ابي حل يا جماعه اخوكم من الكويت

[pitbull_pirate]

السلام عيلكم

ابيي مساعدتكم ,,,

عندي جلب بيت بوول عمره 7 شهور و جسمه معضل بس المشكله ضعيف وبعد في مشكله انه يخاف يعني اي واحد اشووفه سواء كنت انا او كان غريب ينسدح بالارض خايف بعدين فجئه يوقف يبيك تمسح راسه او شي جذي وفييه عيب انه اسنانه وايد قويه لدرجه امشالع خشبه الي بالارض و عاوي الالمنيوم الي يم القفص و مشلع الباب و جم مره يقطع الشبك بس ليش يخاف مادري !!

[فايز]

هلا والله اخوي .. بنسبه حق الضعف الكلب يمكن اخوي فيه دود فيرجا مراجعة الطيب البيطري وهو مو مقصر بـأذن الله .. أما عن خووف الكلب يبيلك اخوي تاخذ معاك الكلب في كل مكان _> (( مب كل مكان عاد ,, قصدي وأنت رايح عند الشباب )) ,, وخله يكون أجتماعي وخله يشووف الناس ويعرف أن مو مسوين له شي وبأذن الله هاذي المشكله مؤقته .. أما عن يعضعض إي شي مشاء الله تبارك الله باين أن فكه قوي .. يبيلك اخوي تجيب له ألعاب وعضاضات من البيطري عشان يعضها ويترك الخشب والألمنيوم

ان شاء الله اني أفتك

[UaE_Monster]

مشالله اخوي فايز ما خلى شي ..

انشالله هذي ازمه مؤقته مثل ما قال اخوي فايز و نشالله اتشوفه في احسن حالاته ..

تقبل مروري اخوك UaE_Monster
SLamLm

[متى احظى]

وعليكم السلام....


بالنسبه للضعف قالك اخوي فايز يمكن ابطنه دود وهذاا شي طبيعي عند اي جلب ناشيء البيطري يبيع حبوب للدود لهم جدول ينحطون ويا الاكل ولا بروحهم


اما بالنسبه للخوف يمكن احد كان طاقه اوشي علاجه انك اتمشيه وتحطه عالمربط وايد

واسف طولت عليكم

[pitbull_pirate]

يعطيكم العافيه وما قصرتو وسويت كل شي قلتووه قمت امشيه وايد عشان يتعود علي و الحمدالله تعود بس المشكله اذا واحد قرب صوبه يقعد ويحط راسه بالارض هل مشكله مأذيتني وايد والله فأطلبكم انكم اتساعدوني

[CSI II]

السلام عليكم ورحمة الله وبركاته

اخوي انت باي منطقة وممكن صورة الجلب ؟

على العموم.. اهوا لازم ياخذ شوية على الوضع وخل احد ايي صوبه ويخرعه وانت دافع عنه وخل رفيجك ينحاش اول ماتطقه ..ولا تخلي احد يخرعه او حتى يهوشله

[فايز]

المشاركة الأصلية كتبت بواسطة pitbull_pirate

يعطيكم العافيه وما قصرتو وسويت كل شي قلتووه قمت امشيه وايد عشان يتعود علي و الحمدالله تعود بس المشكله اذا واحد قرب صوبه يقعد ويحط راسه بالارض هل مشكله مأذيتني وايد والله فأطلبكم انكم اتساعدوني

---------------------------------------------------------------------------------------------


اخوي تصرف كلبك هذا انه خايف من ألي جايه .. زي ماقلت لك وده عند الشباب لاتخلي احد يطقه او يهاوشه خلهم يأكلونه ويمسحون عليه وأسمر معاه على هل طريقه مده زمنيه بسيطه بتشووفه إذا جاه أحد يبي يلعب معاه ..


ان شاء الله اني افتك