ارجو المساعده يا اخوان

[sano]

السلام عليكم ورحمة الله وبركاته

اخواني عندي ببغاء كاسكو من شهرين يصفر ولما اصفر له يصفرلي بس مشكلته كل ما اقرب من القفص يبدأ يجعر حتى اذا جيت احط له الاكل او الماء وحاولت احط له فواكه وفول سوداني لقيته ما ياكلها ولما احط له حب الشمس ياكل حتى اذا حاولت ااكله بيدي يجعر واحيان ياخذ مني بسرعه ويرميه .

والله اني عجزت منه وبدأت افكر ابيعه لأنه بجد عقدني
ارجو منكم نصحي ماذا افعل له حتى يعتاد ويبطل التجعير

[ابو محمــد]

والله موضوعك في بدايته وما اقدر اختصر لك في رد واحد لكن ارجع للمواضيع المثبته والمميزه وراح تلقى الجواب الوافي وبالتوفيق لكن عشان ما تزعل مني الكاسكو اللي عندك حطه فوق على مستوى راسك وبعد اكم اسبوع اذا شفت تعود ولا يجعر ابدأ معه التدريب وانشاء الله راح تنبسط منه والهاوي لازم ماييأس طيب.

[the one]

اكيد الطائر مب (مدرب؟؟؟) وهو مب متعود عليك وايد , متعود يشوفك من بعيد هاول تقرب من القفص شوي شوي وإنشاء الله يتعود عليك .

ومن جهة انواع الاكل هو يتدلع شكلة يحب الحبوب اكثر من اى شيء لين ما يجوع بياكل اى شيء نفس درتي تحب الحبوب بس مع الجوع كلت البيض والخضروات والفواكة .


والتجعير : ممكن ترجع للمواضيع المثبتة .


وانت تاكلة بيدك حاول تخلى حركتك بطية وعطة الحبة وخل يدك داخل القفص وما تسحبها بسرعة .


يا رب اكون افدتك في الخدمة انا

[n-b-n-b]

والله غريب الببغاء..

انشاء الله احد يفيدك..

مشكوور..

بالتوفيق..

تحياتي..

[naasooh]

أهوو الطير كم صارله عندك؟؟
وكم عمره؟؟

أن صار له مده عندك
أبدأ وقلل كمية ألأكل المفضل عنده وعطه كل شئ ألا ألأكل المفضل مثل الشمسي ومن بره القفص أبدأ أكله
راح يرفض يرمي ألأكل بس كرر الطريقه على فترات
وراح ياكل منك
بس كل شئ يحتاج له صبر وأجتهاد