من اطباء ومهتمين بالطيور وهذا نادر ومكلف 6- طول الوقت لانتاج الطيور والصبر7-وامكانيه الانتاج وامكانيه موت الطيور والكثير الكثير وفي النهاية تجي تحسبها انه مصدرك الوحيد راح تكلف عليك كثيير وانت داخل بزنسس مو داخل هواية في الاخير يمكن تجد نفسك خسرت كل استثمارك بسبب انك ماتقدر توفي بإلتزامات
المشروع بالاساس لو كان ثانوي باقول لك زياده الخير خيرين ممكن تغامر ام انه اساسي ومصدر رزقك مااانصحك ابدااااااااااا من خلال تجربتي العمليه و تفكيرك بانتاج وسريع وربح مادي سررريع انسى موضوعها وبالذات في الطيور واسئل اهل الخبره

هلا اخوي الامير
مشكور على النصيحة الله يجزاك خير
اي مشروع را يكلف و يحتاج لمكان و فية مخاطرة
و اكيد راح تحتاج لاهل الخبرة لكن صدقني كنت زيك كل ما فكرت بمشروع
افكر بالمخاطر و التعب و الوقت بالأخير عديت كم فرصة كانت مربحة بوقتها
و حدة منها كانت مؤسسة توصيل طلاب و طالبات قبل 7 سنوات لكن فكرت
بالمخاطر و اذا صار حادث على احد السواقين و صار معه اصابات وهذي ارواح ناس بعدين نسيت الموضوع
إلي صار بعدها كثير من الي اعرفهم يتشكون من غلاء لسواقين و لا فية بدائل و بعدين كثرت
شركات التوصيل بشكل كبير
و بعدها عرض علي صديق نفتح مطعم و كان له ستايل خاص
نفس الشي فكرت بالمخاطر و انه صعبة نكون نراقب المطعم بكل وقت و ممكن يحصل تسمم
و المطعم الان ماشاء الله شغال و مربح فوق ما كنا نطمح
عارف اني طولت و اختصار الفائدة كل مشروع فيه مخاطره لكن كيف نتجاوز المخاطر
ولا تعيقنا و لا نوقف عندها

المشاركة الأصلية كتبت بواسطة ماجد علي

الله يوفقك وزي ما قالوا الأخوان أحسب حساب الجو قد لايكون مثل جو الببغاء المراد أنتاجه في بلده الأصل.

الله يجزاك خير

[مـحـمـاس الـمـنـحـاس]

اخي الكريم

الرجاء وضع السؤال في مكانه المناسب

(قسم سؤال وجواب وضع لخدمتكم)

[سنودي]

مثل ماقال لك اخوي تشارلي
اجواء الرياض لاتنفع لانتاج عصافير فما بالك بالببغاء
تعوذ من الشيطان ورب لك طير وريح مخك
تحياتي ..

[الطائرر]

اول شيء أستخير بالله
المشروع في رائي ناجح بنسبة 90٪ و الله اعلم
1-على حسب نسبة الطلب على الببغاء ونوعه وسعره يعني مستحيل تسوي المشروع في مكان ما يهتمون بالببغاء مثلي
عايش في بيئة ما تهتم بالببغاء كلمت واحد في موضوع قالي انت مجنون تدفع في طير 1500 والله ما اشتري لو ب100

الحل سوي جولة على الاماكن وحسب المهتمين في الطيور

2- البداية أبدء على حسب امكانيتك مثلا تسوي المزرعة وتجيب زوج او زوجين كاسكو زوج كوكاتو زوج مكاو زوج امزوني
وزي كذا و اذا انتجت زيد على حسب الإمكانية

3- المزرعة لازم تكون مغلقة لتحكم بدرجة الحرارة والرطوبة الإنارة

4- الدكاترة ممكن تجيب واحد يشتغل عندك او تتفق مع مستشفى بيطرية
5- مختصين الانتاج في ناس في المنتدى ممكن يساعدوك او مزارع في الخارج

اذا سارت الامور تمام ممكن تفتح محل او تبيع لمحلات طيور

[O.habeeb]

اخوي اول شي استخير
ثانيا لو عندك راس مال يجيب عمال واجهزة ودكاتره والطيور المرادة توكل على الله بس تاكد من الاجواء

[عاشقه الحيـوانات]

اولا شي مثل ما قالو بعض الاعضاء اياك وطمع راح تخسر
اذا تفكر كذا حط ببالك يبالك راس مال واذا بتفتح محل المحل لحاله راس مال والمزرعه والبيطره يعني لو تبي تبدي ابدا بشي راس المال زين عشان تقدر تبدأ بالكبير وموشرط انك طيور بمزرعه اذا عندك بالمنزل غرفه فاضيه فضها ورتبها وخلها غرفه خاصه للطيور مولازم مزرعه ولا شي والبيطره قلت لك ابدا بشي بسيط لتقدر للاعلى يتبع ..

[عاشقه الحيـوانات]

عن نفسي لو تبي تبدا ابدا بالفيشر او الروز وابدا فرخهم وبيع الفروخ لين ما يصير مبلغ مالي اشتر بيضه كاسكو ولين ما تنقفص البيضه اعتني بالفرخ لين مايصير عمره 3 شهور طبعا كل ما علمته الكلام يكون سعره اغلى بس اياك وطمع راح تخسر
وهيك تبيعه وتشتري بيضتين وهيك لما تكبر تجاره بس بمزرعه انا عندي المزرعه متعبه اذا منزل في غرفه كبيره او متوسطه تفضيها وتخلي الجو معتدل ... اسفه خبصت شوي بس هذا ببالي ^_^