انا جديدة واعترف اني مجرمة في حقة

[lll_o]

لا سلسله ولا شي

حطيه بقفص كبير

و يكون فيه ستاند من فوق متى ما حسيتي الببغاء بدا يطفش او انه واقف عند باب القفص يبغا يطلع

فكي الباب بس ما يبغالها الشغله

و وقت ما تبغي تدخليه طلعيه على يدك و جيبيه عند باب القفص و هو بيدخل

اذا ما دخل

حطي يدك فوق الفتحه حقت الباب و اليد الي عليها اللببغاء قدام الباب و هو راح يدخل

[في خاطري شي]

هههههههههههههه

لي عوده قريبا لموضوعك

[ريـــم]

جيبي له اسلاك من ابو ريالين وخليه يمخمخ عليها

[faisalqatar]

هههههههههههههههههههه

الله يهديج ليش قصيتي ذيله المسكين

عاد الحين الله يعينج يبي له مدة طويلة على ما يطيح ريش الذيل ويطلع له من يديد

وبالنسبة للجناح عادي مب مشكله

والكوكاتو بشكل عام طير ملقوف ويحب يخرب

نفس الحركات صارت معاي قبل سنة تقريبا لما كان عندي كوكاتو كان ياكل الوايرات و يخرب بيبان البيت

يعني حالة هههههههههههه

بس مثل ما قالوا الاخوان حطيه في الليل داخل القفص ولما اتطلعينه خليه قدام عينج

[babysoul]

اخ شاهين يسلمو على الرابط
فهمت فكرة الالعاب
وشكرا على مرور الاخوة ونصايحهم
بس احاتي ذيله مادري كم وقت يبيله عشان يطلع
ماحد قاللي كيف اعرف عمرة؟؟؟؟؟؟؟؟؟؟

[كوالا]

حرام عليكي ليه هجمتي عليه وقصقصتيه

ترا هذا كائن حي ورح تحاسبي عليه يوم القيامه

المهم

الجناح مارح يطول اذا انقص من النص لازم ينتف من الجذور عشان يطول مره ثانيه

وعمر الكوكاتو ينعرف من رجله اذا كانت سوده يعني فرخ واذا فيها بياض وقشور يعني كبير

انتبهي على طيرك وعامليه معامله حسنه ولاتنسي المرأه الي دخلت النار بسبب قطه

[ابو محمــد]

الكوكاتو اللي ما يعرفة يقول عنة مزعج وهو صحيح مزعج لكن اذا لعبتي معة وطلعتيه ع استاند راح يخف من الازعاج وعموما الذيل راح يتأخر شوي ع ما يطلع ولا ودي اقول انتفية اخاف تعذبينة>>>سفاحة خخخ،،
اذا ما عليك أمر ممكن صوره الطير عشان نحدد لك العمر.

[بندولة حب]

وربي عورني قلبي من كلامك

الطير مثل االطفل يأثر فيه اي شي

والطير متعلق فيك مثل اولادك

يعني عديه واحد من اولادك

ابتدي من اليوم صفحه جديده معاه

دلعيه مثل اولادك ولاتضحكي على كلمك

لأنه يحس ويميز صاحبه

والخراب اللي يسويه عادي

اجل لوتشوفي اللي عندي

وربي خراب ودمار ماتتصورينه

ماخلو شي الا يصمو عليهم بمناقيرهم

وانتي وفري العاب بس مو العاب اولادك عشان مايكرههوه

حبال العاب اي شي قاسي عطيه خليه يفضي طاقته باالتخريب

ولاعاد تعاقبيه ولاترفعي صوتك عليه لأنه بيتأثر وينتف ريشه

وتدرين يااختي الطير جميل جدا وكثير من الناس يتمنون يكون عندهم مثله

فا احمدي ربك على هاالنعمه

او بيعيه
وموفقه

ولاعاد اسمع منك انك سويتي فيه شي

ترا باخذه منك خخخخخ

[ProOoF]

المشاركة الأصلية كتبت بواسطة ريـــم

جيبي له اسلاك من ابو ريالين وخليه يمخمخ عليها

^
^
ياعيني

بالنسبه للجالا هذا طبعه وشيء عادي جدا ً , متى ماحصل لعب أو أهتمام يقوم يقطع ويكسر

والأفضل أشتري له ألعاب جاهزه مثل ماتفضلوا الأخوان

وبالنسبه لريش الذيل كلها شهر وبتشوفينه بدأ , أما الجناح الله يعينك لين يغير او تنتفينه << لاتنتفينه بيتألم

أما العمر فهذي بيانات الإنتاج العمر تحصليه مسجل بالعرض كـ مثال : 08 , 09 << وتعني 2008 أو 2009 ,, هذا إذا كان مسجل .

0000000000000000

وبالتوفيق ,

[naasooh]

أكثر البغبغاوات ألي ينتف ريشه لما يتأثر نفسيا
الكوكاتو
رايي لك إذا إنتي تحسين إنك متضايقه من الطير أو أنشغلتي عنه أو....
فبيعيه أفضل لك وله


أما إن كاان الطير عزيز عليك وماا تقدرين تستغني عنه
فخلي بالك أكثر أطيور ألي شفتها تنتف الريش هالطير
و مستقبلا
خلي ألعاب بالقفص تلهيه شوي والمواضيع مليانه بالمنتدى بشلون تصنعين ألعاب للطير
و عودي أطير بأنه مااهو دايما يطلع من القفص
و علقي له بالقفص عظمة الحبار(ظهر خثاق) يسرع بنموو الريش
وبالتوفيق