كل واحد يدش يقول قصته مع الحشرات!

[فطوم]

السلام عليكم جمييييييييييعا

انا قلت اكتب هالموضوع عشان كل واحد يدش يقولنا قصته مع حشره معينه يعني صار موقف لقا صرصار بهدومه مثلا شاف حشره غريبه شاف حشره جميله معلومه غريبه عن حشره معينه عشان نضحك ونستفيد بنفس الوقت

[addiction]

اول شي يعطيج العافيه على الموضوع الحلو او الفكره الحلوه

انا صراحه مره اول يوم العيد كنت اصغير قبل من زمان يعني السالفه كنت قاعد بيت يدتي رايحين انعيد او انا قاعد فاجه حسيت ابشي يتحرك داخل ملابسي انا قلت يمكن يتهيالي
بس شفت السالفه لا صج شي يتحرك جان اقول مره وحده او اركض عبالهم ينيت ماشوف اله صرصور طايح من الدشداشه او ظاق خلقي ماقمت احب الصارصير

[سنونو]

انا مرة قاعدة اتسبح جان احس بشي يتحرك على ريولي مكان القدم اول شي انا عبالي رغوة ولا صابون قلت خل اشوف شنو خسرانه و لا اشوف صرصار كبير جان اصرخ و اسير مينونة و عيوني احترقت من الشامبو

[تركي .ي.م]

كنت عند حديقت البيت وشفت دودة خضرة شفتها بالحض لانها كانت على إورقة بعدين حطيتها على صبعي وبدت تتحرك قصين إورقة من الشير بعد كم من دقيقة شفتها تاكل بعدين رديتها على الورقة وفتها تتنقل من غصن إلى غصن بعدين إختفت داخل الشجرة

[فايز]

أنا بقول قصتي دايمن لين أروح المسجد ينشبلي بريعصي شكله ينرفز باينه أعروقه ولونه شفاف على أخضر وهذي قصتي وياه مره كنت ويا أبوي بل حوش وكان واحد من أولاد أختي يلعب إلا أمسكه ولاكن شايل شي أنا لين شفته ماسكه تنرفزت ودي أروح أدوسا هو ويا البريعصي فجأه رما علي وهويضحك عاد ماتحرك البريعصي إلا على جسمي لين وصل لين ساقي صرحى جا شعور غريب خلاني أصرخ عاد أبوي ضحك ولا كأن صار شي وينزل ويمشي البريعصي على الأرض عاد أبوي خاف أن يصير في زي ألي صارلي بعد عنى عاد كانت ذيك فرصة الحيى أن أذبحا أنا ورى لين ضربته بنعال وأكلته للدجاج

[فطوم]

لووووووووووووووووووووول
الدجاجه خطيره

[roosario55]

حقولك يا فطوم بس محدش يضحك عليا .
أنا بخاف من الصرصار عمـــــــــــــــــــى و بقرف من مووووووووووووووت, كنت في الشارع هنا في مصر قبل ما أتحجب من 3 سنين و كنت واقفة جنب قهوة مستنية صاحبتي و حسيت كأن حاجة ماشية على رأسي بعدين حطيت إيدي علشان أطمن نفسي لم أجد شيء.
و بعدين حسيت بئى حاجة ماشية على ظهري أنا طلعت مني الحركة تلقائية و صوتت و قلعت التي شيرت في الشارع أمام القهوة و كمان واقفة أنفضه نسيت خاااااااالص إني و اقفة في نص الشارع !موقف محرج جداً صح!!

[عاشقة الطيور]

مشكووووورة فطوم على الموضوع الحلووووو
انا اخاف من النحل
بقول لكم شنو صادني
ذاك اليوم رحت المدرسه حطيت شنطتي بالصف قلت اروح الساحه اقعد على الكراسي يلست احضر مادة الاجتماعيات
عاد الكراسي صوب الزرع وذلين الورود ...الا تلصق في جتفي نحلة متينة ,وياتني رفيجتي تقولي احين كملتي من التحضير قلت لها اي ,قامت تضحك وهي خايفه اقولها شفيج تقولي يمه على جتفج نحلة وانا مت من الخوف
قعدت اراكض واصارخ شيلوها بعدين يات الفراشة وشالتها بس الصراحه كان موقف محرج كلما لا ابي اهدي نفسي اقول لا وين اهدي نفسي وعلى جتفي نحلة واصارخ ازيد وازيد

ههههههههه هاي قصتي مع النحلة المتينه هههه ياربي كانت فشيلة

[فطوم]

لوووووووووووووووووول الصراحه انتو تحفه والله

انا توني ماصارلي ساعه كنت اسولف مع قهوه مره بالمسنجر واطالع ملابسي ولاعليهم صرصصووووووووور(موزهيوي لا هذاك الي يصفر طول الليل) جان اصرخ مثل المينونه وامي قعدت وبغت تحذفني من الدريشه

[ach3och]

اولا مشكوووووووووورة على الموضوع الطيب
والحين قصتي:
من انا اصغير وانا احق بريعصي في بيت يدتي كل ما ما احاول اطقة بالنعال
ينخش ورى الليت(المصباح)لما كسرته مليون مرة ههههههههههه
وليلحين ما مات ولا اشوفونه صار ديناصوووووووور لووووووووووووووووول
وملاحظة:لفطوم(الازهيوي اللي اتقولين عنه اسمه "جندب"او اسم الدلع"اجنيدب")
وهذي قصتي.
: