اشترك في نشرتنا البريدية ليصلك كل جديد

اسير الشوق1 · 24-06-2011, 04:43 PM

السلام عليكم

قطتي ولدت وجابت 5 كيتنز ... واعمارهم الآن 15 يوم

لكن احس ان الأم ما تضخ حليب بشكل كافي.. بعض الاحيان الكيتن يحاول يبحث عن اكثر من ثدي عشان يطلع الحليب ويتضاربون كثيييييييير بسبب هالشيء

انا اعطي الام دراي فود ... من رويال

لكن ودي اعطيها اكل ثاني يقويها ويكثر الحليب

بس بشرط ما تكون خلطات اسويها في البيت..

ابي اكل جاهز اشتريه ...

رعوود · 24-06-2011, 04:53 PM

اخوي اسير الشوق1

الاكل الجاهز ما انصحك فيه ابدا

الافضل تعملها اكل بالبيت

تقدر تسلق دجاج او كبد الدجاج مع بطاطس وتخلطه مع شوي جبن او حلب ودراي فود

وتقدمه لها راح يساعدها

ايضا تقدر تعطيها تونه وسمك كويس للقطط المرضعه

وعالبركه يتربون بعزك

موفق

اسير الشوق1 · 24-06-2011, 04:56 PM

اقتباس:

المشاركة الأصلية كتبت بواسطة رعوود

اخوي اسير الشوق1

الاكل الجاهز ما انصحك فيه ابدا

الافضل تعملها اكل بالبيت

تقدر تسلق دجاج او كبد الدجاج مع بطاطس وتخلطه مع شوي جبن او حلب ودراي فود

وتقدمه لها راح يساعدها

ايضا تقدر تعطيها تونه وسمك كويس للقطط المرضعه

وعالبركه يتربون بعزك

موفق

اعطيتها بيض وبعدها بيوم استفرغت ...

والدجاج ما تاكله...

فيه نوعية معينة من التونة ما تضر القط؟ لاني سمعت بعضها ما يصلح..

vampire-TW · 24-06-2011, 05:08 PM

السلام عليكم ورحمة الله وبركاته
اذا كان حليب الام مو كافي رضعهم وبالنسبة للاكل الدراي فوود مو كافي بل هو عبارةعن وجبة مساعده و لاتعطى كوجبة رايسية طعمها اكل لبيت ضروري...
اذا ماعطيتها اكل البيت ستنحف ستعاني من مشاكل سوء التغذية خصوصا و انها مرضع

دلوعةقطوتي · 24-06-2011, 05:22 PM

اهلين
لازمها تغذيه صح
والتغذيه الصح تكون من البيت جرب اسلق بطاطا او جزر وابشرها مع جبن تشدر واخلطها مع الدراي فوود
وكمان لو ماتاكل الدجاج جرب اخلط الدجاج المسلوق ومفتت مع زبادي ودراي فوود
والاجبان والسيريلاك
التونه كثرتها تسبب اسهال وتساقط شعر
جرب السمك الفيليه
بيض مقلي مع جبن
اوبيضه مسلوقه واهرسها مع لبنه
بالمختصر اللي قطوتك تحبه اخلطه مع الاكل اللي ماتحبه بكميه بسيطه وتدريجيا زيد الاكل اللي ماتحب ونقص اللي تحب لحد ماتتعود
الدراي فوود لوحده مو كافي
وايوه اعطيها فيتامين بيقويها

vampire-TW · 24-06-2011, 05:29 PM

اضافة:::
لو ما عندك وقت حاول تطبخ بكميات كبيرة و اعملها بعلب و احفضهم فالفريتز و لما تحتاجهم اجلب الكمية اللى تريد و سخنها و قدمها و بهاذا تكون غذيتها صح....

الخبيرة ناديا · 24-06-2011, 10:02 PM

الف مبرووك ويتربون بعزك..ولاتنسانا بالصور؟

بخصوص التونه ..فيه نوع مايضر ابدا وهي التونه بالماء ..مكتوب على العلبه ماء بدال الزيت.

وابعد عن التونه بالزيت نهائي لانها السبب في تساقط الشعر والاسهال.

مثل ماقالو لك الافضل اكل البيت.

لان اغلب المعلبات تسبب اعراض غير مستحبه للقطط من رائحه كريهه وتسوس الاسنان وديدان

فقط في حاله الاكثاااار منها والاعتماد عليها يوميا كغذاء اساسي للقط..

لاكن العدل مطلوب ..ممكن تعطيها معلبات مره في الاسبوع فقط ..

بخصوص قطتك ..

اذا كانت القطه الام لاتنتج كميه كافيه من الحليب ..راح تلاقي الكيتنز يرضع من الام ويصرخ ..ويتلوى ويترك

الرضااعه منها ..وتتكرر هاذه الطريقه كلما هلمو الكيتنز بالرضاعه.

وايضا تلاحظ قله وزن الكيتنز وصغر الحجم بشكل واضح ..

راقب الكيتنز بعد كل رضاعه وتركهم للثدي ..قم بحمله والنظر الى بطنه ..فاذا كان قد شرب كفايته من الحليب

فستجد بطنه كبيره وممتلئه والعكس صحيح ..

نصـــــيحه:

لاتترك الكيتنز اكثر من يومين بدون اخذعم لكفايتهم من الحليب ..لانهم مع الوقت يضعف بسرررعه و

يصاب بالصدمه ...

وعند دخول القط بمرحله الصدمه فلايمكن عندها انقاذه ابدا حتى بالعلاجات او المغذيات ..سيستمر بالضعف

حتى الموت لاسمح الله.

فعند ملاحضتك ان الكيتنز لاياخذ كفايته من الحليب ..حاول شراء حليب مخصص للكيتنز مثل رويال كانون

ورضاعه مخصصه للكيتنز ..

وابدا برضاعتهم كل ساعتين ..

والام ضروري جدا جدا تزويدها بفيتامينات داعمه لها حتى تتقوى ..

واكثر لها من السوائل سواء حليب او مرق الدجاج ..حتى تفرز اثدائها الحليب بكثره ..

واذا كانت قطتك ذوات الشعر الطويل ..قم بتقصيص الشعر حول الحلمات ليسهل وصول الكيتنز للحلمه.