استفسار

[sanikoli]

السلام عليكم ورحمة الله وبركاته. الله يديمكن يا رب بالواقع المنتدى رائع وبحس الانسان باهتمام الاعضاء ببعض وتبادل النصائح والخبرات وأحيانا الاستغناء عن الذهاب إلى العيادات البيطرية. عندي استفسارين أولاً: بحس من فترة لفترة وكأن الكاسكو عندو حكاك يعني بحك حالو بمنقارو مع العلم كتير بهتم بتنظيف القفص وبستعمل المعقمات لغسيل أرضية القفص وبعد كل وجبة بغسلو أطباق الاكل. ولمن بكون عندو حكاك بشوف ريش خفيف بأرض القفص يعني حتى مش ريشة طويلة بس متل الوبر على الخفيف.شو الحل؟؟
ثانياً: ما عم بعرف شو الكمية يللي لازم ياكلها الكاسكو كوجبة رئيسية؟أنا لمن أضهر على دوامي بحط أكل بصحنو حوالي نص الطبق( أو أقل شوي) لمن ارجع من دوام بعد حوالي 9 ساعات بكون آكل كل شي هل يا ترى بكون بغيابي أكل كل الكمية مرة وحده وصار جوعان أو بكون على الرايق أكل على مهلو عدة مرات؟؟؟؟؟ أحياناً بطعميه دجاج مسلوق....بصير؟؟؟؟ وشكراً