استفسار بخصوص الكاسكو الافريقي
بسم الله الرحمن الرحيم
السلام عليكم ورحمة الله وبركاته
عندي استفسار بخصوص كاسكو شريته فرخ تقريباَ 4 شهور والحين عمره تقريباَ 8-9 شهور
اول ماشريت الطير غير اليف ويجعر طبعاَ وكان ريش صدره شبه غير موجود
والحين يطلع بس بشكل بطئي جداَ ..
ومن شريت الطير وانا ادربه واولفه والحين الحمد الله الطير مايعرف العض وياكل من يدي وفمي
ويطلع ع اليد لدرجة علمته حتى يسلم علي برجه اذا قربت اصبعي من عنده
وكل هالاشياء عادي يسويها مع اي احد غيري
الاستفسار اللي عندي ..
1- هل الريش طبيعي يجلس هالمده ما اكتمل اللي هي 4 شهور تقريباً
مع اني شريت له شامبو للشور وبخاخ مابعد الشور وفيتامينات وانوع له الاكل
2- من شريت الطير ماسمعت منه الا 4 تصفيرات او 6 مع العلم اني من اجلس معه اصفر
واطقطق له واكلمه / ملاحظه اذا شغلت له اصوات يصفر ويجي لحد مصدر الصوت يدور
3- اذا كان الطير داخل القفص او فوق القفص يتقبل مني اي شي بدون ماينحاش او يعصب
بس اذا نزلته من القفص ينحاش من عندي ومهماا ناديته ولا كلمته مايسمعني
حتى جربت اجوعه واعطيه من يدي يجي ياخذ الاكل ويروح بختصار احس ان الطير مايحبني
ومادري وش اسوي له
ياليت تفيدوني اذا ماعليكم امر واذا حبيتو انزل صور ولا فديو لطير مو مشكله
والله يعطيكم الصحه والعافيه
اخوكم / ابوفهد
__________________
سبحان الله وبحمده ,,, سبحان الله العظيم
|