كيفية ركوب الخيل 2

[بنت دبي]

اسمحولي على التأخير كنت مجبورة سايرة ويى الاهل الهند بس مانسيت الموضوع الي يالسة اكتب فيه والحين انا بكتب عن البطاقة الصفراء هاي البطاقة اتدرب الفارس شقايل يركض في الخيل والصراحة انا اتلعوزت لين ماخذت شهادتها الحين ببدأ بالشرح.......

اول شي اذا بغى الفارس يركض بالحصان لازم يكون لابس ثياب الفروسية ومعدل الركابات ومقصر على الرين بس مب وايد علشان مايعور حلج الحصان وبعدين الفارس يمشي خيله ربع ساعة بعدين يبدأ بالركض اول شي لازم يكون كعب ريله على تحت وظهره سيدة ولازم يطالع جدامة ويقصر الرين ويمسك العصى في ايده اليمين لان في خيول لو تظربونها بريلكم مايمشون فيحتاجون هذا يعتمد على طبع الخيل في خيول لو الفارس دقها دقة وحدة بريله بيحصل عمره في الشارع الثاني وفي خيول عنيدة يبالها عصى ...... اول شي يطلع الفارس ويى الخيل تروت عادي (ركض عادي) بعدين يطلع كانتر ( ركض اسرع من التروت) ويوم يطلع كانتر الفارس بيتعب من اول مرة بس عادي بيتعود بعيدين لازم يكون ظهره على ورا وريلة ظاقطة على السرج وايده ماسكة الحبل ومقصرنها ولازم اتكون ايده تحد ملامسه رقبة الحصان بس مب يلصق ايده وايد في الحصان كأن ملزقينه بسوبر قلوا يخليها عادي بس تحت......بعد مايخلص من الكانتر يمشي الخيل عشرة دقايق علشان يرتاح الخيل والفارس ..... بعدين نبدأ في الجد والي اكره في الفروسية وهو الثبات على السرج بدون ركبات .... بعد مايريح الفارس يشل الركابات الي متعلقة في السرج ويخلي ظهره على ورى وريله ظاقطة على السرج ويطلع مع الحصان تروت بطيء بعد مايخلص يرتاح اشوي بعدين يسوي نفس الشي بس هالمرة ويا كانتر بطيء ...... بعد مايدرب الفارس على هالاشياء يحط كمن حطبة جدامة هذا بداية حق قفز الحواجز ويوم بيحط الحطبة لازم الفارس يخلي الخيل يمشي عليا والفارس لازم يكون في وضعية الاب هي الوقف يعني يحط وزنه كلة على الركابات وهذا الي عندي في الكرت الاصفر واوعكم انشاء الله ماتخر عنكم مرة ثانية هذا اذا كمبيوتري ماستوابه شي الله اعلم يمكن يستويبه شي بعد مع السلامة

[البدبخت]

ما شاء الله عليج يا فارســـة .. شرح حلو وسهــل (( والله يساعدنا لما بنطبــق )) لان كل هذا يعتمد على مزاج الخيل ... وفي خيول بس اتطلع لهم الصوت الخاص من فمك اتشوفهم يركضون بدون ضرب ولا وخز .. بس الصراحة انا عندي مشكلة للحين اعاني منها عند ركوب الخيل وخاصة في الجري .. " الحصان يركض وانت لازم ترفع روحك وتقعد .. يعني تتحرك معاه ، واذا ما قدرت راح تتكسر انت ، ومستحيل تقدر اتنام بالليل حزتها (( تراني مجرب )) خخخخخ ...

يعني انتي الحين في الهند ؟ يا حظكم مغييرن جو .. ترجعون الديرة بالسلامه اختي ..

[بوفهد]

اشكرك على الموضوع الحلو يا بنت دبي

وان شاء الله بإنتظار مواضيعك الاخرى

بالتوفيق

[بنت دبي]

ياخوي بدبخت مشكلتك وايد سخيفة وتنحل بسرعة بس يبالها شد حيل اشوي يوم الحصان بيركض اطلع وياه اب وداون .... جسمك بروحة بيطلع اب وداون يوم بيركض الخيل بس علشان مااتتعور لازم يوم تتطلع اب لازم يكون وزنك كل على الركابات باختصار توقف على الركابات بس مب ساعتين يعني ابسرعة تطلع اب وداون وهذا كل شي ......

[البدبخت]

هههههههههه ادري انها مشكلة سخيفة ومن سنين وانا اعاني منها وللاسف للحين ... بس عادي لما انا اكون فوق ظهر الخيل اتحمل الألــم عادي .. بس المشكلة تكبر لما اخلص وارجع للبيت ههههههه لا اقدر اقعد ولا اسوي شي .. وعرفت انتي شتقصدين .. السالفة يبي لها توقيت يعني آب داون مع الخيل علشان اتسهل واتخفف وزنك على الخيل وتتحرك معاه ههههه يالله عندي امل ان راح اتعلم مع الايام .. نفس ما اتعلمنا الركوب في البداية .. يعني لازم نطيح ونتكسر بالميئات الى ان نتعلم هههههه


شكرا اختي ..