سسؤـآل بلــيز الــي عـنده خبـره بـآلقطـط يــرد

[azoz12331]

وعليكم السلام ورحمة الله وبركاته
اذا تبي شعر طويل عندك الشيرازي
وبالنسبه للفيس عندك : المون فيس ، الهاف بيكي فيس ، والبيكي فيس .. وهذا يرجع لذوقك
وبالنسبه للالوان بالعاده الشيرازي يجي ابيض ورمادي والوان كثيره
وانصحك تاخذ لك واحد عمره من ٢-٣ شهر يكون صغير ليكون سهل التعود واهم شي يكون متعود على الليتر بوكس (صندوق الفضلات)
وانصحك تاخذ انثى عشان ما تتعبك وقت التزاوج لانه الذكر اذا بلغ وطلب الزواج ممكن يرش بوله لجذب الاناث
وفيه بعض الاشياء تشتريها لقطك :
ليتر بوكس مع الرمل ، صحن للاكل يجيك قسمين (للماء+الاكل) ، مشط وفوطه خاصه بقطك ، بودره معطره بالقطط تحطها لها مزتين بالاسبوع تعطيها ريحه حلوه (اختياري) ، وكمان تقدر تشتري لها سرير او تجيب سله وتحط جوتها مخده علي نفس مقاس السله وتستخدمها كسرير
وبالنسبه للاكل تقدر تعطيها :
دراي فود ، دجاج مسلوق وتقدر تلسق معاه بطاطس او كوسه ، جبنه مثلثات او زبادي بس لا تكثر لها واجد عشان ما تمشي بطنها
وبالنسبه للتطعيمات تعطى بعد ما يصبح عمر القط ٣ اشهر والبيطري هو بينظم لك هالمسأله ويعطيك لها شهادة ميلاد تصدر من عنده ويسجل فيها التطعيمات اللي اخذتها
وبالنسبه للشاور :
القطط ما تحممها الا بعد ٣ اشهر لانه القطط الصغار مناعتها ضعيفه وممكن تاخذ برد وفيه الصيف حممها كل اسبوعين وبالشتاء مره بالشهر وبامكانك تستخدم شامبو خاص بالقطط او شامبو جونسون للاطفال واحرص بعد الشاور انك تلفها بالفوطه كويس وما تعرضها للتكييف وتجففها بالاستشوار وتمشطها بعد ما تجف واحرص علي تمشيطها كل يومين على الاقل لازاله الشعر المتساقط
وان شاء الله اكون افدتك .. والله يوفقك