أنثى الحمام عندما لا تبيض .. لييييييش ؟!

[abu hasan]

السلام عليكم

يقال عندنا في الأردن طيرة مريّحة أو الطيرة ريّحت!!!

أمر طبيعي انها تكون الطيرة (أنثى الحمام) شغالة وبعدين تتوقف لفترة .. لإنه حسب معلوماتي بكون البيض داخل الطيرة على شكل عنقود سبحان الله (يعني زي الدجاج مع الإختلاف طبعا في آلية وضع البيض والتفريخ) ويجهز البيض بالتدريج لتضعه الأنثى على شكل بطون متتالية .. ولما يخلص عنقود البيض تتوقف الأنثى لفترة (بتريّح) لغاية ما تربي عنقود جديد وتبدأ بوضع البيض من جديد .. هذا ما أعتقده وقلت إنه أمر طبيعي

لكن ما هو غير طبيعي وقد حصل معي عدة مرات في السابق ولغاية الآن .. أن تشتري جوز حمام أو أكثر لتفاجأ أن الطيرة ما باضت وينتظر المربي عدة شهور ليكتشف أن هذه الطيرة لا تبيض .. وأكيد أنه شيء مزعج ومحيّر للمربي

وعلى سبيل المثال .. اشتريت طيرة بوز (دمشقي) من السوق منذ 6 شهور تقريبا على أساس إنها شغالة وزوجتها لكنها ما باضت وبعدين بدأت تغيّر ريش فقلت يمكن هذا هو السبب لكن صارلها مخلصة قلش 3 شهور وبرضه لسة ما باضت وكمان اشتريت مجموعة جواز مراسليات من 5 شهور تقريبا لكن في طيرة مراسلية ثوب قراقطة (سلفر) ما باضت لغاية الآن في حين إنه باقي الطواير من هاي المجموعة كلهن باضن .. وطبعا كل الطواير تعيش في نفس البيئة وتحصل على نفس التغذية والأدوية والتحصين .. والمشكلة إنها أحلى وحدة فيهن وطيرة البوز كمان بتجنن

فيا ترى هل هذه حالة مؤقتة وما هو سببها وعلاجها؟؟ ولا مثل هاي الطواير تعتبر عقيمة!!!! يعني كانت شغالة وبتبيض بشكل طبيعي بعدين صارت عقيمة طيب لييييييييش ؟؟!!!

في كمان موضوع متصل وبرضه محيّرني مع إنه والحمد لله مش صاير عندي .. لما بكون الفحل (ذكر الحمام) ما فيه كبسة أو كبسته فاضية (يعني بلقح الطيرة لكن بطلع البيض غير مخصب) .. هل هي حالة مؤقتة أم دائمة؟! هل هي مرتبطة بتقدم السن فقط؟! أم أن هناك أسباب أخرى؟! وما هو العلاج

أرجو أن تعذروني للإطالة وكثرة الأسئلة لكن مثل هاي الأمور فعلا مزعجة ومحيّرة وأتوقع أنها تثير تساؤل الكثير من المربين .. وأتمنى أن أجد عندكم الإجابات الشافية حتى يستفيد منها الكل

تحياتي للجميع

[bird96]

شكرا لك اخي عالمعلومات الحلوه .

[abu hasan]

حياك الله أخي الحبيب .. بس إن شاء الله تكون قريت الموضوع منيح .. لإني حطيت تساؤلات مش معلومات

عموماً .. يعطيك العافية

[bird96]

ههههههه اعتذر اخي الغالي على عدم قراءتي له كلو كان فيه الكثير من المواضيع علي رؤيتها

نعم سأجيب عن الأسأله ان شاء الله

بالنسبه للفحل : اعتقد ومن تجربتي هذه حاله مؤقته تكون هذه الحاله في موسم الغزاره يصير جسمه ما يلحق ينتج ( التلقيح .. الحيوانات المنويه ) ف من كثر الأنتاج يقل قوته ولكن هذا يحتاج الى تغذيته تغذيه ممتازه ف يصير ممتاز .


بالنسبه للحمام : اخي الحمام الي تشتريه من الأسواق مثل سوق الطيور ونا اعرف الكثير من الأسواق يكون الكثير من الغشاشين ف نصيحه اشتري من حد موثوق .

وأنصحك ايضا للحمام الي ما يبيض عندك شراء لهم المقويات والفيتامينات وأطعامهم ( كرسنه و حلبه ) فهذا مقوي جنسي .

وذا حمامك خالي من الأمراض يكون البياع صراحة غاشك .

اي استفسارات اخوي يمكنك كتابتها ب قسم سؤال وجواب .. وسيتم نقل هذا الى سؤال وجواب . لأنه تطرح اسأله وليست للمعلومه .

[رائد ملكاوي]

اخي الغالي بالنسبة للأنثى اللي ما تبيض فهناك الكثير من الاسباب اهمها
صغيرة في العمر أو كبيرة في العمر ، وما بقي عندها بيض، او اورام المبيض، او التعرض للمضادات الحيوية او المواد الكيماوية وخرب المبيض، التهابات متكررة في قناة البيض، اورام قناة البيض، مشاكل الجهاز الهضمي وما ينتج عنها من سوء تغذية

الذكر يطلع بيض غير مخصب ايضا اسباب كثيرة منها

قلة الخبرة بالتلقيح، الذكر اصغر من الانثى وما يقدر يملكها، عقم دائم او عقم مؤقت وخصوصا عند الافراط في المضادات الحيوية، نقص الفيتامينات واهمها فيتامين هـ، وسيلينيوم

وعلى الأغلب اللي باعك يعرف انهم هيك

بالتوفيق يا غالي

[abu hasan]

السلام عليكم

أشكرك أخي ملكاوي على الإهتمام والرد .. لكن أعذرني يبدو إنها الصورة مش واضحة عندك تماما .. فاسمحلي أوضح أكثر

بالنسبة للفحول أنا والحمد لله ما عندي مثل هاي المشكلة .. لكن هي ظاهرة حبيت أعرف أسبابها وعلاجها .. يعني الواحد ما بعرف شو بصير معاه مستقبلاً

أما بالنسبة لموضوع الطيرة المريّحة (بشكل دائم على ما يبدو لغاية الآن) فهذا محصور عندي في طيرتين من حوالي 25 طيرة يعني قصدي نسبة بسيطة ولله الحمد والطيرة المراسلية اشتريتها مع 4 طواير أخرى (يعني 5 جواز) وهي الوحيدة اللي ما اشتغلت فيهم .. قصدي أوصلك إنه هذا مش وضع شائع في الحمام عندي والحمد لله .. وإنته يا عزيزي ما قصرت وذكرت شو الأسباب اللي بتخلي الطيرة ما تبيض .. بس يا ريت تتكرم وتحكيلنا عن العلاج كمان وكيف الواحد بده يعرف إنها حالة يمكن علاجها ولا لأ .. مشان ما أضل أستنى في حضراتهن (المراسلية والبوزاي) لغاية ما ييجي ع بالهن ويبيضن شكرا مرة ثانية يا غالي

تحياتي للجميع

[رائد ملكاوي]

ههه هههه
لا تستنى حضراتهم

العلاج اذا صغيرة بالعمر حتى تكبر، واذا كبيرة بالعمر ما في أمل تبيض يا غالي

الاورام والالتهابات القديمة والتي نتج عنها مشاكل عقم ايضا ما في علاج

اما بالنسبة لنقص الفيتامينات فالعلاج انك تشتري الفيتامينات اللي انا ذكرتها بالرد السابق

وتعطيها لجميع الحمام

واصلا لازم كل شهر تعطيهم وخصوصا باوقات التفريخ وغيار الريش

والله يوفقك اخوي