اشترك في نشرتنا البريدية ليصلك كل جديد

شعيفان · 15-04-2009, 10:58 AM

السلام عليكم ورحمة الله وبركاته

يااخوه هاذي اول مشاركه لي عندكم في قسمكم فارجو المساعده
والله انا اروح سوق الطيور ولفت انتباهي الشرياس(خاطف ظله )شكله حليو وصغير على الرغم اني سمعت الناس يسبون فيه ويقولون ماله فايده بس انا مماعرفت في قسمكم وقريت انه يتدرب ويصيد؟
ثاني شي صح ان سعره رخيص بس لو ابا اعطيه كل يوم حمامه في يومين اصرف عليه قيمته(لااحد يحسبني بخيل)هاهاها؟
ثالث شي وين اربيه انا اربي حمام ودجاج في صنادق وعشش هذا ماادري وين احطه؟
واعذروني على الاطاله

S7S7 · 15-04-2009, 03:40 PM

صبحك الله بالخير اخووي شعيفان الشرياص ياكل عصافير وقميري موب شرط حمامه خذ الساكتون وصد عصافير وعطه

اما وين تحطه اي غرفه عندك فاضيه حطه فيها واربطه بوكره وانتهينا

بالتوفيق ...

شعيفان · 15-04-2009, 06:03 PM

صبحك الله بالانوار يعني لازم نروح نشري صتم ها ها بس عندي استفسار لو تكرمت لواحطه في غرفه مكيفه ولا مهب مكيفه تفرق يعني لو احطه معي في الغرفه ولا وش الحل

S7S7 · 16-04-2009, 11:26 PM

اخوووي انا مااقول رح اشتر ساكتون بس دبر له علفه والمكيف بالحر لازم واذا بتحطه عندك بالغرفه مافيه مشكله

بس نظافه يوميه عشان الريحه انا كان عندي شيهانه وكنت حاطها عندي بالغرفه قبل لااسويلها عشه

تاكل من صيده ان شاء الله هههه

شعيفان · 17-04-2009, 08:23 AM

مشكور وابشرك انا عندي سكتون بس ماعندي لها رصاص بس مهب مشكله اقرب محطه وانتهينا واجدد شكري لك ولهذا المنتدى