ببغاء درة

[al.emprator]

السلام عليكم أخواني

انا شريت ببغاء درة بس لسه صغير حتى ميبن هل هو ذكر او انثى تقريبا عمره من 3 الى 5 شهور

وابي اولفه علي ع فكرة هو عضاض جدا جدا جدا وكل مااقرب منه يبتعد عني وماهو راض يتولف كل مااقرب منه يبتعد ويحاول يطير لدخلت يدي بالقفص يخاف ويشرد مني ارجو منكم اخواني تشوفولي حل معه وكيف اولفه اخليه يطلع على يدي و اخليه ياكل من يدي .
وكل ماامسكه بالقوة بعدين اتركه يجلس يرتجف علموني وش الحل معه !!؟

الحمدلله اليوم خليته يطلع على يدي بس بقفاز بس برضه يعض القفاز قبل لا يطلع .

واليوم ايضا جالس ينتف ريشه

ارجوكم شوفولي حل معه

[الفنانن]

يا الغالي بارك الله فيك لا تجبر الطير ولا تجيه بالقوه اول شي سيبة عندك بالبيت 15 يوم الى 30 يوم في البدايه لين يالفك ويتعود عليك وبعدين ابدا بتدريبة استخدم عصا صغيره ولا عبه بعد شهر وكذا وخلك صبور وانسا موضوع القفاز لانه ما يتحمل لانه ماهو كاسكو افريقي بنيته ما تتحمل العنف وياه بشويش وياه وخليك صبور وطول بالك عليه اتمنى اكون افدتك والله المستعان

[al.emprator]

اخوي الغالي اشكرك على افادتي هذا اولا

ثانيا / انا اعتقد اني صبور عليه اكثر من اللازم اخرجه اربع وعشرين ساعة يتمشى بالبيت وفي كل محل حاطله اكل له ومريحه اخر راحه بس القفاز خفيف جدا لدرجة انه يعض القفاز انا اتألم جدا بس اسوي اني ماتألمت وكذا الليل كله الين تعود على القفاز بس يخاف من اليد جدا صليت الفجر وجلست عنده اقرب له يدي عذ في يدي حتى دمت ولا شلت يدي بعدين بدى يعض ويطلع على ايدي شوي شوي الين ماخليته يطلع على ايدي وذحين يطلع ومايخاف زي اول حمدلله وامسح على راسه بيدي ومايخاف كتير .
بس عضه قوي جدا لو سمحتم ابي طريقة اخليه يتركه ؟