تدريب الكاسكو خلال اسبوع فقط

[سمساار]

المشاركة الأصلية كتبت بواسطة Destr0_0y

مشكوووووووووووور والله على راسي تسلم يالغالي بس عندي استفسار بسيط وقت التعليم يفضل يكون بالقفص ولا على الاستاند ولا على ايدي؟؟

حياك الله
مافي فرق اذا تلاحظ انه مايشد انتباه وهو على اليد رجعه على الاستاند او القفص اهم شيء في هذي المرحله انتباه الطير



انا دائما بالخدمه

[سمساار]

المشاركة الأصلية كتبت بواسطة Destr0_0y

حقك علي مو قصدي اني أتعداك حشا واكرر أسفي اخوي سمسار

حياك الله اخوي حصل خير وهذا كان مجرد لفت نظر
والله اكرم من عباده





وانا دائما بالخدمه

[سمساار]

المشاركة الأصلية كتبت بواسطة محترف فاشل

يبا انت قلبتها سالفه ترا مو قصدي قاعد أتغشمر وانا أسف بو فهد ماعتقد انه زعل ..!!

اخي العزيز الغشمر له حدود ومو كل واحد يتقبل تتغشمر معاه وهذا مكان الغشمر ماله وجود فيه روح شوفلك مكان الاعضاء الي في تتحمل غشمرتك وسخريتك عليها اما في هذا المكان الكل بيحترم الثاني ويعمل له الف حساب ونصيحه ياخوي اخذها مني هديه تره الدنيى دواره وكما تدين تدان
واحنه ليلحين ماسمعن رد بوفهد فارجوك لا تتكلم بلسانه وتقول ماعتقد انه زعل
حط نفسك مكانه وحكم بالحق



لا حول ولا قوة الى بالله العلى العضيم

[سمساار]

المشاركة الأصلية كتبت بواسطة ..كلمات..

يزاك الله خير عالنصايح،،


بالنسبه لطيري امسح عليه عادي بس مجرد احط ايدي تحت بطنه واحاول ارفعه يشرد

وإذا احاول ارفعه بالحيل يتم ماسك بمنقاره الحديد عشان ما ارفعه


بالنسبه للأكل بعد ياكل من ايدي



بالنسبه للستاند كان يوقف عليه بس صار عقب كل ما احطه عالستاند يطير ولما نمسكه نبا نحطه عالستاند أو داخل القفص يصارخ ويعض وبعدها صار يخاف،، امي قررت انه محد يطلعه من القفص


عيونه مثل ما قلت لك رمادي غامج متى يبدأ يتعلم الكلام ؟؟

مع العلم انه باجر بيكمل اسبوع عندي

واشكرك ع طولت بالك علينا

حياك الله
اخوي العزيز
مدام الولده قررت اسمحلي ما اقدر اكسر قرارها
طيرك خله بالقفص وانتقل للمرحله الثانيه وهي تعليم الطير الكلام
اتمنى انك تزور مشاركاتي السابقه وتطبقها على طيرك
وفي حالة اي استفسار مستقبلا تلقاني عندك


انا دائما بالخدمه

[سمساار]

المشاركة الأصلية كتبت بواسطة lll_o

شباب والله حبيتكم و دخلتو قلبي

فلا تشيلو على بعض و تزعلو خذوها بروح حلوه و الاخ سمسار ماشاء الله اخ فاهم و يستحق يكون مرجع لكل الهواه الجدد

و بأذن الله راح تكون له مكانه في قلوب الاعضاء

و ككم على العين و الراص

تسلملي عينك وراسك
الله يعلم اشكثر معزة اخواني الاعضاء بقلبي وعمري ماشلت على احد ابد ولا زعلت من اخواني
ودايمن روحي حلوه مع الكل صغير وكبير لا عمري قللت من قدر الناس ودايما احب اعامل الناس بمثل ما احبهم يعاملوني والشايب رباني على اني ما اظلم الناس عشان الناس لاتظلمني وقالي دوم اوقف مع الحق وعشان الحق مايفارقك وسامح وخلك كريم لان الله كريم على عباده وسامح
وختم كلامي بالشكر لكل من شاف الحق بعينه ونصفه

[سمساار]

المشاركة الأصلية كتبت بواسطة o9Liii

السلام عليكم ورحمة الله وبركاته

يعطيك الف عافيه اخوي سمسار

-عمر الكاسكو (لون العيون)؟
بصراحه ما ادري توي شريته امس لكن هذي صورته




2-الكاسكو أليف ولا لاء؟
لا لكن حطيته فوق القفص ومرتاح لكن اذا قرب اي احد منه يجعر ولما اعطيه حب ياخذ من يدي ويرميه في الأرض وهو قاعد يزعق حاولت المسه وعض اصبعي السبابه

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
ان شاء الله عندي

5-انت اتخاف من الكاسكو يعضك؟
يعني مو مره بعد ما طلع الدم من اصبعي

6- حاط الكاسكو داخل قفص ولا على استاند؟
فوق القفص ( اليوم حطيته فوق القفص)

الله يعطيك العافية ومشكور مقدماً اخوي سمسار ,,

حياك الله
هذا الطير قيني وعمره فوق السنه وباين عليك شاد حيلك ومستعجل على تدريبه
ماشاءالله عليك اول شيء ابيك ترفع القفص اذا مافي امكانيه للاستاند
رفعة القفص تكون تقريبا اذا كان الطير فوق القفص يكون مستواه قريب من صدرك يعني
على نفس مستوى ارتفاع الاستاند
وبعدها تعمل بحث بصفحات موضوعي وراح تلقى طريقة التدريب اقراها وطبقها على طيرك
وفي حال اي استفسار مستقبلا تلقاني جمبك


انا دائما بالخدمه

[سمساار]

المشاركة الأصلية كتبت بواسطة MN9

-عمر الكاسكو (لون العيون)؟
انا شاريه قبل امس وكلام راعي المحل ان عمره ١١ شهر
والى الان ماتغير ريشه

2-الكاسكو أليف ولا لاء؟
بصراحه راعي المحل كان يمسحله على راسه وعلى جناحه
عادي
بس معي فالبيت مو راضي

3-جناح الكاسكو كامل ولا مقصوص؟
مقصوص

4-عندك طولة بال على الكاسكو؟
عندي ان شاء الله

5-انت اتخاف من الكاسكو يعضك؟
قبل لا اخذه من المحل ماكنت خايف منه لان انا كنت احط اصباعي داخل فمه
يقفل عليه بس من غير عظ لكن فالبيت صار هو يحاول يعظ

6- حاط الكاسكو داخل قفص ولا على استاند؟
ايه داخل قفص وبعد ماقريت هالموضوع صرت بعض الاحيان افك سقف القفص
بس المشكله الاحظ ان الطير يحاول يطير ولا يقدر
-------------------
واللي لاحظته اول يوم كان سااااااااااااااااااااااااكت وبمكانه
لكن ثاني يوم يصفر باكثر من طريقه ويدور بالقفص
وللمعلوميه انا حاطه داخل البيت بالممر يعني اكثر منطقه فيها حركه

حياك الله
طيرك هذا ماشاءالله عليه حركي وتاقلم عالبيت بسرعه هذي مواصفات الطير الذكي
اخوي ابيك تسوي بحث بصفحات موضوعي الي امشارك انا فيها وتقرأ طريقة التدريب
وتطبقها على طيرك واذا في اي استفسار مستقبلا تلقاني جمبك


انا دائما بالخدمه

[kookez]

بالله اخوي سمسار ياريت تساعدني دورت كل مواضيعك مالقت شي ريح بالي

1-عمر الكاسكو (لون العيون)؟
ابيض

الكاسكو أليف ولا لاء؟
لا
3-جناح الكاسكو كامل ولا مقصوص؟
كامل واذا تبغاني اوديه اقصه مافي مانع
4-عندك طولة بال على الكاسكو؟
ايوا
5-انت اتخاف من الكاسكو يعضك؟
لا
6- حاط الكاسكو داخل قفص ولا على استاند؟
القفص


ابغى اعرف كيف يطلع من القفص كيف اطلعو من القفص هل احطه بمنشفه واطلعو فوق الاستاند ولا افتح القفص واخليه يطلع

[أبوفـهـد]

السلام عليكم ورحمة الله وبركاته :

الأستاذ سمسار
والأخ محترف
أعتذر لأنني كنت سبباً في نشوء مشكلة بينكما
والحق يقال : أن هذا الموضوع بمثابة صرح تعليمي
قد تمتد جذوره إلى أكثر من تدريب الطيور ، ويجب متابعة ردود
الأعضاء لكي نعلم مدى الفائدة التي حققها هذا الموضوع
وبالنظر إلى بداية كتابة الموضوع فهو في 09-07-2009
وتاريخ اليوم 19-7-2009 خلال عشرة أيام يوجد بهذا الموضوع
سبعة عشر صفحة و 168 رد فكثير من الأعضاء يشكر الأستاذ سمسار
لأنه ساعد في التقريب بينه وبين طائره بأفكار علميّه راقية (أعتبرها جهنّمية)
تنم عن شخص متعلم وفاهم لهذه الجوانب ، وانا بالتأكيد أقف بصف استاذي سمسار
ليس لشيء ولكن لأنه قد أفادني وأفاد الكثير ..
وبالنسبة لزيت الزيتون فأنا لم آتي بشيء من عندي فهذه
مواضيع في هذا المنتدى والأخ محترف قد قصد المزح فلا حرج ولكن
يجب مراعاة المكان والموضوع واحترام مواضيع الآخرين خاصة التعليمية
المفيدة وكذلك بالنسبة لمن يجيبون على اسئلة الأعضاء ، فهناك معلّم
متواجد جزاه الله خيراً وقد تكلف بالإجابة على الأسئلة .

=-=-=-=

الشكر الجزيل لك استاذي سمسااار ، وبالنسبة لطيري فقد ذهبت
به اليوم لطبيب بيطري وقال ان معه (سامونيا) وأعطاه ابره وأعطاني
علاجين على شكل بودره توضع بالماء واحد لدود البطن والثاني لتساقط الريش
سوف أستمتع بردودك استاذي على الأعضاء ريثما يتماثل طيري للشفاء سأعود
لكي أكمل معك طريقة التدريب
وأعتذر عن ما تسببت به من إزعاج وعن الإطالة ، وشكراً لك ولسعة صدرك

مع فائق التحية لمعلمي .

[سمساار]

السلام عليكم
اخي وقرة عيني ابوفهد
وقف العقل وانخرس اللسان ولا اجد شيء ارد به على كتابتك اعبر به عن مدى احراجي منك
غير اني اقول لك مشكور وهذا يدل على حلمك وكرمك وسعة صدرك على اخوانك الاعضاء



واما الطير فالله يشفيه وبنتظار رجوعة بالسلامه لنا بمركز تدريب الطيور الناطقة






انا دائما بالخدمه