سؤال احتاج اجابه عن الكاسكو الهولندي

[w7eed aljazerah]

السلام عليكم جميعا
ما شاء الله على المنتدى الاكثر من رائع وهاذي اول مشاركه لي ,,
حبايبي انا اشتريت كاسكو هولندي فرخ عمرع تقريبا 7 شهور ,, في المحل يوم جيب اشتريه كان يخاف اقرب منه ,, الحين يوم جبته البيت صار ما يخاف مره ,, يعني يجي يقرب مني واعطيه اصبعي وما يعض بس يلحس وعاده احط على اصبعي مويه يستانس ,,, وما يعض ,,

بس امس صار موقف ضاق صدري مره ,, طبعا ما شاء الله علمته اذا قلت راسك يعطيني راسه ,, بدا يفهم علي ,, بس امس فتحت القفص وخليته يطلع بنفسه بس هو بغى يطيح فطار في الغرفه وطبعا ما قصيت ريشه وعلى كلام الناس يقولون لا تقص ريشه,,, بس يوم طار المسكين صدم بالجدار صدمه حسيت انه انصرع المسكين,, يوم جيت برجعه للقفص حاولت انه يعطيني رجله بس مو راضي فانا حاولت اشيله فصار يصرخ ويبي يطير فدخلته بالقفص ..

سؤالي وش اسوي معاه.. هو اليييف .. بس خايف اطلعه ويطير ويصير نفس اللي صار..

وش رايكم

ولا انسى بعد ,, انا ان شاء الله بجيب كاسكو افريقي يتكلم ومدرب تتدريب جيد الحمد لله واليف وكل شي وعمره سنه ونص ,,هل يصلح احطه مع الفرخ الهولندي ,, طبعا كل واحد بقفص بس اقصد جنب بعض

انتظركم ومعليش طولت عليكم

[ٌابوعمر]

قص الريش لازم هاذي المره ان شاء الله انها عدت على خير بس مره ثانيه ماندري وش يصير قص الريش احسن


الافريقي جيبه احسن عشان يتعلم منه الهولندي

[روهلات المعالي]

حقيقة لاأرى شيء في قص الريش طول عمري كنت اقص ريش طيوري قص مو لازم يطير خليه يمشي ويتسلق أفضل لإن الطيرآن غشامه وهو يبي مجال واسع

وش تسوي بالطير أقرأ عليه وإعتني فيه وماعليه إلا العافية

[w7eed aljazerah]

يعطيكم الف عااااافيه

[سلاش أسود]

حلاتها اذا ناديته وجاك يطير تقول عقاب

ومادري من ناحية الافضل القص ام انك تخلي جناحه ولقيت درس لاخونا سكر في نفس المنتدى

تدريب الطير على عدم الهروب اذا طار يعني تعوده يطير ويرجع لك مادري فيها مغامرة

انا طيري اناديه يجيني طيران بس مقفل كل شي وخايف بنفس الوقت هولندي عمره 6 شهور

[w7eed aljazerah]

مشكووور اخوي ,, وصح كلامك حلاتها لا جاك يطير
بس فييها مخاطره

[ٌابوعمر]

ههههههههههه اذا انحاش وطار من دريشه ولا باب تقول ياليت قصيتها

[w7eed aljazerah]

ههههههههههههه خله يطلع اهون من انه يقبع في الجدار
بس ودي اسألكم الريش يطلع مره ثانيه اذا قصيته ولا خلاااص ؟؟
وبرضو لاحظت شي على الطيور اللي عندي
الهولندي والافريقي اشوفهم يرفعون رجل وحده ويضمونها لجسمهم يعني اللي يشوفهم يقول كانهم ما لهم رجلين بس رجل وحده

والاحظ اذا كانوا تعبانين اقصد بينامون يسوون هالحركه

وش معناها ؟؟

[ٌابوعمر]

طبيعيه جدا هاذي الحركه وجميع الطيور تسويها والريش المقصوص بيطلع مره ثانيه بعد مرحلة القلش (تبديل الريش)