بندق تعبني

[فاتـــو]

السلام عليكم ورحمه الله وبركاته
كيفكم يااعضاء المنتدى الحبيب
طبعا انتوا تعرفون بندق اللي لقيته امام البيت وعمره 5 ايام
اعتنيت فيه لين ماكبر شوي
وهو عمره اسبوعين بس فيه ثلاث مشاكل تعبوني
الاولى :ان الاحظ انفه وفمه يتغير لونهم يعني اول ماجبيته كان لونهم احمر والحين صاير ابيض وانا حاسه ان هذي اعراض مرض ويوم ارضعه يرجع احمر يعني مو ثابت لونه ..

والمشكله الثانيه :انه يكره الليتر بوكس مع انه تظيف ومنخفض ويقدر يدخله بسهوله
ولكنه يهرب منه ويقضي حاجته بنص الغرفه
وعاد الله لا يوريكم اختي وش تسوي فيني
وصار يهرب من الليتر بوكس باي طريقه ..

المشكله الثالثه :اني بغيت اعوضه عن الحرمان اللي شافه
رحت اشتريت له علبه حليب اطفال من الصيدليه 42 جنيه
ولكن بعد فتره من استخدامه اكتشفت ان صلاحيته منتهيه من شهر
وهو ماصار له شي له مده يشرب منه وما يسوي له شي
هل استمر عليه مع العلم اني دفعت دم قلبي في ذا الحليب
(مصروفي ) والله يوفقكم افيدوني ..
واخيرا الله يعطيكم العافيه جميعا ...