ببغائي الاليف صار يعض ماهو الحل

[صمتي حكايه]

السلام عليكم ورحمة الله

عندي ببغاء كاسكو عمره اكبر من سنتين وهو أليف جداً
عندي من ثلاث أسابيع مايجعر ولا يعض ابد
لكن مايبي القفص ابد
لكن انا صرت ادخله لان بعض الاهل يخافون منه وصرت اطلعه باليوم ثلاث مرات
اخليه برا من ساعتين الى ثلاث وادخله بعدين احسبه كذا ساعه واطلعه مره ثانيه

الحين من يومين صار يجعر او يصرخ ويعض القفص وعض يد اخوي وحرجها
وعض اختي ويعض الوسائد اللي بالغرفه بقوه لكن معاي أليف
اليوم جيت ادخله القفص يرفض ويبعد جلس أحك راسه واشيله ع يدي واجي ادخله
يطلع ع كتفي ويطير ودخلته غصب وعضني بقوه واذا جيت ابدل المويه ينزل يبي يعضني
ويضرب القفص


عطوني حل أعتقد إن صاحبه الاول مايحسبه ابد
لكني مجبره ع حبسه بعض الوقت لان البعض يخافون منه
حتى لو طلعته وجلست عنده مايبي الهدوء اذا سمع سوالفنا يصفر لنا
اجيبه بالقفص يبي يطلع ،،الحين اذا فتحت القفص من فوق وحطيت المجثم
يسحب الباب لين تطيح الخشبه ويسكر الباب ويجلس يلعب
واذا فتحت الباب العلوي يروح يسكره ويقول لالا


ذا أول ببغاء اقتنيه وأول ببغاء يدخل بيتنا
برنامج الغذاء حقه (حب شمسي /حبوب بلجيكيه)
كل اسبوع اعطيه ارز مسلوق او ذرة طازجه او بيض وبقسماط
وتفاح وبرتقال طازج وفواكه مجففه وتمر

لكنه يحب ياكل معنا كل شي ويشرب شاهي وقهوه
ياكل بسكويت ومكرونه وشوكولاته متعود ع الاكل هذا
مدري اخليه ياكل او لا ،، افيدوني جزاكم الله خير

اعتذر عن الاطاله ، تحياتي لكم

[s0zi]

اختي
جيبي استاند للطير افضل دام مايحب القفص
وجيبي العاب بالقفص ومرايه يطقطق عليها..

[s0zi]

المشاركة الأصلية كتبت بواسطة s0zi

اختي
جيبي استاند للطير افضل دام مايحب القفص
وجيبي العاب بالقفص ومرايه يطقطق عليها..

لاتخليه ياكل شوكليت
هنيالك الطير الكل يتمنى ماذكرتي بارك الله لكي فيه
وان شالله يحبوه اهلك ومع الوقت يتوالفون معاه

دمتي بود

[الكلاسيكي]

مرحبا

الطير الان في فترة تعارف وفرض مايحب ف تعامل معه بسلاسه وبالتدريج اذا مايحب يدخل حاول تأخر وجبته شوي قبل لاتطلعه عشان اذا جيت ترجعه يكون جوعان ويدخل بسرعة ..

والطريقه الثانيه وانا افضلها بدال انك تدخل الطير القفص طلعه الى غرفة ثانيه احسن ..

الطريقة الثالثه انك تبدل القفص ب ستاند مثل ماذكر لك الاخ فوق وتقص اجنحته عشان يهداء شوي ولا يطير على احد ..

وبالتوفيق وتقبل مروري

اخوك ابومحمد

[صمتي حكايه]

المشاركة الأصلية كتبت بواسطة s0zi

اختي
جيبي استاند للطير افضل دام مايحب القفص
وجيبي العاب بالقفص ومرايه يطقطق عليها..

عنده لعبتين بالقفص بس مايلعب فيها يخاف منها
مااقدر احطه ع استاند لانه يحب يجلس معنا وهم يخافون
بحط له مرايه ،، احطها جنب القفص او داخله

يعطيك العافيه

[صمتي حكايه]

المشاركة الأصلية كتبت بواسطة الكلاسيكي

مرحبا

الطير الان في فترة تعارف وفرض مايحب ف تعامل معه بسلاسه وبالتدريج اذا مايحب يدخل حاول تأخر وجبته شوي قبل لاتطلعه عشان اذا جيت ترجعه يكون جوعان ويدخل بسرعة ..

والطريقه الثانيه وانا افضلها بدال انك تدخل الطير القفص طلعه الى غرفة ثانيه احسن ..

الطريقة الثالثه انك تبدل القفص ب ستاند مثل ماذكر لك الاخ فوق وتقص اجنحته عشان يهداء شوي ولا يطير على احد ..

وبالتوفيق وتقبل مروري

اخوك ابومحمد

الطير ذكي يدخل ياكل واذا قمت بسكره القفص يترك الاكل ويطلع
جربت اطلعه بغرفه ثانيه مايبي الباب يسكر يبي يطلع ع كيفه ويتمشى بالبيت
بالنسبه للجناح فهو مقصوص عدا اخر ثلاث ريش
يطير بارتفاع متر ونص تقريبا فقط
ولا اتوقع الاهل يوالفونه لانه يعرف انهم يخافون فهو يخوفهم
ياخذ الريموت من يد الوالده غصب يفتح منقاره كنه بيعضها وتخاف وياخذه ويهرب
يتحايل وياخذ اللي يبي
شريت له كور صغيره اشكال والوان مايبيها

يعطيك العافيه اخوي