اشترك في نشرتنا البريدية ليصلك كل جديد

abdull · 14-05-2011, 01:27 AM

السلام عليكم

لدي كاسكو افريقي عمره تقريبا 9 اشهر شتريته من شهر ونص وكان يجعر ويخاف ومع التدريب والاهتمام بطل يجعر وتعلم يصعد على الايد وتوه بلش يصفر وانا واقف يمه وياكل من الايد لكن يخاف شوي لكن مايجعر

وجاني قبل يومين كاسكو بالصدفه كبير بالعمر عينه صفرا يتكلم يقول الو وصباح الخير ويغني ويرقص وينادي اسماء ويقول الو وكلام كثير ونشيط وحركه من اول مادش بيتي لكن صاحبه القديم مهملة القفص كان غير نظيف بالمره كأنه لاشهر مانفتح ولا تنظف والكاسكو منتف روحه وريشه تعبان وحتى عصا يوقف عليها الكاسكو مافي بالقفص !!!

المهم اليوم حاولت اطلعه من القفص عشان انظفه واروش الكاسكو لكن هرب مني شوي وقام يجعر لما حاولت اني اطلعه من تحت الطاوله ورفعته على ستاند ورشيته بالماي وحطيته بالشمس شوي ونظفت القفص وحطيتله عصا ورديته مكانه لكنه بطل يتكلم وبطل ياكل وكان خايف حيل من العصر لين خليته بعد العشا تركته ورحت ؟؟

السؤال هل راح يبطل يتكلم ؟؟ كم يحتاج عشان يرجع مثل قبل خصوصا اني لازم انظفه باستمرار عشان حالة ريشه والنتف اللي فيه وهو يخاف اطلعه من القفص ؟؟

وهل يأثر وجود الكاسكو القديم اللي توه بدا يتأقلم علي وصار هادي ؟

هل اضع الكاسكوين مع بعض عادي ؟ ولا ابعدهم عن بعض ولا احطهم في غرفه وحده بينهم مسافه ؟

وهل النتف يعدي يعين هل ممكن الطير الكبير يعدي القديم ابو 9 اشهر ؟؟

وهل الريش المنتوف والمكسر بالذيل خصوصا يرجع طبيعي ولا لزم انتف الريش المكسور عشان يطلع ؟؟

وأسف على الاطاله لكن اتمنى من الاخوان انهم يفيديوني خصوصا اني لا املك الخبره وابتلشت بطيرين مره وحده

بصمات الزمن · 14-05-2011, 06:13 AM

اظن طريقة بوشهاب بتفيدك

http://www.youtube.com/watch?v=K-Dqq...el_video_title

بأذن الله الصبار هو الحل

تابع الفديو في الموضوع هذا

http://www.2zoo.com/vb/showthread.php?t=135812

abdull · 14-05-2011, 06:26 AM

شكرااا اخوي بصمات الزمن فعلا لقيت بعض الاجابات بالفيديو لكن في بعض الاساله مالقيت لها اجابه مثل

مصير الريش المكسور مو المنتوف لان المنتوف يطلع والمكسور شنو الحل معاه ؟

وهل الكاسكو الحين بعد ماوقف عن الكلام والتصفير والنشاط المعتاد هل راح يرجع مثل قبل وكم يحتاج وقت ؟

خصوصا اني احتاج انظفه يوميا لان حالة ريشه تعبانه جدا ؟؟؟

بصمات الزمن · 14-05-2011, 06:59 AM

اقتباس:

المشاركة الأصلية كتبت بواسطة abdull

شكرااا اخوي بصمات الزمن فعلا لقيت بعض الاجابات بالفيديو لكن في بعض الاساله مالقيت لها اجابه مثل

مصير الريش المكسور مو المنتوف لان المنتوف يطلع والمكسور شنو الحل معاه ؟

وهل الكاسكو الحين بعد ماوقف عن الكلام والتصفير والنشاط المعتاد هل راح يرجع مثل قبل وكم يحتاج وقت ؟

خصوصا اني احتاج انظفه يوميا لان حالة ريشه تعبانه جدا ؟؟؟

مصير الريش المكسور مو المنتوف لان المنتوف يطلع والمكسور شنو الحل معاه ؟

المكسور خله بيصير يطيح لحاله ويطلع بداله جديد المهم لاتنتفه لانو الطير بيتوجع وبياخد منك موقف ويخاف ويكرهك بعدين >>>كلها مسألة وقت ويتغير ريشه ويصير حلو ^.^

::\\::

وهل الكاسكو الحين بعد ماوقف عن الكلام والتصفير والنشاط المعتاد هل راح يرجع مثل قبل وكم يحتاج وقت ؟

اكيد بيرجع هو بس مصدوم وخايف منك عشان طلعته من القفص سيبه كم يوم يتعود عليك ومو لازم تخرجه من القفص عشان ما يهرب وانت تلحقه فيزيد خوفه روشه وهو في القفص باستخدام مرش مويه وديتول او مويه وصبار عشان النتف و>>كمان بيتحسن الريش ويزين وبالنسبه للصحن بعطيك ريقتي في ابقائه نظيف

بيكفي مره وحده تغشله زين وتمسحه بديتول وبعدين لمن يجف غلفه بكيس سفره مثلا وحط فوقه ورق كرتون ورجعه للقفص يصير كل يوم تسحب بس الكرتون وترميه والسفره تغيرها مره بالاسبوع >>> بها الطريقه تحافظ على نظافة الطير والقفص بدون مطاردات ورعب للطير المسكين

وسلامتك خيو وسلامة طيورك ^.^

abdull · 14-05-2011, 04:08 PM

بصمات الزمن

ابشرك اليوم الكاسكو لما صحيت الصبح لقيته مزاجه عال ويتكلم ويرقص الحمدلله الظاهر صدره وسيع مايطول زعله

وألف شكر على هل معلومات القيمه والله يجزاك خير يالحبيب

بصمات الزمن · 14-05-2011, 04:45 PM

عال العال والحمد لله روح عاد دلعه وجيب له لعب وفول سوداني ووتونس معه ولاعبه شويات ^.^ موفق اخي