وش فيها ارنبتي؟؟ ضروووري

[محب الأرانب]

السلام عليكم

يا جماعه انا ارنبتي حامل وولدت اليوم و امس في اليل شفتها ترتب الجحر قلت بس بكره بتولد
لكن جيت من المدرسه لقيتها ولدت 6و4 ماتو لكن الغريب اني لقيت ارنب واحد في الجحر وميت والبقيه برا الجحر مرمين في انحاء الحوش ولقيت اثنين ربي رحمهم وباقي احياء دخلتهم الجحر لكن امهم كانت بس تشمشمهم ولا ترضعهم

ليش ولدت برا الجحر؟؟ مع العلم انها المره الأولا في الولاده

وليش ما رضعت الأثنين الأحياء؟؟
هل هذا نقص في الخبره ولا ايش

[احساس بنوته]

لا يا اخوي انها تشمشمهم لازم تاخذ بول الانثى ( اكرمكم الله ) وتمسحه في الصغار عشان الريحه هي الحين شاكه انهم ما اولادها اما الميتين انا ما اعرف لانو الارنب ما سمعت انها تاكل عياليا والله يكون بعونك

[محب الأرانب]

خلاص ما عاد يهم
شفت الصغار اليوم لقيت الرؤس مقتلعه من الجسم

[مسالم الحيوانات]

انا ما ادري الخبراء يفيدونك

[احساس بنوته]

اها اجل كذا اخوي امهم اكلتهم وقطعتهم تقطيع لانك اول شيء انت اكيد ناقص خبره بالارانب لازم تتدخل على مواضيع الارانب وتقرأ واي سؤال على الخاص ولا تستحي لازم الصغار قلت لك تاخذ البول ( اكرمكم الله ) وتمسحهم في الصغار عشان تعرف انهم اولادها الله يعوضك اخوي

[عاشق الموت]

الله يعوظك
بالف ارنب

[محب الأرانب]

مشكورين على المساعده

والله ما قصرتو

لكن في شي محيرني ليش الصغار كانو برا الجحر

وهل عادي ان الام تدفن صغارها بالتراب

[فلاح القاسم]

يمكن لأن الأرنبة أول مرة تولد

وبعض الأرانب أول مرة تفشل

[MR.Fahd]

طبيعي تكون الانثى جاهلة اذا كانت اول ولادة لها !

وبالنسبة للي باقين احياء ارضعهم رضاعة اجباري !

[%لوب ذهبي%]

لانها اول ولاده للانثى

وغالبا سبب فشلها هو انها تأخرت في حفر الحفره مثل مانت قايل انها ولدت بعد التضبيط بيوم فقط وهذا يدل على جهلها بالولاده لان بالعاده الانثى تبدا تضبط البيت قبل الولاده ب١٥ يوم الى ٥ ايام وماتأخر عن ذالك فنادرا ماتنجح الولاده

واي سؤآل انا حاضر هنا او على الخاص