استشاره عن وضع ببغاء الدره بسلاكه

[ٌابوعمر]

المشاركة الأصلية كتبت بواسطة Fawazo

مـآشـآء الله

شغل, تخطيط, تصميم, واستشارات, ونصائح

الله يوفقك أخوي وتوصل لما تطمح إليه

والأخوان ماقصروا مـآشـآء الله عليهم
.
.
أهم مايجب أنت تعرفه عن الدرة
مناعتها قوية مـآشـآء الله, تتأقلم بسرعة على المكان, تحب الأكل المشكل
وإذا اعتادت على تواجدك...أنت بنفسك راح تتعلق فيها


وقبل البدء بالتنفيذ

لازم تحط خطة معينة, وتصميم يناسب الطيور
وأيضاً مناسب لك
ويكون التصميم يعطيك أريحية في فحص الطيور, وأيضاً عدم إزعاجها
يعني إذا تبي تشيك على الأعشاش

ونصيحة مهمة جداً
الطيور تحب الصباح الباكر
عشان كذا...لازم تكون الواجهة شرقية

وبالنسبة للي يقول...
حط رشاش موية مؤقت
أنا أقول لا ما انصحك بها
لأن بعض الطيور ماتبي تتروش في هذا الوقت

فالأفضل انك تصمم شلال صغير
ويكون حـوض الماء بـإرتفاع (5 سـم) تقريباً

فوائد الشلال
أولاً: يعطي منظر خلاب للعشة
ثانياً: الي يبي يتروش يفصخ ملابسه ويـطـب ههههههههههه
محد مجبور على الترويش

وأيضاً أرضية العشة
التربة الزراعية مناسبة لها أفضل من الرمل
لأنه بعد وضعها ورشها بالماء...ستكون صلبة

وبالنسبة للأكل
أنا أفضل انك تضع مكان مخصص للأكل بجانب الحائط
ويكون تحت مكان الأكل (شبك)بـإرتفاع (20 سـم) مفتوح من الخارج(من تحت)
طيب لـيـش.! عشان تنظف بقايا الأكل بدون ماتدخل عندهم وتقروشهم

وإذا تبي تعطي منظر جمالي آخر
ضع شجرة اللوز الهندي
حجمها مناسب
وأوراقها كبيرة
وأغصانها متفرعة
فهي الأنسب للدرة

(وأنصح تآخذ شجرة من الآن...وتسقيها كل يوم...إلى أن تحضر الأزواج)
عشان يكتمل نموها...ويزيد تفرعها

وأيضاً لازم تحط المكيف الصحراوي
لأنه مهم في الصيف


ونحن بنتظار الـعـشـة الـخـنـفـشـاريـة ههههههههههه

بالتوفيق أخوي

كــن بـخـيـر

والله يبيلي ميزانيه خنفشاريه اذا بغيت اسوي عشه زي الي تقول عليها ههههههههههه انا حدي بل عشه 2000 بل كثير والبافي بشتري فيه الطيور اهم شي طيور حلوه وكثيره